San Juan 3:27 - Biblia

²⁷ Jayawe Juan jei chupe reta: “Jokua jaekawi oï. Tumpa ko ombou orewe kía kía kërái jae uipota wae rupi,” jei.

Guaraní Pe (Western): Simba

²⁷ Jayave Juan jei chupe reta: —Tumpa umee yandeve vaeño yandepuere ñanoi.

San Juan 3:27 Iomraidhean Croise

San Mateo 21:25

“Pemɨmbeu chewe, ¿kía pa ombou Juan upurumbɨsakambu waerä? ¿Tumpa ra ombou, ani kuimbae retaño ra ombou?” jei chupe reta. Jayawe jae reta yuraa ikotɨ̈a mii jare jei iyupe: “Yae yawe, ‘Tumpa ko ombou Juan,’ jayawe Jesús jeita yandewe, ‘Jukuärái yawe, ¿maera pa perowia’ä jae jei wae?’ jeita yandewe.

San Mateo 25:15

“Pëti uyeyokui wae pe umee korepoti pandepo talento jee wae. Jare ïru uyeyokui wae pe umee mokui talento. Jare ïru uyeyokui wae pe umee pëti talento. Jukuärái pëti pëti pe umee jae reta ipuereta mbaembae uyapo wae rupi. Joko wi kuimbae oo ambɨe ɨwɨ pe,” jei chupe reta.

Marcos 13:34

“Yandepuere yambɨjaanga jokua ara ayu yeta wae pëti kuimbae ikokatu wae oota ambɨe ɨwɨ pe wae re,” jei. “Oota ma jëta wi yawe, kuimbae ueya uyeyokui chupe wae reta ipo pe uyandareko kawi waerä jëta re, jare ueya wi pëti pëti pe iparawɨkɨrä. Jare oyokui öke järoa umae kawi waerä jendawe pe,” jei.

San Juan 10:41

Jare jeta wae reta yuweru jae oï wae pe jare jei reta iyupe: “Juan uyapo’ä pëti awe mbae ambɨe ye wae kiawe ipuere’ä uyapo wae. Erëi opaete jae jei kua kuimbae rewa añetete yepe,” jei reta.

San Juan 6:65

Joko wi jei chupe reta: “Amokue pe reta perowia’ä cheré, jare jokua jeko pewa che jae ma pewe ipuere’ä kía ou chekotɨ cheRu mbaetɨ yawe umɨkɨrëɨ,” jei Jesús chupe reta.

Romanos 1:5

Kua Jesucristo uyekuaaka chewe ipɨakawi rupi. Jare jukuärái Tumpa chemondo opaete ɨwɨ rupi amɨmbeu waerä opaete judío mbae wae reta pe, jae reta wi wɨrowia waerä yandeYa Jesucristo re jare jukuärái uyapo reta waerä Jesús jei wae. Jare kua mbarawɨkɨ ayapo aï Jesucristo jee uyembutuichaka waerä.

Romanos 12:6

Jare Tumpa ipɨakawi rupi umee ma yandewe pëti pëti wae pe yaikatu yayapo waerä mbae jukuärái yayeyokui kawi chupe waerä. Jare oyowake’ä ko mbaembae yaikatu yayapo wae. Jayawe kía pe Tumpa etei umee ñee ïru wae pe umɨmbeu waerä wae, tumɨmbeu kawi chupe.

1 Corintios 1:1

Cherɨkeɨ reta, cherɨwɨ reta, jare cherindɨ mii reta tëta wasu Corinto pe piko wae, tenonde araaka aï pewe saludo. Che ko jae Pablo. Ikawi iko Tumpa pe Jesucristo chemondo waerä opaete kerupi jae jee re amɨmbeu waerä iñee. Jokuaerä ko jae chereni. Che jare hermano Sóstenes ndiwe aikuatía aï kua tupapire opaete pe piyembatɨñoi Tumpa jee re wae reta pe. Pe reta ko peï pëti ramiño Jesucristo re. Jare Tumpa pereni ma jare peñono tee ma piko waerä jae imaerä. Jare pe retaño’ä ko peapo jukuärái Tumpa. Jae nunga wi Tumpa uyapo ma jukuärái opaete kía kía wɨrowia yandeYa Jesucristo re wae reta ipotawe kerupi ñonoï wae. Echa’ä yandeYa ko jae reta iYa wi.

1 Corintios 12:11

Kua mbaepuere reta añetete ko jeta jare oyowake’ä ñonoï. Erëi Espíritu Santo pëtiño ko, jare jae ko umee yandewe pëti pëti wae pe ambɨe ye ye mbaepuere jae uipota wae rupi.

1 Corintios 15:10

Erëi jesewe Tumpa ipɨakawi rupi Cristo omondo wae ko che. Jare jokua ipɨakawi uechaka chewe wae ukañɨ'ä etei ko oï. Echa’ä che aparawɨkɨ tätaete ïruwe kuimbae reta Cristo etei omondo wae wi. Erëi añetete cheiño’ä ko aparawɨkɨ. Tumpa ipɨakawi rupi chemborɨ oï.

1 Corintios 3:5

Mbaetɨ etei ikawi jukuärái piyeaka waerä pe yepái cheré jare Apolos re. Echa’ä kia’ä ko che, jare jae nunga wi Apolos. Ore ko jae Tumpa pe uyeyokui wae retaño. Tumpa oreporuño ko parawete pe reta perowia waerä Cristo re. Jare pëti pëti nduyapo mbarawɨkɨ yandeYa umee orewe wae.

1 Corintios 4:7

Erëi jekuaeño pe reta pipota oreparawo yawe jare orererɨ̈ro yawe, tapɨrandu pewe: ¿Kía pa umee pewe mbaepuere jukuärái piyapo waerä? Jare ¿marái ramo ra jekuaeño piyembutuicha? ¿Ime yerá penoi aramoi arakuaa Tumpa umee’ä pewe wae? Mbaetɨ. Jayawe pe reta awɨyeta tëi ko piyembutuicha.

Gálatas 1:1

Pe Jesucristo re perowia wae reta ɨwɨ Galacia rupi piyembatɨ peï wae, che ko jae Pablo aikuatía aï pewe kua tupapire. YandeYa Jesucristo etei chemondo jae jee re amɨmbeu waerä jesewa. Jare jaeño’ä ko chemondo wae. YandeRu Tumpa umbɨjekowe ye Cristo wae, jae wi chemondo. Mbaetɨ ko pëti awe kuimbae chemondo, jare kuimbae reta’ä ko chokui kua mbarawɨkɨ ayapo waerä. Jayawe che jare opaete hermano reta che ndiwe ñonoï wae nduraaka noï pewe saludo.

Efesios 1:1

Cherɨkeɨ reta, cherɨwɨ reta, jare cherindɨ reta tëta wasu Éfeso pe piko wae, che araaka aï pewe saludo yandeYa Jesucristo jee re. Che ko jae Pablo. YandeYa Jesucristo chemondo jae jee re amɨmbeu waerä jesewa, echa’ä jukuärái Tumpa uipota ramo. Jare aikuatía aï kua tupapire pewe Cristo re perowia wae reta pe. Pe reta ko jae Tumpa peñono tee jae imaerä.

1 Timoteo 2:7

Jare Tumpa cheparawo jare chemondo jae jee re opaete kerupi amɨmbeu waerä iñee. Jare kua che jae aï wae añetete ko. Chapu’ä etei ko aï. Echa’ä Tumpa etei cheparawo amboe waerä judío mbae wae reta pe añetete wae rewa.

Santiago 1:17

Tumpa jaeño umee yandewe ikawi wae. Añetete opaete mbaembae ikawi wae jare jupi wae ou ara wi yandeRu Tumpa oï wae wi. Jae umbɨyekuaa opaete tembipe reta ara re ñonoï wae ipɨakawi rupi. Jare yepe tëi jokua tembipe reta opa kërái rái uyembɨambɨe, erëi yandeRu Tumpa ndarau etei uyembɨambɨe jare ndarau uyepepɨka wi.