San Juan 4:41 - Biblia

⁴¹ Jayawe jokua mokui ara rupi Jesús umɨmbeu chupe reta Tumpa iñee. Jare jukuärái jeta ye wɨrowia Jesús re.

Guaraní Pe (Western): Simba

⁴¹ Jare jeta ĩru vae reta upurugüɨrovia Jesús etei jei chupe reta vae jeco pegua.

San Juan 4:41 Iomraidhean Croise

San Lucas 4:32

Jare uyapɨsaka jese wae reta ipɨakañɨ jae oporomboe wae re, echa’ä jae oporomboe imbaepuere rewe.

San Juan 4:42

Jei reta kuña pe: “Añawe mbaetɨ ko nde nemɨmbeu orewe ramoño ndorowia noï jese. Añawe ore etei nduyapɨsaka ma jese. Jare añawe ore nduikuaa añetete yepe jae ko Upuruepɨ wae ou kua ɨwɨ pe wae,” jei reta kuña pe.

San Juan 6:63

“Jare jokua ara che a ye yawe, ¿këraita pa penoi tekowe opa mbae wae pe retaiño? Ndarau pepuere, echa’ä jaeño Tumpa iEspíritu umee kua nunga tekowe. Jare kua chiñee mii reta ou ko Espíritu Santo wi jare ueru tekowe opa mbae wae.

San Juan 7:46

Jare sɨndaro reta jei: “Echa’ä mbaetɨi kiawe uyemɨngeta jokua kuimbae uyemɨngeta rami,” jei chupe reta.

Hechos 1:8

“Erëi pe reta pepuere pikuaa kua rewa: Espíritu Santo ou ma pepɨa pe yawe, pemɨmbaepuereta oï,” jei. “Joko wi pe reta chekuaakata opaete wae reta pe – tëta wasu Jerusalén pe rani, jare joko wi opaete ɨwɨ Judea rupi, ɨwɨ Samaria rupi, jare opaete ɨwɨ rupi,” jei chupe reta.

Hechos 15:3

Jayawe yuraa reta tëta wasu Jerusalén kotɨ. Jare yuraa yureko rambuewe, uasa reta ɨwɨ Fenicia rupi jare ɨwɨ Samaria rupi. Jare jokoropi umɨmbeu reta Cristo re wɨrowia wae reta pe kërái jeta judío mbae wae reta uyerowa ma Tumpa kotɨ. Jare kua uyandu yawe, uyerowiaete opaete jokua hermano reta.

Hechos 8:12

Erëi Felipe umɨmbeu chupe reta kërái Tumpa ikota opaete wae imburuwicha wasurä jaeño mái pewa. Jare umɨmbeu wi chupe reta mbae uyapo reta waerä ñonoï waerä Tumpa ndiwe jokua ara – jae ko wɨrowia reta waerä Jesucristo re. Jayawe jeta Samaria pewa reta wɨrowia Felipe jei wae re jare uyembɨsakambuka reta ɨ pe, kuimbae jare kuña reta wi.

Hechos 8:25

Joko wi Pedro jare Juan uikuaaka joko pe ñonoï wae reta pe yandeYa Jesucristo rewa, jare umɨmbeu chupe reta yandeYa iñee. Jayawe oë yuraa reta ye Jerusalén kotɨ. Jare yuraa yureko rambuewe ɨwɨ Samaria rupi, umɨmbeu reta ñee ikawi wae jeta tëta wasu raɨ reta rupi.

Hebreos 4:13

Añetete mbaetɨ kiawe Tumpa uyapo wae ipuere uñemi chuwi, echa’ä Tumpa uecha jare uikuaa opaetei mbaembae. Jare jae jowai yayemboɨta ñaï kuri yamɨmbeu waerä yandereko rewa.