San Juan 4:15 - Biblia

¹⁵ Jare kuña jei chupe: “Emee mii tau jokua ɨ, awɨye ye waerä cheɨwe jare awɨye ye waerä ayu kua pe anoe waerä ɨ,” jei chupe.

Guaraní Pe (Western): Simba

¹⁵ —Carai —jei cuña—, emee cheve cua ɨ, agüɨye ye vaerã cheúe jare agüɨye ye vaerã ayu cua pe ɨ anoẽ vaerã —jei.

San Juan 4:15 Iomraidhean Croise

San Juan 4:16

Jayawe Jesús jei chupe: “Ekua neme eni, jare peyu mokui rewe kua pe,” jei chupe.

San Juan 6:26

Jayawe Jesús jei chupe reta: “Che tae pewe añetete wae, che ayapo ma pewe mbaembae kiawe ipuere’ä uyapo wae pe reta pikuaa waerä tëi añetete kía ko che wae. Erëi jokua jeko pewa’ä ko pe reta chereka peï. Pe reta chereka peï jokua mbɨyape pemɨngapɨɨ wae ramoño,” jei.

San Juan 6:34

“Orerɨkeɨ,” jei reta, “jekuaeño emee mii orewe jokua nunga mbɨyape,” jei reta.

San Juan 6:35

Jayawe Jesús jei chupe reta: “Che etei ko jae jokua mbɨyape tekowe opa mbae wae umee wae,” jei. “Ipotawe kía ou chekotɨ cheré wɨrowia rewe wae ndarau etei iyembaɨ jare ndarau etei iɨwe wi,” jei umbɨjaanga rewe.

Romanos 6:23

Echa’ä mbaembae yayawɨ Tumpa kotɨ wae jepɨ ko mano – jae ko yembɨsɨrɨ Tumpa wi jaeño mái pewa Tatawasurenda pe. Erëi Tumpa umee yandewe tekowe opa mbae wae jepɨ mbae awe. Jare kua re ko yande yayekou ñaï, echa’ä pëti ramiño ko ñaï yandeYa Jesucristo re ramo. Jukuärái ko. Jáeramo mbaetɨ ikawi jekuaeño yayawɨ waerä Tumpa jei wae.

Romanos 8:5

Espíritu Santo jei wae re yureko wae reta ipɨayemɨngeta oï Espíritu Santo uipota wae re. Jae reta onoita tekowe opa mbae wae jare ipɨakatuta reta wi. Erëi jokua jae jei wae rupiño yureko wae reta jaeño uikuaata mano jare Tatawasurenda, echa’ä ipɨayemɨngeta oï mbaembae jete uipota wae reño.

1 Corintios 2:14

Erëi Cristo re wɨrowia mbae wae reta mbaetɨ onoi Espíritu Santo. Jáeramo wɨrɨ̈ro reta mbaembae Tumpa iEspíritu uikuaaka wae, echa’ä jokua mbae’ä ko chupe reta. Jare jae nunga wi ipuere’äwe uikuaa kawi reta jokua mbaembae, echa’ä jaeño Espíritu Santo onoi wae reta ipuere uikuaa jokua mbaembae rewa.

Santiago 4:3

Ani aramoi piyerure tëi chupe jese, erëi jae umee’ä pewe. Echa’ä piyerure kawi’ä pepɨa ikawi’ä oï ramo. Echa’ä jokua mbaembae piyerure jese wae, jaeño pipota piporu piyembɨyerowia waeräño.

1 Juan 5:20

Jare yaikuaa wi Tumpa Taɨ ou ma ko kua ɨwɨ pe jare umee ma yandewe arakuaa yaikuaa waerä Tumpa añetete wae. Jare añawe yande ñaï ma ko pëti ramiño Tumpa añetete wae re, echa’ä ñaï ma pëti ramiño Taɨ Jesucristo re ramo. Jae ko Tumpa añetete wae jare tekowe opa mbae wae iYa.