San Juan 4:30 - Biblia

³⁰ Jayawe opa oë yuweru reta tëta wasu raɨ wi Jesús oï wae pe.

Guaraní Pe (Western): Simba

³⁰ Jayave cuimbae reta oẽ tenta guasu güi yugüeru Jesús cotɨ.

San Juan 4:30 Iomraidhean Croise

San Mateo 20:16

Jare Jesús jei wi jemimboe reta pe: “Jukuäraiete wi ko jeta taɨkuewa añawe ñonoï wae reta, pëti ara Tumpa umbɨtenondewata oï reta kuri. Jare jeta tenondewa añawe ñonoï wae reta, Tumpa umbɨtaɨkuewata oï reta kuri. Jukuärái che jae,” jei chupe reta.

San Juan 4:29

“Peyu pemae pëti kuimbae aikuaa mbae wae re. Jae umɨmbeu chewe opaete mbae tenonde yawe ayapo wae re. ¿Jae’ä ra ko Cristo yae chupe wae?” jei.

San Juan 4:31

Jokua kuña oo rambuewe, Jesús jemimboe reta jei chupe: “Oporomboe wae, ko oï tembiu. Ekaru,” jei reta chupe.

San Juan 4:39

Jayawe jokua tëta wasu raɨ pewa reta yuweru uwäe Jesús oï wae pe, jare umɨñera reta Jesús upɨta waerä jae reta ndiwe. Jeta jae reta wɨrowia Jesús re jokua kuña umɨmbeu chupe reta wae jeko pewa. Echa’ä kuña jei ma chupe reta: “Yepe tëi che aikuaa’ä jokua kuimbae, erëi opaete ayapo wae jae umɨmbeu chewe,” jei. Jayawe Jesús upɨta jae reta ndiwe mokui ara pewa. Jae reta ɨwɨ Samaria pewa ko.

Hechos 10:33

“Jáeramo jupiwoiño amondo ndekotɨ, jare ore nduyerowiaete noï ndeyu wae re. Ore nduikuaa yandeYa umee ma ndewe ñee nemɨmbeu yuapɨ ye waerä orewe. Jare añawe opaete ore kua pe noï Tumpa jowai nduyapɨsaka waerä nderé,” jei Cornelio Pedro pe.

Hechos 13:42

Jayawe opa yembatɨ yawe, oë reta tupao wi. Jare jeta uyembatɨ yureko wae reta yuweru umɨñera Pablo jare Bernabé yuweru ye waerä ïruwe ara mbutuu pe oporomboe ye reta waerä Jesús rewa. Jayawe jeta judío reta jare judiorä uyeyapo wae reta wi yuraa reta Pablo jare Bernabé ndiwe. Jare Pablo jare Bernabé umɨkɨrëɨ reta jekuaeño uyeko reta waerä Tumpa ipɨakawiete wae re.

Hechos 28:28

Jare Pablo jei wi jokua judío reta pe: “Pikuaa kawi kua: Tumpa umbɨpɨ ma uikuaaka judío mbae wae reta pe kërái rupi ipuere onoi reta waerä tekowe opa mbae wae Tumpa ndiwe. Jare jae reta uyapɨsakata jese,” jei Pablo chupe reta.

Romanos 5:20

Arakae Tumpa uikuaaka Israel iñemoñaa reta pe kërái yureko reta waerä – jae ko mbaembae uyapota ko reta wae jare mbaembae awɨyeta ko uyapo reta wae. Jare jukuärái Tumpa uyapo opaete yande yaikuaa kawi waerä yandereko tuicha wae ko jae jei wae yayawɨ ramo. Erëi yepe tëi yande jeta yayawɨ Tumpa jei wae jare yandereko jekuaeño ukuakuaa oo iko, erëi jesewe Tumpa tuichaete ye ipɨakawi yandewe.