San Juan 3:2 - Biblia

² Pëti wese kua kuimbae ou Jesús oï wae pe pɨ̈tu yawe uyemɨngeta waerä jae ndiwe. Jare jei chupe: “Oporomboe wae, ore nduikuaa ko Tumpa nembou ndeporomboe waerä. Echa’ä nde ndiyapo neï mbaembae kiawe ipuere’ä uyapo wae. Erëi Tumpa nemborɨ'ä yawe, ndarau etei ndepuere ndiyapo jokua nunga mbaembae,” jei chupe.

Guaraní Pe (Western): Simba

² Cua cuimbae ou Jesús oĩ vae pe pɨ̃tu yave jare jei chupe: —Oporomboe vae, nduicuaa co Tumpa nembou ndeporomboe vaerã. Echa'ã mbaetɨ quía ipuere uyapo jocua nunga mɨacañɨ ndiyapo vae Tumpa oĩ'ã yave jae ndive —jei.

San Juan 3:2 Iomraidhean Croise

San Mateo 22:16

Jayawe jae reta omondo amokue jemimboe reta Jesús oï wae pe mburuwicha Herodes imborɨa reta ndiwe. Jae reta jei Jesús pe: “Oporomboe wae, ore nduikuaa nde jekuaeño ndiyemɨngeta jupi rupi jare ndeporomboe kawi kërái yambɨyerowia waerä Tumpa. Nde nemae oyowake opaete wae re jare niñemaeño’ä ndiyé,” jei reta.

San Mateo 23:7

“Jare jae reta uwata ñonoï mercado rupi yawe, jekuaeño uipota ïru wae reta umbɨsaluda waerä uipɨu chuwi rewe. Jare jekuaeño jae reta uipota ïru wae reta uipɨu rewe jei chupe reta waerä, ‘Chemboea.’

San Mateo 23:8

“Erëi pe reta, awɨye kía tei pewe, ‘Chemboea.’ Echa’ä cheño ko jae pemboea, jare opaete pe reta oyowake pëti tëtara ko,” jei chupe reta.

Marcos 12:14

Jae reta yuweru uwäe yawe, jei reta Jesús pe: “Oporomboe wae, ore nduikuaa nde jekuaeño ndiyemɨngeta jupi rupi. Nde nemae oyowake opaete wae re jare niñemaeño’ä ndiyé. Jare nde ndeporomboe kawi kërái yambɨyerowia waerä Tumpa,” jei reta. “Jayawe ore nduipota ndupɨrandu ndewe mbae re. Romano reta imburuwicha wasu César jei yandewe yambɨepɨ waerä chupe korepoti pe opa año rupi. Erëi ¿mbae pa ndere nde? ¿Jupi ra yambɨepɨ chupe waerä, ani jupi’ä ra? ¿Yambɨepɨta pa chupe, ani mbaetɨta pa?” jei reta chupe.

San Juan 1:38

Jare Jesús uyerowa umae jare uecha reta yuweru ñonoï ikotɨ wae. “¿Mbae pa peka peï?” jei chupe reta. “Rabí,” jei reta chupe. (Kua uipota jei jae reta iñee pe, ‘oporomboe wae.’) “¿Kiape pa ndepɨta neï?” jei reta chupe.

San Juan 10:38

Erëi ayapo ko aï mbaembae cheRu uyapo wae. Jayawe piyemɨngeta kawi pepɨa pe kua mbaembae pecha ayapo aï wae re,” jei chupe reta. “Yepe tëi pipota’ä perowia chiñee re, erëi kua mbaembae ayapo aï wae re yepe chererowia. Jukuärái pikuaa kawita cheRu oï che ndiwe wae, jare che aï cheRu ndiwe wae,” jei Jesús chupe reta.

San Juan 12:37

Jesús uyapo ma judío reta jowake jeta mbaembae kiawe ipuere’ä uyapo wae uikuaaka chupe reta waerä tëi kía ko jae wae. Erëi jesewe opaete seri wɨrowia’ä jese.

San Juan 14:10

“¿Mbaetɨ yerá nderowia che aï cheRu ndiwe jare cheRu oï che ndiwe wae? Kua ñee reta amɨmbeu aï pewe wae ou’ä ko chewiño. CheRu wi ko ou. CheRu pëtiño ko che ndiwe, jare jae ko uparawɨkɨ oï che rupi,” jei.

San Juan 2:11

Jesús kua uyapo ɨwɨ Galilea pe tëta wasu raɨ Caná pe. Jare jokua ko jae jaeramo etei Jesús mbae uyapo kiawe ipuere’ä uyapo wae. Jukuärái umbɨpɨ uechaka jae imbaepuere tuicha wae. Jare jokua jae uyapo wae jeko pewa jemimboe reta wɨrowia jese.

San Juan 20:16

Jayawe Jesús jei chupe: “María,” jei chupe. María kua uyandu yawe, uikuaa woi jae yepe Jesús wae. Jayawe uyerowa ye ikotɨ jare jei chupe: “¡Raboni!” jei chupe. Kua uipota jei iñee pe, “Oporomboe wae.”

San Juan 3:26

Jayawe yuraa reta Juan oï wae pe jare jei reta chupe: “Oporomboe wae, nde ndiko yawe ɨ wasu Jordán jowaicho pe, ime iko wi nde ndiwe pëti kuimbae. Nde nemɨmbeu kawi orewe jae ko Tumpa Taɨ wae. Añawe jae upurumbɨsakambu oï wi ɨ pe, jare opaete wae yuraa ñonoï jae oï wae pe,” jei reta chupe.

San Juan 4:31

Jokua kuña oo rambuewe, Jesús jemimboe reta jei chupe: “Oporomboe wae, ko oï tembiu. Ekaru,” jei reta chupe.

San Juan 5:36

Erëi añawe ime ye mbae uikuaaka pewe waerä kía ko che wae. Jare jokua ikawiete Juan umɨmbeu pewe wae wi. Jae ko kua mbaembae ayapo aï wae. CheRu etei umee chewe kua mbarawɨkɨ ayapo waerä, jare kua mbaembae reta etei uikuaaka pewe cheRu ko chembou wae,” jei chupe reta.

San Juan 6:2

Jare jeta wae reta yuraa jaɨkue, echa’ä uecha reta kërái Jesús umɨnguera imbaerasɨ wae reta imbaepuere rupiño. Jukuärái Jesús uyapo uechaka waerä chupe reta Tumpa wi ou wae ko jae.

San Juan 7:31

Erëitu jeta joko pe ñonoï wae reta wɨrowia jese. “Jae ko aipo Cristo yae chupe wae,” jei reta. “Mase kërái jeta mbaembae uyapo kiawe ipuere’ä uyapo wae. ¿Kía ye ra ipuereta uyapo mbaembae uasaete ye kua kuimbae wi? Kiawe,” jei reta.

San Juan 9:16

Jayawe amokue fariseo reta jei: “Tumpa wi’ä ko ou jokua kuimbae Jesús. Echa’ä jae uyapo oï awɨyeta tëi uyapo mbutuu ara pe wae,” jei reta. Erëi ïru fariseo reta jei: “Erëi, mase, jae uyapo mbaembae kiawe ipuere’ä uyapo wae. ¿Ipuereta ra kía Tumpa kotɨ uyawɨ wae uyapo kua nunga mbaembae?” jei reta. Jayawe jae reta ipuere’ä oyowake uyemɨngeta pëti ramiño.

Hechos 2:22

Jare jei chupe reta wi: “Cherëtara Israel pewa reta, piyapɨsaka kawi chiñee re: Pe reta pikuaa kawi peï Jesús tëta wasu raɨ Nazaret pewa uyapo pepɨte rupi jeta mbaembae kiawe ipuere’ä uyapo wae. Tumpa etei ko uyapo jokua mbaembae reta Jesús rupi jare jukuärái uikuaaka tëi pewe Jesús ko jae Tumpa wi etei ou wae,” jei.

Filipenses 1:14

Jare jokuaño’ä ko. Jae nunga wi che kua peresorɨru pe aï wae jeko pewa hermano reta opaete seri uñemɨatangätu ma yandeYa kotɨ. Jare jae reta jeiete umɨmbeu ñonoï Tumpa iñee ukɨye mbae rewe.