San Juan 3:3 - Biblia

³ Jayawe Jesús jei chupe: “Pëti ara Tumpa ikota mburuwicha wasurä jaeño mái pewa kua ɨwɨ pe. Jare che tae ndewe añetete wae, ndarau kía ipuere oï jae ndiwe mbaetɨ oa pɨau ye yawe,” jei chupe.

Guaraní Pe (Western): Simba

³ —Añete che jae ndeve —jei Jesús Nicodemo pe—, ime yave quía uipota ico Tumpa iporoyocuia pe vae, güɨnoita rani co tecove ipɨau vae —jei.

San Juan 3:3 Iomraidhean Croise

San Mateo 16:17

Jayawe Jesús jei Pedro pe: “Nde Simón, Jonás taɨ, ndiyekouete neï. Echa’ä cheRu ara pe oï wae uikuaaka ma ndewe jokua. Mbaetɨ ye kía uikuaaka ndewe wae,” jei chupe.

San Mateo 19:24

“¿Këraita ra ko pëti camello uasa waerä yuu jesakua mii rupi? Jokua yawái. Erëi che tae pewe, yawaieteta ko pëti ikokatu wae onoi waerä tekowe opa mbae wae,” jei chupe reta.

San Mateo 21:31

“Jayawe ¿kía nunga pa kua mokui wae wi uyapo tu jei wae?” jei chupe reta. “Jokua tenondewa,” jei mburuwicha reta Jesús pe. Jayawe Jesús jei chupe reta: “Che tae pewe añetete wae, jeta mburuwicha pewarä okowara wae reta jare kuña jete re umɨngana wae reta, jae reta ko jokua kuimbae taɨ tenondewa rami. Echa’ä ñonoï rape’ä echa Tumpa ndiwe, Tumpa oï ma yawe opaete wae imburuwicha wasurä. Erëi añetete jeta jae reta ñonoïta Tumpa ndiwe,” jei chupe reta. “Erëi pemaerä mbaetɨta jokua,

San Mateo 5:18

“Che tae pewe añetete wae, ara jare ɨwɨ imeño oï rambuewe, ndarau etei ukañɨ jae reta uikuatía wae wi pëti awe ñee michi mii yepe. Jare jukuäraita oo oï kuri opa uyeyapo rewa Tumpa ipɨayemɨngeta jokua kuatía reta pewarä wae,” jei.

Marcos 10:14

Erëi Jesús kua uyandu yawe, pochɨ jemimboe reta pe jare jei chupe reta: “Pemaeño sambiaɨ reta re yuweru waerä chekotɨ. Awɨye piyopia reta, echa’ä jaeño kua sambiaɨ rami wae reta oïta Tumpa ndiwe, Tumpa oï ma yawe opaete wae imburuwicha wasurä,” jei chupe reta.

Marcos 9:47

“Jae ramiño wi nderesa jowaicho jekuaeño uyawɨka oï ndewe Tumpa kotɨ yawe, eki ndeyuwi. ¿Maera pa ikawita nenoi waerä mokui nderesa, neï yawe Tatawasurenda pe nderesa uyawɨka ndewe jeko pewa? Che tae ndewe, ikawiete ko Tumpa nenoi waerä nemburuwicha wasurä jaeño mái pewa, yepe tëi aramoi pëtiño nenoi nderesa,” jei.

San Juan 1:13

Jae reta ko jae Tumpa taɨ reta, echa’ä Tumpa etei uyapo reta jukuärái ramo. Mbaetɨ uyeyapo reta jukuärái kua ɨwɨ pewa reta jeko rupi – jae ko tu jare ichɨ uipota uñemoña ramo.

San Juan 1:51

Joko wi Jesús jei Felipe jare Natanael pe: “Che tae pewe añetete wae, pechata ara uyepea oï kërái yanderamɨkue Jacob uecha ipau pe wae rami. Jare pechata wi Tumpa iaraɨwa reta uyupi ñonoï jare uweyɨ ñonoï che kuimbaerä ayeyapo wae rupi,” jei chupe reta.

San Juan 12:40

Uyeyapo chupe reta kërái Isaías uikuatía ye wae rami. Echa’ä jae uikuatía kuärái: “Jokua ipɨatäta wae reta, Tumpa opa uesañoma rami ko awɨye waerä uikuaa kawi reta. Jare jae umbɨpɨatäta ma reta wi awɨye waerä uikuaa reta. Jukuärái Tumpa uyapo ma awɨye waerä jae reta uyerowa ikotɨ. ‘Añetete,’ jei Tumpa, ‘jae reta uyerowa chekotɨ yawe, aepɨta tëi reta,’ jei.”

San Juan 3:4

Jayawe Nicodemo jei: “Ndarau kía ipuere uyapo jukuärái. Yandepuere’ä etei yaa pɨau ye yakuakuaa ma yawe. ¿Këraita pa yandepuere yaike ye yandesɨ jɨe pe yaa pɨau ye waerä?” jei chupe.

2 Corintios 4:4

Jae reta wɨrowia’ä, echa’ä pɨ̈tumimbi pe yureko reta rami. Echa’ä kua ɨwɨ iya – jae ko Añawasu – umɨpɨ̈tumimbi ma iyarakuaa awɨye waerä jae reta uikuaa kawi ñee ikawi wae Cristo rewa. Jokua jeko pewa jae reta uikuaa’ä kërái Cristo ikawiete ye ko jare jae ko Tumpa etei wae.

2 Corintios 5:17

Jayawe ime yawe kía pëti ramiño oï Cristo re wae, jae ko Tumpa jembiapo ipɨau wae. Jae jeko indechikue uasa ma. Mase, añawe jae ko ipɨau wae.

Gálatas 6:15

Añetete, yande pëti ramiño ñaï Jesucristo re ramo, mbae’ä ko yayembɨcircuncidaka ma wae. Jare mbae’ä ko wi yayembɨcircuncidaka mbae wae. Erëi mbae ikawi wae ko jae tekowe ipɨau wae ñanoi wae.

Efesios 2:1

Erëi ndei Jesucristo re perowia mbowe, pemano wae echa piko mbɨrɨ tekowe iYa wi, pereko kachi rupi jare piyawɨ Tumpa kotɨ jeko pewa.

Tito 3:5

Echa’ä jae opa umbái yandewi mbaembae yayawɨ ikotɨ wae, jare jukuärái yanderepɨ teko ime yareko ikotɨ wae wi. Jukuärái jae uyapo yandeparareko ramo – mbaetɨ ko mbae jupi yayapo wae rupi. Añetete Espíritu Santo rupi Tumpa yandepɨayoe, jare jukuärái umee yandewe tekowe ipɨau wae. Jare yandereko umbɨpɨau wi.

Santiago 3:17

Erëi arakuaa Tumpa wi ou wae jupi ko. Jare jokua arakuaa ñanoi yawe, yaikota yandepɨakatu rewe jare yandepɨawasu rewe. Ndarau yayembutuicha. Yaipararekota yanderapicha. Yandepɨakawita, jare yayapota mbae ikawi wae. Jare ñamaeta oyowake rupi opaete wae re, jare ndarau mokui towa yaiko.

1 Pedro 1:3

¡Yambutuicha yandeRu Tumpa jee! Jae ko yandeYa Jesucristo Tu. Jae yandeparareko wae rupi uyapo ma yandewe yaa pɨau ye waerä Espíritu Santo rupi, jare jukuärái ñanoi waerä tekowe ipɨau wae. Jare Jesucristo ikowe ye ou umanokue wae reta ipɨte wi ramo, yandepuere yaikuaa kawi imeta ñanoi jokua mbaembae ikawi wae jae jei umeeta oï yandewe wae. Jare kua mbaembae ñaäro ñaï yarowia katu rewe.

1 Juan 2:29

Jae nunga wi yande yayapo yawe jupi wae rupi, jokoropi uyekuaata yande ko jae Tumpa taɨ reta wae. Echa’ä pe reta pikuaa kërái Tumpa ko jae jupi wae. Jare jukuärái wi opaete taɨ reta uyapota ko jupi wae rupi.

1 Juan 3:9

Jayawe ipotawe kía Tumpa uyapo taɨrä wae ndarau jekuaeño uyawɨ Tumpa kotɨ. Echa’ä Tumpa etei ko uyapo taɨrä iko waerä jare umee chupe tekowe ipɨau wae Tumpa pewa. Jokua jeko pewa ko Cristo re wɨrowia wae reta ipuere’ä jekuaeño uyawɨ Tumpa kotɨ.

1 Juan 5:1

Opaete kía reta wɨrowia Jesús ko jae Cristo Upuruepɨ wae, jokua reta Tumpa uyapo taɨ retarä yureko waerä. Jare yande yaikuaa kawi ñaï yaau yawe pëti kuimbae sambiaɨ reta onoi wae, yaau wi ko taɨ reta.

1 Juan 5:18

Jare yaikuaa kawi opaete kía kía Tumpa uyapo taɨ retarä wae ndarau jekuaeño uyawɨ Tumpa jei wae. Echa’ä Tumpa Taɨ etei jekuaeño uyandareko oï jese reta, jare Añawasu ndarau ipuere mbae uyapo chupe reta.

1 Juan 5:4

Kua ɨwɨ jeko uipota tëi yanembɨawái, erëi yande Tumpa taɨrä yaiko wae reta ñamɨamɨri ma ko kua ɨwɨ jeko. Jare jukuärái yayapo Jesucristo re yarowia wae rupi.

Apocalipsis 3:14

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Laodicea pe. Ikuatía chupe kua chiñee kuärái: ‘Che ko jae Amén jee wae. Jukuärái ko cheree, echa’ä pepuere perowia katu cheré amɨmbeu waerä jupi waeño. Che rupi ko uyekuaa arakaete Tumpa jembiapo reta opaetei.