San Juan 3:19 - Biblia

¹⁹ Jare Tumpa jupi ko umbɨjeko reta waerä. Echa’ä Taɨ ou ma umbɨembipe waerä ɨwɨ pewa reta ipɨa jae reta uikuaa waerä añetete wae Tumpa rewa. Erëi jesewe opaete seri uipotaete iko reta pɨ̈tumimbi pe. Uipota’ä iko reta jokua tembipe pe, echa’ä uipota uyapo reta mbaembae ikawi mbae wae ramo.

Guaraní Pe (Western): Simba

¹⁹ Tembipe ou ma ɨvɨ pe, ẽrei ɨvɨ pegua reta uipota ete ico pɨ̃tumimbi pe. Uipota'ã ico tembipe pe. Echa'ã uyapo reta icavi mbae vae. Jáeramo uñeãaca reta ma co.

San Juan 3:19 Iomraidhean Croise

San Lucas 12:47

“Añetete ko, pëti uyeyokui wae uikuaa tëi yawe karái jei chupe wae, erëi uyapo’ä yawe jare uyandareko’ä yawe, jayawe karái täta rupi uiporarakata oï chupe,” jei.

San Lucas 16:14

Jare fariseo reta kua uyandu yawe, oyoyai Jesús. Echa’ä jae reta uipotaete korepoti.

San Juan 1:4

Jae ko tekowe iYa. Jare jae jekowe rupi uikuaaka ɨwɨ pewa reta pe Tumpa rewa kërái tembipe umbɨembipe pɨ̈tumimbi pe wae rami. Jare pɨ̈tumimbi ndarau etei ombowe jokua tembipe.

San Juan 12:31

“Kua ɨwɨ pewa reta opaete seri oyowaicho ñonoï Tumpa kotɨ. Erëi añawe uwäe ma ara Tumpa umbɨjeko reta waerä mbae che ayapota aï wae rupi. Jare Tumpa umbɨjekota wi jae reta imburuwicha wasu – jae ko Añawasu,” jei.

San Juan 12:43

Jáeramo umɨmbeu’ä reta kía pe awe wɨrowia reta Jesús re wae. Añetete jae reta uipotaete umbɨyerowia japicha retaño Tumpa wi etei.

San Juan 12:46

“Che ayu ko ambɨembipe waerä ɨwɨ pewa reta ipɨa pe. Jare jukuärái ipotawe kía cheré wɨrowia wae ndarau iko pɨ̈tumimbi pe,” jei.

San Juan 5:44

“Pe reta pipotaete pe yepái piyembutuichaka waerä. Erëi peka’ä peï Tumpa pembutuichaka waerä. Jare jukuärái yawe, ¿këraita pa pepuere perowia cheré? Ndarau piyapo,” jei chupe reta.

San Juan 7:17

“Erëi pe reta, ¿këraita ra pikuaa jokua che aporomboe wae ou ra ko chewiño ani ou ra Tumpa wi? Che tae pewe, tenonde imeta ko piñeñono piyapo rani waerä Tumpa jei wae rupi. Jayawe ramo pikuaata che aporomboe wae ou ko Tumpa wi wae,” jei.

San Juan 7:7

echa’ä mbaetɨ mbae re awe kua ɨwɨ pewa reta peamɨtäa waerä,’ jei. “Erëi jukuärai’ä ko che. Che kua ɨwɨ pewa reta cheamɨtäa, echa’ä che amɨmbeu chupe reta mbae ikawi mbae wae uyapo reta ramo,” jei chupe reta.

San Juan 8:12

Jayawe Jesús umbɨpɨ ye omboe joko pe ñonoï wae reta: “Che ko jae tembipe rami ɨwɨ pewa reta pe, echa’ä aikuaaka chupe reta añetete wae Tumpa rewa. Jare ipotawe kía che ndiwe oï wae ndarau ye ma iko pɨ̈tumimbi pe rami. Echa’ä che amee chupe tekowe ipɨau wae jare opa mbae wae, jare jokua ko tembipe rami chupe,” jei chupe reta.

San Juan 9:5

Erëi añawe rupi ko aï kua ɨwɨ pe. Jare che ko jae tembipe rami ɨwɨ pewa reta pewarä,” jei chupe reta.

Romanos 1:32

Jare jokuaño’ä ko, echa’ä jae reta uikuaa kawi tëi ko kërái Tumpa jei: “Opaete kua mbaembae uyapo wae reta tumano.” Erëi yepe tëi uikuaa reta, jesewe mbae’ä chupe reta. Jekuaeño uyapo reta jokua mbaembae ikawi mbae wae. Jare ïru reta wi uyapo yawe mbae ikawi mbae wae, chupe reta ikawi ko. Jukuärái ko opaete wɨrɨ̈ro Tumpa wae reta.

Romanos 2:8

Erëi ïruwe reta jukuärai’ä ko. Jae reta jaeño uipota yureko jae reta jei wae rupiño. Jae reta wɨrowia’ä añetete wae jare uipota uyapo reta mbae jupi mbae waeño. Jáeramo Tumpa uiporarakata iarasɨ rewe chupe reta. Jukuärái uyapota oï jokua ara opaete wae uyemboɨ yawe jae jowai.

2 Tesalonicenses 2:12

Jayawe jokua añetete wae re wɨrowia’ä wae reta jare mbae kachi wae re uyerowia wae reta onoita teko jaeño mái pewa Tumpa kotɨ.

1 Pedro 2:8

Jare jae nunga wi Cristo ikota pëti ita rami ipotawe wae kía ipɨsapäa jese waerä. Echa’ä jeta wae reta ipɨsapäata oa oo rami, jare jukuärái ndarau uepitɨ reta tekowe opa mbae wae. Kua nunga reta uyapɨsaka’ä Tumpa iñee re, jare jokua jeko pewa ipɨsapäa reta rami. Echa’ä Tumpa jeiño mái jokua uyeyapo waerä.

2 Pedro 3:3

Jare ikawiete ko pikuaa kawi waerä kua: añawe kua ara taɨkuewa rupi imeta oporoyoyai wae reta. Jae reta yurekota mbae kachi waeño uipota uyapo wae rupi