San Juan 4:3 - Biblia

³ Jayawe kua uikuaa yawe, Jesús oë ɨwɨ Judea wi jemimboe reta ndiwe, jare yuraa ye ɨwɨ Galilea kotɨ awɨye waerä uyembowaicho fariseo reta ndiwe.

Guaraní Pe (Western): Simba

³ Jayave cua uicuaa yave, Jesús oẽ Judea güi oo ye Galilea pe.

San Juan 4:3 Iomraidhean Croise

San Mateo 10:23

“Jayawe uipota uiporaraka reta pewe yawe pëti tëta wasu pe, peë pekua chuwi reta ïruwe tëta wasu kotɨ. Che tae pewe añetete wae, ndarau opa pemɨmbeu ñee ikawi wae opaete Israel pewa reta jëta wasu rupi ndei ayu ye mbowe che kuimbaerä ayeyapo wae,” jei chupe reta.

Marcos 3:7

Jayawe Jesús jare jemimboe reta ndiwe yuraa ɨpa wasu kotɨ. Jare yuraa wi jaɨkue jeta ɨwɨ Galilea pewa reta.

San Lucas 17:11

Jayawe Jesús jare jemimboe reta ndiwe jekuaeño yuraa Jerusalén kotɨ. Jare uasa reta ɨwɨ Samaria jare ɨwɨ Galilea ipäu rupi.

San Juan 1:43

Pɨarewe pe Jesús uipota oo ɨwɨ Galilea kotɨ. Jare uwata iko rambuewe, oñowäiti pëti kuimbae Felipe jee wae ndiwe jare jei chupe: “Eyu che ndiwe ndiko waerä cheremimboerä,” jei chupe.

San Juan 10:40

Jare Jesús oo ye ɨ wasu Jordán jowaicho pe kiape tenonde yawe Juan upurumbɨsakambu iko wae pe. Jare Jesús upɨta joko pe.

San Juan 11:54

Jáeramo Jesús uwata’ä ma judío reta jowake, erëi oo joko wi pëti tëta wasu Efraín jee wae pe. Jokua tëta wasu oï ɨwɨtini wasu jembeɨ pe. Jare joko pe Jesús upɨta jemimboe reta ndiwe.

San Juan 2:11

Jesús kua uyapo ɨwɨ Galilea pe tëta wasu raɨ Caná pe. Jare jokua ko jae jaeramo etei Jesús mbae uyapo kiawe ipuere’ä uyapo wae. Jukuärái umbɨpɨ uechaka jae imbaepuere tuicha wae. Jare jokua jae uyapo wae jeko pewa jemimboe reta wɨrowia jese.

San Juan 3:22

Kua jaɨkue rupi Jesús oo jemimboe reta ndiwe ɨwɨ Judea jee wae pe jare upɨta reta joko pe. Jare yuweru jeta wae reta uyembɨsakambuka waerä ɨ pe.

San Juan 3:32

Jae uecha mbaembae ara pewa jare uyandu wi. Jáeramo jae uikuaaka kawi ma yandewe jokua mbaembae ara pewa re. Erëitu opaete seri wɨrowia’ä jae mbae umɨmbeu wae.

San Juan 4:47

Kua mburuwicha pe jeräkua Jesús ou ma ko uwäe Judea wi Galilea pe. Jayawe jae oo uwäe Jesús oï wae pe, jare uyerure chupe taɨ re kuärái: “Cheraɨ mii umanota ma oï chewi. Ya mii cherëta pe emɨnguera chewe,” jei chupe.

San Juan 7:1

Kua jaɨkue rupi Jesús jare jemimboe reta ndiwe yuraa tëta wasu reta rupi ɨwɨ Galilea pe. Jesús uipota’ä oo ɨwɨ Judea pe, echa’ä joko pe uipota judío itenondewa reta uyukaka ramo.