San Juan 4:11 - Biblia

¹¹ “¿Këraita ra jokua?” jei kuña. “Nde mbaetɨ nenoi mbae pɨpe nenoe waerä ɨ, jare kua ɨkua kɨpe oï. ¿Kiawi pa nde nderuta chewe jokua ɨ tekowe umee wae?

Guaraní Pe (Western): Simba

¹¹ —Carai —jei cuña Jesús pe—, nde mbaetɨ mbae nenoi ɨ nenoẽ pɨpe vaerã, jare cua ɨ quɨpe oĩ. ¿Quía güi pa nderuta jocua ɨ tecove güɨnoi vae? —jei—.

San Juan 4:11 Iomraidhean Croise

San Juan 3:4

Jayawe Nicodemo jei: “Ndarau kía ipuere uyapo jukuärái. Yandepuere’ä etei yaa pɨau ye yakuakuaa ma yawe. ¿Këraita pa yandepuere yaike ye yandesɨ jɨe pe yaa pɨau ye waerä?” jei chupe.

San Juan 4:14

“Erëi ipotawe kía jou jokua ɨ che ameeta chupe wae, ndarau etei ma iɨwe yewɨ. Echa’ä jokua ɨ che ameeta chupe wae uyeyapota ipɨa pe pëti ɨkua ɨwororo jekuaeño oë wae rami, jare umeeta chupe tekowe opa mbae wae,” jei chupe.

San Juan 7:37

Jayawe uwäe tabernáculos iara reta iyapɨ pe. Jokua ara ikawiete ïru ara reta wi chupe reta waerä. Jayawe Jesús uyemboɨ jare jei usapɨkai rewe: “Ime yawe kía iɨwe wae, tou chekotɨ tuyemɨngapɨɨ,” jei.

Hechos 10:14

Erëi Pedro jei: “Ndarau, cheYa,” jei. “Moisés arakae uikuatía wae uikuaaka orewe jokua nunga mbaemɨmba reta isoo ndou yawe, oremɨngɨata ko ndekotɨ. Che jau’ä etei ko kua nunga soo aa wiwe,” jei.

1 Corintios 2:14

Erëi Cristo re wɨrowia mbae wae reta mbaetɨ onoi Espíritu Santo. Jáeramo wɨrɨ̈ro reta mbaembae Tumpa iEspíritu uikuaaka wae, echa’ä jokua mbae’ä ko chupe reta. Jare jae nunga wi ipuere’äwe uikuaa kawi reta jokua mbaembae, echa’ä jaeño Espíritu Santo onoi wae reta ipuere uikuaa jokua mbaembae rewa.

Apocalipsis 21:6

“Añawe opaete mbaembae che jae wae opa ma uyeyapo,” jei. “Che ko jae Alfa jare Omega jee wae. Che ko jae iyɨpɨete wae jare iyapɨete wae. Ime yawe kía iɨwe wae, che ameeta chupe jou waerä ɨ tekowe umee wae ɨwororo wi oë wae jepɨ mbae,” jei.

Apocalipsis 22:1

Joko wi araɨwa uechaka chewe ɨ wasu ikɨa mbae wae – jae ko ɨ tekowe opa mbae wae umee wae. Jokua ɨ uwerasɨ vidrio uwerasɨ wae rami. Jare uyekuaa oë ou Tumpa jare Owecha kuimbae taurusu wae iwapɨa wi.

Apocalipsis 22:17

Espíritu Santo jare Owecha kuimbae taurusu wae jembirekorä wae jei: “Eyu, oreYa.” Jare jae nunga wi kua uyandu wae reta tei: “Eyu, oreYa.” Iɨwe wae reta tou kua pe jou waerä ɨ tekowe opa mbae wae umee wae. Jokua jepɨ mbae ko.

Apocalipsis 7:17

Echa’ä Owecha kuimbae taurusu wae wapɨa mburuwicha wasu pewa pe oï wae uyandarekota oï jese reta. Jare jae wɨraata oï reta ɨkua ɨwororo jekuaeño oë wae pe, joko pe jou reta waerä ɨ tekowe umee wae. Jare Tumpa etei oyoeta jesaɨ chuwi reta.” Jukuärái jokua mburuwicha jei chewe.