San Juan 3:36 - Biblia

³⁶ Jare ipotawe kía Tumpa Taɨ re wɨrowia wae ime onoi tekowe opa mbae wae. Erëi Tumpa Taɨ re wɨrowia mbae wae ndarau onoi jokua tekowe, jare Tumpa iarasɨ jekuaeño oï jese.

Guaraní Pe (Western): Simba

³⁶ Tumpa Taɨ re güɨrovia vae güɨnoi ma tecove opa mbae vae. Tumpa Taɨ re güɨrovia mbae vae ndarau güɨnoi tecove. Tumpa uiporaracata chupe.

San Juan 3:36 Iomraidhean Croise

San Mateo 25:46

“Jayawe jae reta yuraata kiape uiporarata ñonoï jaeño mái pewa wae pe. Erëi jokua jupi wae reta yuraata tekowe opa mbae wae pe.” Jukuärái Jesús jei jemimboe reta pe.

Marcos 16:16

“Jare ipotawe kía wɨrowia jare uyembɨsakambuka ɨ pe wae onoita tekowe opa mbae wae. Erëi jokua wɨrowia’ä wae reta, Tumpa umbɨjekota oï reta jare omombota oï reta Tatawasurenda pe jaeño mái pewa,” jei chupe reta.

San Lucas 2:30

Añawe aecha ma kua nde nembou orerepɨ waerä wae.

San Lucas 3:6

Jare joko wi opaete wae uechata kërái Tumpa Upuruepɨ wae ko,’ jeita chupe reta.” Jukuärái uikuatía Isaías Juan rewa.

San Juan 1:12

Erëi amokue wae reta umbɨresiwe. Wɨrowia reta jese. Jáeramo jae reta Tumpa uyapo taɨ retarä yureko waerä.

San Juan 10:28

Che amee chupe reta tekowe opa mbae wae, jare jae reta ndarau etei yuraa Tatawasurenda pe. Añetete, mbaetɨ kiawe ipuere upɨ̈ro reta chepo wi,” jei chupe reta.

San Juan 3:3

Jayawe Jesús jei chupe: “Pëti ara Tumpa ikota mburuwicha wasurä jaeño mái pewa kua ɨwɨ pe. Jare che tae ndewe añetete wae, ndarau kía ipuere oï jae ndiwe mbaetɨ oa pɨau ye yawe,” jei chupe.

San Juan 4:36

“Jare ime yawe kía umɨmbeu kawi chupe reta Tumpa rewa wae, jae ko pëti umbaewɨro wae rami. Jare Tumpa umɨñatimata oï chupe ikawi wae iparawɨkɨ re. Echa’ä jae iparawɨkɨ rupi jeta wae reta onoita tekowe opa mbae wae. Jáeramo jokua umaetɨ rami wae reta jare umbaewɨro rami wae reta uyerowiata päwe rewe,” jei chupe reta.

San Juan 5:24

“Che tae pewe añetete wae, ipotawe kía chiñee re uyapɨsaka wae jare chembou wae re wɨrowia wae, jae onoi tekowe opa mbae wae. Tenonde yawe oo iko Tatawasurenda kotɨ, erëi añawe ime ma onoi tekowe opa mbae wae. Tumpa ndarau ma umbɨjeko,” jei chupe reta.

San Juan 6:58

“Jayawe jukuärái ko kua mbɨyape ara wi ou wae. Kua mbɨyape jae’ä ko jokua peramɨkue reta jou wae rami. Echa’ä yepe tëi jokua mbɨyape jae reta jou wae omborɨ reta michi pewa, erëi jaɨkue rupi opañoi umano reta. Jare jokua mbɨyape ipuere’ä umee chupe reta tekowe opa mbae wae. Erëi jukuärai’ä ko kua mbɨyape che amee wae. Echa’ä ipotawe kía kua mbɨyape jou wae onoita tekowe opa mbae wae,” jei Jesús chupe reta.

San Juan 8:51

“Che tae pewe añetete wae, kía chiñee uyapo wae ndarau umano,” jei chupe reta.

Hechos 14:2

Erëi amokue judío reta wɨrowia’ä jese, jare wɨrowiaka jeta judío mbae wae reta tëta wasu pewa reta pe Pablo jare Bernabé iyapu ko jei reta. Jayawe jokua judío mbae wae reta pochɨ upɨta Pablo jare Bernabé kotɨ.

Romanos 4:15

Echa’ä opaete yayawɨ ma ko Tumpa jei wae, jare jokua jaeño ko ueru yandewe Tumpa iarasɨ. Tumpa uikuaaka’ä ma yandewe jae jei wae yawe, jayawe yandepuereta tëi yaiko yandepɨawiwe rewe. Echa’ä ndarau tëi yayawɨ Tumpa jei wae. Erëi Tumpa uikuaaka ma ko yandewe jae jei wae Moisés uikuatía wae rupi. Jáeramo teko pe ñaï jokua yayawɨ ramo. Jáeramo Moisés uikuatía wae rupi ndarau kiawe ipuere uyekou mbaembae ikawi wae re Tumpa jei uyapota oï Abraham iñemoñaa reta pewarä wae.

Romanos 5:9

Jayawe jukuärái ko Tumpa yanderauete ye. Erëi ime ye mbae ikawi wae yaikuaa waerä. Yaikuaa ñaï yandeYa Jesús upɨyere juwɨ jare umano yanderé Tumpa ipuere waerä umae yanderé yandereko mbae wae rami. Jare jukuärái yawe, ¿këraita pa Tumpa iarasɨ oata oï yanderé kuri ara taɨkuewa pe? Ndarau etei ma.

Romanos 8:1

Jayawe ¿mbae ra añawe yandepuere yaikuaa opaete kua mbaembae reta rupi? ¿Kërái ra ko ñaï añawe yande reta Cristo re pëti ramiño yaiko wae? Añawe yaikuaa ñaï Tumpa ndarau ma yanembɨjeko.

Gálatas 3:10

Erëi opaete kía Moisés arakae uikuatía wae rupi uipota tëi uyembujupika Tumpa kotɨ wae reta, jae reta añetete ko ñonoï Tumpa iarasɨ pe. Echa’ä Tumpa iñeerɨru pe uyekuatía oï kuärái: “Kía mbaetɨ uyapo yawe opaetei Tumpa uikuatiaka wae rupi, Tumpa iarasɨ toa jese.” Jukuärái uyekuatía oï.

Efesios 5:6

Piyandareko kawi piyé, echa’ä aramoi imeta oï kía jei pewe ikawiño ko yayapo waerä jokua mbaembae. Erëi awɨye piyembɨtawɨka, echa’ä jokua ñee upurumbɨtawɨ wae pewa ko. Jare Tumpa iarasɨ uitɨta oï jese jekuaeño uyapo jokua mbaembae ikawi mbae wae re.

1 Tesalonicenses 1:10

Jare imiäri reta orewe wi kërái añawe peäro peï Tumpa Taɨ ou ye waerä ara wi – jae ko Jesús. YandeRu Tumpa umbɨjekowe ye ueru umanokue wae reta ipɨte wi. Jare Jesús ko yanderepɨ Tumpa iarasɨ outa oï wae wi.

1 Tesalonicenses 5:9

Echa’ä Tumpa ñaneñono tee ma yanderepɨ waerä Jesucristo rupi – mbaetɨ ko uitɨ waerä yanderé iarasɨ.

Hebreos 10:29

¡Oeteta oï kuri kía wɨrɨ̈ro Tumpa Taɨ yawe! Echa’ä Taɨ juwɨ rupi Tumpa uyapo yemɨngeta ipɨau wae. Erëi kía wɨrɨ̈ro Tumpa Taɨ yawe, yepe tëi jokua yemɨngeta ipɨau wae rupi jae uñeñono tee iko Tumpa pewarä, erëi jae imaerä Tumpa Taɨ juwɨ mbae’ä ko. Añetete jae Tumpa Taɨ re upɨ̈ro wae echa ko. Jare uyapo ma kachi Espíritu Santo kotɨ wi, echa’ä Espíritu Santo ipɨakawi chupe tëi.

Hebreos 2:3

Erëi ñee tekowe opa mbae wae rewa ikawiete ko. Jayawe, ¿këraita pa yayepe Tumpa iarasɨ wi yayapɨsaka’ä yawe jokua ñee re? Ndarau yandepuere. Jokua ñee ipɨau wae ikawiete ko, echa’ä yandeYa etei tenonde umɨmbeu. Jare jaɨkue rupi jae iñee uyandu wae reta umɨmbeu yuapɨ ye yandewe jupi rupi.

Hebreos 3:19

Jukuärái ko yaikuaa jae reta wɨrowia’ä Tumpa jei wae jeko pewa ipuere’ä uike reta jokua ɨwɨ pe kiape uputuuta tëi yureko wae pe.

Apocalipsis 21:8

“Erëi jokua urukɨye jekowe umee wae reta, jare uipota’ä wɨrowia cheré wae reta, jare mbae kachi wae uyapo wae reta, jare upuruyuka wae reta, jare iawasapota wae reta, jare ipaye wae reta, jare tumparaanga re umbɨadora wae reta, jare opaete iyapu wae reta wi – opaete jokua nunga reta iyapɨ ko jae tata wasu azufre jendɨ oï wae pe. Kua ko jae mano mokuía jei chupe reta wae,” jei Tumpa.