San Juan 4:21 - Biblia

²¹ Jayawe Jesús jei chupe: “Iyapɨsaka cheré. Uwäeta ma ara awɨye waerä peo pea ɨwɨtu wasu re pembutuicha waerä yandeRu jee. Jare peota’ä wi Jerusalén pe awe,” jei.

Guaraní Pe (Western): Simba

²¹ —Chererovia, cuña —jei Jesús—. Outa ma ara agüɨye vaerã pembɨadora cheRu cua ɨvɨtu guasu reño ani Jerusalén peño —jei—.

San Juan 4:21 Iomraidhean Croise

San Mateo 18:20

“Echa’ä ime yawe kía reta cheree re uyembatɨ wae, che aïta jae reta ipɨte pe, yepe tëi jae reta mokui ani mbapɨ miño yepe,” jei Jesús jemimboe reta pe.

San Mateo 28:19

“Jáeramo che tae pewe, pekua opaete ɨwɨ rupi. Jare pemboe opaete wae ambɨe ye ye iñee pe uyemɨngeta wae reta yureko waerä cheremimboe retarä,” jei chupe reta. “Pembɨsakambu reta ɨ pe cheRu jee re, jare cheree re, jare Espíritu Santo jee re,” jei.

San Lucas 21:24

“Jare jeta jae reta umanota kɨsepuku pe. Jare ïru wae reta uyereraata peresorä ambɨe ɨwɨ reta pe,” jei. “Jare judío mbae wae reta uyembɨiyata kua Jerusalén re jare yurekota pɨpe jae reta ime mbaepuere onoi wae opa rewa,” jei Jesús jemimboe reta pe.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 16:2

Echa’ä cheré wɨrowia mbae wae reta pemombota perenoi petupao reta wi. Jare wi uwäeta ara pemano waerä jae reta ipo pe. Jare jae reta wɨrowiata tëi Tumpa pe ko uyeyokui ñonoï peyuka yawe,” jei chupe reta.

San Juan 16:32

Mase, uwäeta ma ara – jae ko añawe etei – pe reta opa piñemɨái waerä. Pe reta opata chereya cheño pe etei jare pëti pëti pe reta opata peo ye perëtarëta rupi. Erëi añetete ndarau aï cheño pe etei, echa’ä cheRu oï che ndiwe,” jei chupe reta.

San Juan 4:23

“Erëi uwäeta ara – jae ko añawe etei – jokua añetete rewe Tumpa jee umbutuicha wae reta imeta onoi Tumpa iEspíritu ipɨa pe. Jare jae reta umbutuichata ñonoï Tumpa jee Tumpa iEspíritu rupi jare añetete wae rupi kawi. Jokua nunga reta ko yandeRu Tumpa ueka oï umbutuicha reta waerä jae jee.

San Juan 5:25

“Che tae pewe añetete wae, kua ɨwɨ pewa reta umano wae echa ñonoï Tumpa wi. Erëi uwäeta ma ara jae reta uyandu waerä che Tumpa Taɨrä aiko wae chiñee. Añetete yepe añawe uwäe ma jokua ara. Jare jokua uyapɨsakata chiñee re wae reta onoita tekowe ipɨau wae.

San Juan 5:28

“Awɨye pepɨakañɨ kua che jae pewe wae re. Echa’ä uwäeta ara opaete umanokue wae reta uyandu waerä chiñee.

Hechos 6:14

“Mase, ore nduyandu jei jokua Jesús Nazaret pewa umbaita yandetupao wasu jare ueyakata yandewe yandereko Moisés uikuaaka yandewe wae,” jei reta.

Efesios 2:18

Jukuärái Cristo uyapo yandewe ramo, päwe rewe yandepuere yaya yandeRu Tumpa re Espíritu Santo rupi.

Efesios 3:14

Chepɨa pe ayemɨngeta yawe Tumpa ipɨayemɨngeta ikawiete wae re, añeñono chetawa re yandeRu Tumpa jowai ayerure waerä chupe peré. Jae ko yandeYa Jesucristo Tu.

1 Timoteo 2:8

Jáeramo opaete kerupi rupi Cristo re wɨrowia wae reta uyembatɨ reta rambuewe, che aipota kuimbae reta uyerure waerä Tumpa pe. Jare awɨye tuyerure reta mbochɨ rewe jare mbae umbasɨ rewe. Erëi tuyerure reta ipɨakɨa mbae rewe.

1 Pedro 1:17

Tumpa – jae ko yande yae chupe “cheRu” wae – jae jekuaeño oyowake rupi umae oï yanderé. Jare taɨkue rupi pëti pëti wae pe jeita mbaembae yayapo wae re. Jáeramo piko kawi pipɨu rewe kua ɨwɨ pe peï rambuewe. Añetete pe reta ko jae kua ɨwɨ rupi pewata piko waeño, echa’ä pe reta ara pewa ma ko peï.

Apocalipsis 21:22

Jare mbaetɨ etei aecha tupao wasu jokua tëta wasu pe. Echa’ä yandeYa Tumpa imbaepuerete ye wae jare Owecha kuimbae taurusu wae, jae reta etei ñonoï joko pe tupao wasu ipepɨka pe.