San Juan 4:24 - Biblia

²⁴ Echa’ä Tumpa ko jae Espíritu. Jáeramo Tumpa jee umbutuicha wae reta tumbutuicha Tumpa iEspíritu rupi jare añetete wae rupi kawi,” jei chupe.

Guaraní Pe (Western): Simba

²⁴ Tumpa co jae Espíritu. Umbɨadora vae reta tumbɨadora Espíritu Santo rupi jare añete vae rupi —jei Jesús.

San Juan 4:24 Iomraidhean Croise

San Juan 4:23

“Erëi uwäeta ara – jae ko añawe etei – jokua añetete rewe Tumpa jee umbutuicha wae reta imeta onoi Tumpa iEspíritu ipɨa pe. Jare jae reta umbutuichata ñonoï Tumpa jee Tumpa iEspíritu rupi jare añetete wae rupi kawi. Jokua nunga reta ko yandeRu Tumpa ueka oï umbutuicha reta waerä jae jee.

2 Corintios 1:12

Kua añawe ndoeta pewe wae, ndoeta pewe nduyerowia rewe jare orepɨa orembɨjeko mbae rewe. Jae ko kua: Ore nduiko yawe Cristo re wɨrowia mbae wae reta ipɨte rupi jare pe reta ndiwe wi, ore nduiko kawi orereko mbae rewe. Ndupurumbɨtawɨ'ä etei. Erëi ore mbaetɨ ko oreiño orearakuaa rupi nduiko jukuärái. Ore ko noï Tumpa ipɨakawi rupi.

2 Corintios 3:17

YandeYa jae ko Espíritu. Jare ime yawe kía yandeYa iEspíritu onoi wae, ndarau ma iyarakuaa uyakasoi oï wae rami.

Filipenses 3:3

Echa’ä yande reta ko jae Tumpa imaerä añetete wae. Yande reta ko yambutuicha Tumpa jee Espíritu Santo rupi. Jare mbaetɨ yayeko ñaï yandiyé jare mbaembae yayapo wae re ñanoi waerä tekowe opa mbae wae. Jaeño yayeko ñaï mbaembae Jesucristo uyapo yandewe wae re, jare jokua re ko yayemɨngeta.

1 Timoteo 1:17

Jáeramo, ¡yambutuicha Tumpa jee! Jae ko opaete wae imburuwicha wasurä jaeño mái pewa, jare yaecha mbae wae ko, jare ndaraúi umano wae. Jaeño ko jae Tumpa. Jare jae jee tuyembutuichaka jaeño mái pewa. Jukuärái tuiko.

1 Samuel 16:7

Erëi Tumpa jei Samuel pe: “Awɨye emae imaepöra wae re ani ipuku wae re, echa’ä che arɨ̈ro ma Eliab. Che amae’ä ɨwɨ pewa reta umae wae rami. Opaete wae umae jae reta jowai oï wae reño, erëi che amae ipɨa re,” jei chupe.