San Juan 4:38 - Biblia

³⁸ Echa’ä che pomondo aï pembaewɨro waerä kiape mbaetɨ pemaetɨ wae pe. Ïru wae reta uparawɨkɨ ma täta, jare añawe pe reta piyekouta peï jae reta iparawɨkɨ re,” jei Jesús umbɨjaanga rewe jemimboe reta pe.

Guaraní Pe (Western): Simba

³⁸ Che pomondo peavɨro vaerã peparavɨquɨ'ã jese vae. Ĩru vae reta uparavɨquɨ jese, jare pe reta peavɨro jae reta iparavɨquɨ vae —jei Jesús chupe reta.

San Juan 4:38 Iomraidhean Croise

San Mateo 4:23

Jayawe Jesús oo opaete ɨwɨ Galilea rupi, jare oporomboe tupao reta rupi. Jae umɨmbeuñoi ñee ikawi wae kërái uyembɨpɨta ma Tumpa imbaepuere mburuwicha wasu pewa kua ɨwɨ pe. Jare jae umɨnguera wi imbaerasɨ wae reta ipotawe mbaerasɨ wi.

San Juan 17:18

“Che añeñono tee ma amano waerä jese reta. Jare jukuärái jae reta ipuereta uñeñono tee nemaerä añetete rewe,” jei. “Añawe che amondo aï kua reta opaete ɨwɨ rupi kërái nde chembou ɨwɨ pe rami,” jei.

San Juan 4:37

“Pe pikuaa kërái jeta wae reta jei kuärái: ‘Pëti wae umaetɨ jare ïru wae umbaewɨro,’ jei reta. Jare jukuäraita wi ko pemaerä.

San Juan 4:39

Jayawe jokua tëta wasu raɨ pewa reta yuweru uwäe Jesús oï wae pe, jare umɨñera reta Jesús upɨta waerä jae reta ndiwe. Jeta jae reta wɨrowia Jesús re jokua kuña umɨmbeu chupe reta wae jeko pewa. Echa’ä kuña jei ma chupe reta: “Yepe tëi che aikuaa’ä jokua kuimbae, erëi opaete ayapo wae jae umɨmbeu chewe,” jei. Jayawe Jesús upɨta jae reta ndiwe mokui ara pewa. Jae reta ɨwɨ Samaria pewa ko.

Hechos 2:41

Jayawe jokua ara mbapɨ miri rupi wɨrowia reta jare uyembɨsakambuka reta ɨ pe. Jare jae reta uñemɨïru ïru wae reta Cristo re wɨrowia wae ndiwe.

Hechos 4:32

Jayawe opaete Cristo re wɨrowia wae reta yureko ipɨa pe pëti ramiño uyerowia rewe. Mbaetɨ pëti awe jae reta ipɨte pe mbaembae umbɨete iyupe reta wae. Opaete mbaembae onoi reta wae umbɨyaoñoi iyupe reta.

Hechos 4:4

Erëitu jokua uyembatɨ wae reta ipɨte wi, jeta wɨrowia reta Pedro jare Juan oporomboe wae re. Jáeramo añawe Cristo re wɨrowia wae reta kuimbae retaño uyepapa pandepo miri rupi.

Hechos 5:14

Jare opa ara rupi jeta ïru kuimbae jare kuña reta yandeYa re wɨrowia wae uñemɨïru jae reta ndiwe.

Hechos 6:7

Jáeramo Tumpa iñee jekuaeño uñemɨái opaete tëta wasu Jerusalén rupi. Jayawe jokoropi uyembɨjeta Cristo re wɨrowia wae reta. Jare jeta judío isacerdote retawe wɨrowia wi Jesús re.

2 Corintios 10:15

Amokue wae reta umɨmbeu ñonoï Tumpa iñee kiape ñee ikawi wae uyemɨmbeu ma wae rupi. Jare jae reta uyemɨngeta uyembɨkate rewe ambɨe wae iparawɨkɨ re jae reta uyapo wae rami. Erëi ore nduyapo’ä jukuärái. Ore nduipota numɨmbeu ñee ikawi wae kiape ñee ikawi wae uyemɨmbeu mbae wae rupi. Jare orepɨayemɨngeta ko jae pe reta pepɨräta kawi ma Tumpa re yawe, jayawe orepuereta numɨmbeu ñee ikawi wae perëta kutɨ rupi ñonoï wae reta pe.