San Juan 4:1 - Biblia

¹ Pëti ara yandeYa Jesús pe jeräkua fariseo reta jei kuärái: “Jesús uyapo oï jetaete jemimboerä Juan wi jare umbɨsakambu reta oï ɨ pe,” jei reta.

Guaraní Pe (Western): Simba

¹ YandeYa Jesús uyandu jerãcua ma co fariseo reta pe cuarãi: “Jesús uyapo oĩ jare umbɨbautiza oĩ jeta jemimboe retarã Juan güi.” Jucuarãi jerãcua.

San Juan 4:1 Iomraidhean Croise

San Lucas 1:76

Joko wi Zacarías jei taɨ mii pe kuärái: “Nde, cheraɨ mii,” jei chupe. “Tumpa imbaepuere tuichaete wae etei neñono jae iñee nemɨmbeu waerä. Echa’ä nde rani ndeota neï yandeYa wi nemɨmbeu waerä opaete wae pe yandeYa iwäe ara koiñoete ma oï wae.

San Lucas 19:31

“Jare ime yawe kía upɨrandu pewe maera ra piyora peï mburika wae, pereta chupe: ‘YandeYa uipota uiporu,’ pere.” Jukuärái jei Jesús chupe reta.

San Lucas 19:34

Jayawe Jesús jemimboe reta jei: “YandeYa uipota uiporu,” jei chupe reta. Jayawe umaeño jese reta wɨraa waerä.

San Lucas 2:11

Echa’ä kua pɨ̈tu etei oa ma Upuruepɨ wae David jëta wasu pe. Jae ko yandeYa etei jare Cristo pere chupe wae,” jei.

San Lucas 7:13

Jare yandeYa uecha yawe jokua kuña, uiparareko umae jese jare jei chupe: “Awɨye iyao,” jei.

San Lucas 7:19

Jayawe Juan ueni mokui jemimboe reta jare jei chupe reta: “Pekua yandeYa oï wae pe pepɨrandu chupe jae ra ko Upuruepɨ wae outa iko wae, ani jekuaeño ñaärota ïru wae,” jei chupe reta.

San Juan 3:22

Kua jaɨkue rupi Jesús oo jemimboe reta ndiwe ɨwɨ Judea jee wae pe jare upɨta reta joko pe. Jare yuweru jeta wae reta uyembɨsakambuka waerä ɨ pe.

San Juan 3:26

Jayawe yuraa reta Juan oï wae pe jare jei reta chupe: “Oporomboe wae, nde ndiko yawe ɨ wasu Jordán jowaicho pe, ime iko wi nde ndiwe pëti kuimbae. Nde nemɨmbeu kawi orewe jae ko Tumpa Taɨ wae. Añawe jae upurumbɨsakambu oï wi ɨ pe, jare opaete wae yuraa ñonoï jae oï wae pe,” jei reta chupe.

Hechos 10:36

“Pikuaa peï kërái Tumpa ombou ñee ikawi wae ore Israel iñemoñaa reta pe,” jei. “Jokua ñee ikawi wae uikuaaka orewe kuärái: kía ipuere uyeapɨkatu waerä Tumpa ndiwe Jesucristo rupi – jae ko opaete ɨwɨ pewa reta iYa,” jei Pedro chupe reta.

1 Corintios 1:17

Mbowɨño pe reta pumbɨsakambu, echa’ä jokuaerä'ä ko Cristo chembou. Cristo chembou ko ñee ikawi wae amɨmbeu waerä ïru mbaembae reta wi. Jare che amɨmbeu yawe ñee ikawi wae, aiporu’ä arakuaa kua ɨwɨ pewa. Jaeño amɨmbeu sɨmi rupi kërái Cristo umano kurusu re yanderé mbaembae yayawɨ Tumpa kotɨ wae re. Echa’ä kua ñee rupiño ko uyekuaa Tumpa imbaepuere yanderepɨ waerä jokua teko ñanoi wae wi.

1 Corintios 15:47

Jare ¿këraita ra ko oï kuri yanderete? Jokua kuimbae tenondewaete wae ɨwɨ pewa ko, echa’ä ɨwɨ wi etei Tumpa uyapo ramo. Jare jukuärái wi yanderete ɨwɨ pewa ko Adán jete rami. Erëi joko wi ɨma katu rupi ou wi kuimbae ambɨe ye wae ara pewa – jae ko Cristo. Jare añawe yande ko jae Cristo pewa ramo, yanderete oïta wi kuri jae jete rami – jae ko ara pewa.

1 Corintios 2:8

Añetete mbaetɨ pëti awe mburuwicha yepe kua arakuaa uikuaa wae. Echa’ä mburuwicha reta kua uikuaa yawe, ndarau tëi uyukaka reta kurusu re yandeYa imbaepuere wae yambutuicha wae.

2 Corintios 4:5

Ore mbaetɨ ko numɨmbeu ore rewaño. Numɨmbeu ko Jesucristo rewa kërái jae ko opaete mbaembae iYa. Ore parawete reta numae oriyé pewe nduyeyokui wae retaño ko, Jesús nduau ramo.

Santiago 2:1

Hermano mii reta, yandeYa Jesucristo jupiete ye wae ko. Jare pe reta perowia ma jese ramo, awɨye etei piyeparawo pemae kawi waerä piyé.

Apocalipsis 19:16

Jare jae jemimonde re jare iu re uyekuatía oï kua tee: MBURUWICHA WASU RETA ITENONDEWAETE WAE JARE OPAETE WAE IYA TENONDEWAETE WAE