San Juan 3:29 - Biblia

²⁹ Añetete jae ko pëti kuimbae umenda oï wae rami, jare che jaeño ko kuimbae umenda oï wae umɨïru oï wae rami,” jei. “Kuñatái umenda oï wae ime pewaräño ko. Jare kuimbae umenda oï wae uyerowiaete oï jokua re. Jare umɨïru oï wae uyerowia oï umɨïru oï ramoño jare iñee re uyapɨsaka oï ramoño,” jei. “Jukuärái wi añawe che ayerowiaete aï yuraa ñonoï reta Jesús kotɨ ramo.

Guaraní Pe (Western): Simba

²⁹ Jae co penti cuimbae umendata vae rami. Che co umendata vae iamigo rami. Echa'ã umendata vae iamigo upɨta umendata vae ndive jare uyapɨsaca jese jare uyerovia iñee uyandu yave. Jucuarãiño vi co che ayerovia ete —jei—.

San Juan 3:29 Iomraidhean Croise

San Mateo 22:2

“Pëti ara Tumpa ikota opaete wae imburuwicha wasurä jaeño mái pewa. Jare yandepuere yambɨjaanga jokua ara re kuärái: Ime iko pëti mburuwicha wasu taɨ umendata iko wae. Jayawe tu uipota uyapoka chupe tembiu ikawi wae, jare uparea jeta wae reta pe yuweru waerä jare uyekou waerä wi.

San Mateo 25:1

Jayawe Jesús jei wi jemimboe reta pe: “Jokua ara che ayu ye yawe, Tumpa ikota opaete wae imburuwicha wasurä jaeño mái pewa. Yambɨjaanga jokua ara re kuärái: Ime yureko payandepo kuñatái reta. Kua kuñatái reta ko jae pëti kuñatái umendata oï wae umɨïru ñonoï wae reta,” jei. “Jayawe uwäe yawe pɨ̈tu jokua kuñatái umenda waerä wae, jokua payandepo kuñatái reta pëti pëti wɨraa imechero oo owäiti waerä kuimbae umendata wae,” jei.

San Mateo 9:15

Jayawe Jesús jei chupe reta umbɨjaanga rewe: “Uparea reta yawe menda pe, ¿ipɨatɨtɨta yerá joko pe ñonoï wae reta kuimbae umenda wae jae reta ndiwe oï rambuewe? Ndarau etei,” jei chupe reta. “Erëi outa uwäe ara kuimbae umenda wae uyereraa waerä chuwi reta. Jayawe ramo jae reta oñono teeta ara reta ukaru mbae waerä,” jei chupe reta.

San Lucas 15:6

Jare ou ye ma uwäe yawe jëta pe, umbatɨta opaete ïru reta jare jëta iyɨpɨ rupiwa reta, jare jeita chupe reta: ‘Piyerowia che ndiwe, echa’ä awäe ma cheowecha ukañɨ chewi wae,’ jeita,” jei.

San Juan 15:11

“Kua mbaembae jae ma pewe piyerowiaete waerä. Che ayerowiaete aï, jare che aipota wi pe reta penoi waerä kua yerowia che anoi wae,” jei Jesús jemimboe reta pe.

San Juan 16:24

“Ndeiño peka Tumpa pe mbae cheree re. Erëi añawe piyerure chupe cheree re, jare cheRu uyapota oï pewe tuicha rupi piyerowia waerä,” jei Jesús chupe reta.

San Juan 17:13

“Erëi añawe, cheRu mii, che a yeta ma aï ndepɨ. Jare ayerure aï ndewe kua mbaembae re cheremimboe reta jowai, jukuärái jae reta uyerowiaete oï waerä che ayerowia rami,” jei.

San Juan 3:30

Añawe jae jupi ko uyembutuichaka oo waerä, jare che ikawi ko ayembɨweyɨka a waerä.” Jukuärái Juan jei chupe reta.

2 Corintios 11:2

Echa’ä che pumbɨete aï, jare jokua ou Tumpa wi. Echa’ä che puyapɨkatu Cristo pewarä piko waerä jembirekorä rami. Jare che aipota pumee Cristo pe pëti kuñatái oroke’ä etei kuimbae wae rami.

Filipenses 2:2

Jukuärái yawe, aipota pe reta chembɨyerowia mii waerä kuärái: Piyerau päwe rewe, jare pëti ramiño piko kawi päwe rewe jare pepɨayemɨngeta oyowake rewe wi.

1 Juan 1:4

Jukuärái yawe, ore nduyerowiaeteta noï kuri añetete rewe. Jokuaerä ko kua mbaembae reta ore nduikuatía noï pewe.

2 Juan 1:12

Ime tëi anoi jeta mbaembae jae pewe waerä, erëi aipota’ä jae pewe kua tupapire rupi. Echa’ä aipota a apou pepɨ yayemɨngeta waerä yayerecha rewe, jare jukuärái tuicha rupi yayerowiata päwe rewe.

Apocalipsis 21:9

Joko wi pëti araɨwa ou che aï wae pe. Kua araɨwa tenonde yawe aecha ime wɨreko pëti copa tɨnee mbaesusere pewa – jae ko chiu wae wi pëti. Jare jae jei chewe: “Eyu che ndiwe. Taechaka ndewe Owecha kuimbae taurusu wae jembirekorä,” jei chewe.