San Juan 3:31 - Biblia

³¹ Jokua ara wi ou wae, jae imbaepuerete opaete wae wi. Yande parawete reta kua ɨwɨ pewa ko jare jaeño yayemɨngeta mbaembae ɨwɨ pewa reño. Erëi jukuärai’ä ko jae. Jae ko ara pewa.

Guaraní Pe (Western): Simba

³¹ Ara güi ou vae ipuere opaete ĩru vae reta güi. Ɨvɨ pegua reta ɨvɨ peguaño co jare uyemɨngueta mbaembae ɨvɨ pe oĩ vae re. Ara güi ou vae ipuere opaete ĩru vae reta güi.

San Juan 3:31 Iomraidhean Croise

San Mateo 28:18

Jayawe Jesús oya ou jese reta, jare jei chupe reta kuärái: “CheRu umee ma chewe opaete mbaepuere ara pe ñonoï wae reta re jare ɨwɨ pe ñonoï wae reta re,” jei chupe reta.

San Juan 1:15

Juan umɨmbeu kawi jesewa jaeramo uecha yawe. Jae jei ïru wae reta pe: “Pemandúa kawi peï, tenonde yawe che jae pewe: ‘Outa oï kuri cheraɨkue rupi chetenondewa. Jae imbaepuerete chewi, echa’ä jae ikoño mái ndei che aiko mbowe,’ jae pewe. Mase, añawe pemae. Ko ma uwäe ou, jare jae ko kua kuimbae.” Jukuärái jei Juan chupe reta.

San Juan 1:27

Jae ko jokua outa iko cheraɨkue rupi wae. Jae ko imbaepuerete ye chewi. Jare che jupi’ä etei ko ipɨpasa ïcha yepe ayora waeräwe,” jei chupe reta.

San Juan 1:30

“Che jae ma pewe cheraɨkue rupi outa oï kuri chetenondewa. Jae imbaepuerete chewi, echa’ä chewi jae ikoño mái iko. Jukuärái che jae pewe, jare kua kuimbae ko jae,” jei Juan chupe reta.

San Juan 3:30

Añawe jae jupi ko uyembutuichaka oo waerä, jare che ikawi ko ayembɨweyɨka a waerä.” Jukuärái Juan jei chupe reta.

San Juan 6:33

Jare mbɨyape Tumpa añawe umee wae jae ko kua ou ara wi wae. Jae ko umee tekowe opa mbae wae ɨwɨ pewa reta pe,” jei chupe reta umbɨjaanga rewe.

San Juan 6:51

“Jare che etei ko jae jokua mbɨyape ara wi ayu wae tekowe opa mbae wae amee wae. Jare ipotawe kía kua mbɨyape jou wae onoita tekowe opa mbae wae,” jei umbɨjaanga rewe. “Cherete etei ko jae jokua mbɨyape. Jare che ameeta aï cherete opaete ɨwɨ pewa reta re opaete onoi waerä tëi tekowe ipɨau wae,” jei Jesús chupe reta.

San Juan 8:23

Jayawe Jesús jei chupe reta: “Pe reta ara pewa’ä ko. Erëi che ara pewa ko. Pe reta kua ɨwɨ pewa ko. Erëi che kua ɨwɨ pewa’ä ko.

Hechos 10:36

“Pikuaa peï kërái Tumpa ombou ñee ikawi wae ore Israel iñemoñaa reta pe,” jei. “Jokua ñee ikawi wae uikuaaka orewe kuärái: kía ipuere uyeapɨkatu waerä Tumpa ndiwe Jesucristo rupi – jae ko opaete ɨwɨ pewa reta iYa,” jei Pedro chupe reta.

Romanos 9:5

Jae nunga wi judío tamɨkue reta Tumpa uiparawo wae reta ko, jare jae reta iñemoñaa ko Cristo ou uyeyapo kuimbaerä wae. Erëi yepe tëi Cristo jae ko Tumpa etei jare opaete mbaembae iYa, jesewe judío reta wɨrɨ̈ro. Tuyembutuichaka Cristo jee jaeño mái pewa. Jukuärái tuiko.

Hebreos 9:1

Jayawe jokua yemɨngeta arakae uyapo reta wae uikuaaka yanderamɨkue reta pe kërái umbutuicha reta waerä Tumpa jee, jare kërái uyapo iyupe reta waerä kiape Tumpa jee umbutuicha reta waerä.

1 Pedro 3:22

Jare añawe jae oo ye ma ara pe jare joko pe oï Tumpa iyakata kotɨ. Jare ime onoi mbaepuere araɨwa reta re, jare aña reta re, jare opaete ara pe mbaepuere onoi wae reta re.

1 Juan 4:5

Jokua oporomboeraanga wae reta uikuaa’ä ko Tumpa jare jaeño yureko reta kua ɨwɨ jeko rupi. Jáeramo jae reta uyemɨngeta mbaembae ɨwɨ pewa reño. Jare ïru uikuaa mbae Tumpa wae reta uyapɨsaka kawi jese reta.

Apocalipsis 19:16

Jare jae jemimonde re jare iu re uyekuatía oï kua tee: MBURUWICHA WASU RETA ITENONDEWAETE WAE JARE OPAETE WAE IYA TENONDEWAETE WAE