San Juan 4:25 - Biblia

²⁵ Jayawe kuña jei Jesús pe: “Che aikuaa jokua yae chupe Mesías wae outa oï – jae wi ko Cristo yae chupe wae. Jare jae ou yawe, umɨmbeuta oï yandewe opaete mbaembae rewa,” jei chupe.

Guaraní Pe (Western): Simba

²⁵ Jayave cuña jei Jesús pe: —Aicuaa Tumpa ombou vae outa co - jae co Cristo jee vae - jare jae ou yave, umɨmbeuta yandeve opaete mbaembae regua —jei.

San Juan 4:25 Iomraidhean Croise

San Mateo 1:16

Jare Jacob taɨ ko jae José. Kua José ko jae María ime. Jare María imembɨ ko jae Jesús. Jae ko Cristo yae chupe wae – jokua Upuruepɨ wae Tumpa ombou wae.

San Mateo 27:17

Jayawe jeta wae reta yuweru uyembatɨ Pilato joka rupi. Jare Pilato oë oo jare upɨrandu chupe reta: “¿Kía nunga pa pipota ambopoika waerä pewe? ¿Barrabás ani Jesús, jokua Cristo pere chupe wae?” jei chupe reta.

San Mateo 27:22

Jare Pilato jei chupe reta: “Ambopoika yawe Barrabás, ¿mbae pa pipota ayapo waerä pewe Jesús pe, jokua Cristo pere chupe wae?” jei chupe reta. Jayawe opaete wae usapɨkai rewe jei: “¡Ikutuka kurusu re!”

San Lucas 2:11

Echa’ä kua pɨ̈tu etei oa ma Upuruepɨ wae David jëta wasu pe. Jae ko yandeYa etei jare Cristo pere chupe wae,” jei.

San Juan 1:49

“Oporomboe wae,” jei Natanael, “añawe aikuaa nde ko jae Tumpa Taɨ. Nde ko jae oremburuwicha wasurä ndikota wae,” jei chupe.

San Juan 4:29

“Peyu pemae pëti kuimbae aikuaa mbae wae re. Jae umɨmbeu chewe opaete mbae tenonde yawe ayapo wae re. ¿Jae’ä ra ko Cristo yae chupe wae?” jei.

San Juan 4:39

Jayawe jokua tëta wasu raɨ pewa reta yuweru uwäe Jesús oï wae pe, jare umɨñera reta Jesús upɨta waerä jae reta ndiwe. Jeta jae reta wɨrowia Jesús re jokua kuña umɨmbeu chupe reta wae jeko pewa. Echa’ä kuña jei ma chupe reta: “Yepe tëi che aikuaa’ä jokua kuimbae, erëi opaete ayapo wae jae umɨmbeu chewe,” jei. Jayawe Jesús upɨta jae reta ndiwe mokui ara pewa. Jae reta ɨwɨ Samaria pewa ko.

San Juan 4:42

Jei reta kuña pe: “Añawe mbaetɨ ko nde nemɨmbeu orewe ramoño ndorowia noï jese. Añawe ore etei nduyapɨsaka ma jese. Jare añawe ore nduikuaa añetete yepe jae ko Upuruepɨ wae ou kua ɨwɨ pe wae,” jei reta kuña pe.