San Juan 3:6 - Biblia

⁶ Imeta ko onoi rani tekowe ipɨau wae, jare jokua nunga tekowe jaeño ou Espíritu Santo rupi. Yandesɨ retaño mbaetɨ umee yandewe jokua nunga tekowe. Jae reta jaeño umee yandewe tekowe ɨwɨ pewaño,” jei chupe.

Guaraní Pe (Western): Simba

⁶ Yaa yave yandesɨ güi, ñanoi tecove ɨvɨ peguarãño. Ẽrei Espíritu Santo umee yandeve tecove Espíritu pegua —jei—.

San Juan 3:6 Iomraidhean Croise

Génesis 5:3

Adán 130 año wɨreko yawe, pëti taɨ oa jae echa rami. Jare umbɨjee Set.

Génesis 6:12

Tumpa umae ɨwɨ pewa reta re jare uecha opaete uyapo reta ikawi mbae wae. Opaete jae reta jeko kachiete ma.

Génesis 6:5

Jare Tumpa uecha opaete wae jeko kachi jeiete ma ɨwɨ pe. Uecha kërái opaete wae ipɨayemɨngeta jekuaeño mbaembae kachi wae reño.

San Juan 1:13

Jae reta ko jae Tumpa taɨ reta, echa’ä Tumpa etei uyapo reta jukuärái ramo. Mbaetɨ uyeyapo reta jukuärái kua ɨwɨ pewa reta jeko rupi – jae ko tu jare ichɨ uipota uñemoña ramo.

San Juan 3:7

“Che amɨmbeu ma ndewe kërái pe reta imeta ko pea pɨau ye penoi waerä Tumpa pemburuwicha wasurä. Erëi awɨye ndepɨakañɨ kua re,” jei chupe.

Romanos 7:18

Jare che aikuaa amaeño jese yawe, jare aiko che jae wae rupiño yawe, ndarau uyekuaa ikawi wae. Echa’ä ndarau ayapo ikawi wae aipota tëi ayapo wae. Erëi jokua mbae ikawi mbae wae aipota’ä tëi ayapo wae, jekuaeño jokua ayapo parawete.

Romanos 7:25

Jaeño ko Tumpa cherepɨta chuwi yandeYa Jesucristo rupi. Jare jokua re amee yasurupái Tumpa pe. Jayawe añetete che aiko parawete kuärái: Chepɨa pe aipota tëi aiko kawi opaete Tumpa jei wae rupi. Erëi ime wi oï chepɨa pe jokua kɨrëɨ che jae wae rupiño aiko waerä. Jare jukuäraiño aiko yawe, jekuaeño ayawɨ Tumpa kotɨ.

Romanos 7:5

Tenonde yawe, ndei yarowia Cristo re mbowe, yandepuere’äse yayeyokui kawi Tumpa pe. Echa’ä yaikose yande yae wae rupiño. Jare yepe tëi Moisés arakae uikuatía wae yanembɨarakuaa kawi Tumpa jei wae rewa, erëi jokua jae uikuatía wae etei yepe uparawɨkɨ iko yanderé jeiete uipotaka waerä yandewe mbae kachi yayapo waerä yanderete pɨpe. Jare jokua yandereraa tëi iko mano kotɨ jare Tatawasurenda kotɨ.

Romanos 8:13

Echa’ä jokua nunga reta Tumpa umbɨsɨrɨta oï iyuwi jaeño mái pewa Tatawasurenda pe. ¿Jayawe maera ra yande jekuaeño yaipota yaiko jukuärái? Erëi Espíritu Santo yanemborɨ wae rupi yaya yawe yandereko kachi wae, jayawe yayekoueteta ñaï tekowe ipɨau wae re.

1 Corintios 6:17

Erëi ime yawe kía jae ko yandeYa pewa wae, pëti ramiño ko oï yandeYa re Espíritu Santo rupi.

2 Corintios 5:17

Jayawe ime yawe kía pëti ramiño oï Cristo re wae, jae ko Tumpa jembiapo ipɨau wae. Jae jeko indechikue uasa ma. Mase, añawe jae ko ipɨau wae.

Gálatas 5:24

Tenonde yawe yande reta yaipotase yaiko yande yae wae rupiño. Erëi añawe opaete yande Jesucristo pewa ma yaiko wae reta yaeya ma ko yande yae wae rupiño yaiko wae jare jokua kɨrëɨ mbaembae kachi wae ndiwe. Yaikutu ma kurusu re yaeya wae rami ko.

Efesios 2:3

Jare pe judío mbae piko wae retaño’ä ko jukuärái pikose, echa’ä ore judiorä nduiko wae jukuärái wi nduikose. Añetete opaetei yande jukuärái yaikose ndei yarowia Jesucristo re mbowe. Yande yaikose yae wae rupiño, jare jekuaeño yayapo mbaembae kachi wae yandepɨayemɨngeta jei wae rupiño. Jáeramo kua yandereko indechikue jeko pewa, jupi ko Tumpa uiporaraka yandewe waerä tëi opaete ïru wae reta pe uiporarakata oï wae rami.

Colosenses 2:11

Jare pe reta pëti ramiño peï Cristo re ramo, piyembɨcircuncidaka rami ma ko peï. Erëi mbaetɨ ko kërái kuimbae reta uyapo rami. Jae reta kía umbɨcircuncida yawe, ueki chuwi ipire raɨ mii. Erëi jokua uyeyapo pewe wae ikawiete ko. Echa’ä Cristo etei umbɨsɨrɨ ma pewi pereko indechikue imbaepuere iko peré wae. Añawe wiwe mbaetɨ ma onoi peré mbaepuere jokua kɨrëɨ mbae kachi piyapo waerä wae.

1 Juan 3:9

Jayawe ipotawe kía Tumpa uyapo taɨrä wae ndarau jekuaeño uyawɨ Tumpa kotɨ. Echa’ä Tumpa etei ko uyapo taɨrä iko waerä jare umee chupe tekowe ipɨau wae Tumpa pewa. Jokua jeko pewa ko Cristo re wɨrowia wae reta ipuere’ä jekuaeño uyawɨ Tumpa kotɨ.