San Juan 3:28 - Biblia

²⁸ “Jare wi pe reta pikuaa kawi peï che jae pewe wae, ‘Che jae’ä ko Cristo yande yae chupe wae. Jaeño ko Tumpa che rani chembou chuwi,’ jae ma pewe.

Guaraní Pe (Western): Simba

²⁸ Che jae ma peve: ‘Che jae'ã co Cristo. Jaeño Tumpa che rani chembou chugüi.’ Pe reta etei picuaa cuarãi co che jae peve —jei chupe reta—.

San Juan 3:28 Iomraidhean Croise

San Mateo 3:3

Kua Juan ko jae jokua uyekuatiaño mái iko Tumpa iñeerɨru pe jesewa wae. Echa’ä pëti kuimbae Tumpa iñee arakae umɨmbeu wae Isaías jee wae umɨmbeu mbaembae Juan uyapota iko wae rewa kuärái: “Jae oïta ɨwɨtini wasu rupi, jare jeta wae reta yuraata jae oï wae pe. Jare jae usapɨkai rewe jeita chupe reta kuärái: ‘Piyerowa jare piyeyapɨkatu yandeYa kotɨ, echa’ä koiñoete ma oï yandeYa iwäe ara,’ jeita.” Jukuärái jei arakae Isaías Juan rewa.

San Lucas 1:76

Joko wi Zacarías jei taɨ mii pe kuärái: “Nde, cheraɨ mii,” jei chupe. “Tumpa imbaepuere tuichaete wae etei neñono jae iñee nemɨmbeu waerä. Echa’ä nde rani ndeota neï yandeYa wi nemɨmbeu waerä opaete wae pe yandeYa iwäe ara koiñoete ma oï wae.

San Juan 1:20

Jayawe Juan umɨmbeu kawi chupe reta. “Che jae’ä ko Cristo yande yae chupe wae,” jei chupe reta.

San Juan 1:23

Jayawe Juan jei chupe reta: “Tumpa iñee arakae umɨmbeu wae Isaías uikuatía cheré kuärái: ‘Jae oïta ɨwɨtini wasu rupi, jare jeta wae reta yuraata jae oï wae pe. Jare jae usapɨkai rewe jeita chupe reta kuärái: ‘Piyerowa jare piyeyapɨkatu yandeYa kotɨ, echa’ä koiñoete ma oï iwäe ara,’ jeita chupe reta.’ Jukuärái Isaías arakae uikuatía cheré,” jei Juan chupe reta.

San Juan 1:25

Jare jae reta upɨrandu Juan pe: “Nde jae’ä ko yawe Cristo jare Elías jare Tumpa iñee umɨmbeu wae outa oï wae, jayawe ¿kía pa ko umee ndewe mbaepuere ndepurumbɨsakambu waerä ɨ pe?” jei reta chupe.

San Juan 1:27

Jae ko jokua outa iko cheraɨkue rupi wae. Jae ko imbaepuerete ye chewi. Jare che jupi’ä etei ko ipɨpasa ïcha yepe ayora waeräwe,” jei chupe reta.