San Juan 3:30 - Biblia

³⁰ Añawe jae jupi ko uyembutuichaka oo waerä, jare che ikawi ko ayembɨweyɨka a waerä.” Jukuärái Juan jei chupe reta.

Guaraní Pe (Western): Simba

³⁰ Echa'ã jeta vae yugüɨraata jae oĩ vae pe, ẽrei mbovɨño ma co yugüeruta che aĩ vae pe —jei Juan chupe reta.

San Juan 3:30 Iomraidhean Croise

Isaías 53:12

Jáeramo che ameeta jokua chewe uyeyokui wae pe jendarä opaete jeräkua kawiete wae reta ipɨte wi. Jare upurumɨamɨri wae reta imbaembaerä upɨ̈ro wae ikota imaerä wi, echa’ä jae jekowe umee ramo. Jeta wae reta umae jese pëti jeko kachi wae rami. Erëi añetete jeta wae reta jeko kachi re chearasɨ aitɨ jese. Jare jae ueka chewe aepɨ waerä teko onoi wae reta.” Jukuärái jei Tumpa.

Isaías 9:7

Jae onoita tamɨkue David imbaepuere mburuwicha wasu pewa. Jae imbaepuere uyembutuichaeteta opaete ɨwɨ rupi jare ndarau etei opa. Jáeramo ɨwɨ pewa reta yurekota ipɨakatu rewe jaeño mái pewa. Jae uyapo ñotái ikawi wae jupi wae rupi. Jukuärái uyeyapota, echa’ä Tumpa imbaepuere tuichaete wae ipɨakɨrëɨ rewe uyapota ramo.

San Juan 3:29

Añetete jae ko pëti kuimbae umenda oï wae rami, jare che jaeño ko kuimbae umenda oï wae umɨïru oï wae rami,” jei. “Kuñatái umenda oï wae ime pewaräño ko. Jare kuimbae umenda oï wae uyerowiaete oï jokua re. Jare umɨïru oï wae uyerowia oï umɨïru oï ramoño jare iñee re uyapɨsaka oï ramoño,” jei. “Jukuärái wi añawe che ayerowiaete aï yuraa ñonoï reta Jesús kotɨ ramo.

San Juan 3:31

Jokua ara wi ou wae, jae imbaepuerete opaete wae wi. Yande parawete reta kua ɨwɨ pewa ko jare jaeño yayemɨngeta mbaembae ɨwɨ pewa reño. Erëi jukuärai’ä ko jae. Jae ko ara pewa.

1 Corintios 3:5

Mbaetɨ etei ikawi jukuärái piyeaka waerä pe yepái cheré jare Apolos re. Echa’ä kia’ä ko che, jare jae nunga wi Apolos. Ore ko jae Tumpa pe uyeyokui wae retaño. Tumpa oreporuño ko parawete pe reta perowia waerä Cristo re. Jare pëti pëti nduyapo mbarawɨkɨ yandeYa umee orewe wae.

Colosenses 1:18

Jare opaete yande Taɨ re yarowia wae reta, Taɨ ko jae ñanäka rami. Echa’ä kërái ñanäka ime onoi mbaepuere yanderete re, jukuärái wi Taɨ ime onoi mbaepuere yanderé. Jae rupi uyembɨpɨ opaete mbaembae, jare jae rani ko ikowe ye umanokue wae reta ipɨte wi ndarau ye umano waerä. Jáeramo jae ko opaete mbaembae ime oï wae iYa.

Apocalipsis 11:15

Jare joko wi ïru araɨwa umɨñee jemimbɨ wasu. Kua re chiu ma umɨñee. Jare umɨñee yawe, aramoiño uyendu ara pe jeta wae reta täta usapɨkai rewe jei reta kuärái: “Añawe wiwe yandeRu Tumpa jare yandeYa Cristo ikota opaete kua ɨwɨ imburuwicha wasurä jaeño mái pewa. Jare imbaepuere mburuwicha wasu pewa ndarau etei opa,” jei reta.