San Juan 3:17 - Biblia

¹⁷ Echa’ä Tumpa mbaetɨ ko ombou Taɨ kua ɨwɨ pe umbɨjeko waerä ɨwɨ pewa reta. Ombou ko uepɨ reta waerä.

Guaraní Pe (Western): Simba

¹⁷ Tumpa ombou Taɨ ɨvɨ pe, ɨvɨ pegua reta uyembɨasaca vaerã jae jeco pegua. Taɨ ou'ã uãa vaerã ɨvɨ pegua reta.

San Juan 3:17 Iomraidhean Croise

Zacarías 9:9

¡Piyerowiaete, tëta wasu Sion pewa reta! ¡Pesapɨkai yerowia rewe, tëta wasu Jerusalén pewa reta! Mase, pemburuwicha wasurä ou oï pepɨ; upurumɨamɨri jupi wae ko. Erëi uñemɨmichi rewe opo ou oï pëti mburika imembɨ taurusu wae re.

San Mateo 1:23

“Mase, pëti kuñatái oroke’ä etei kuimbae wae ipuruata oï jare imembɨta oï pëti kuimbae. Jare jeita chupe reta Emanuel.” Jukuärái jei Tumpa arakaete. Kua tee Emanuel uipota jei, “Tumpa yande ndiwe oï.”

San Mateo 18:10

“Piyandareko kawi piyé awɨye waerä perɨ̈ro pëti awe kua sambiaɨ mii reta. Echa’ä che tae pewe, jokua araɨwa reta uyandareko kua nunga reta re wae jekuaeño ñonoï cheRu ara pe oï wae jowai,” jei chupe reta.

San Mateo 18:11

“Jeta wae reta mbɨrɨ ñonoï Tumpa wi, jare uikuaa’ä etei reta tape Tumpa kotɨ oo wae. Jáeramo che kuimbaerä ayeyapo wae ayu ko aepɨ reta waerä,” jei.

San Lucas 19:10

“Jeta wae reta ukañɨ ñonoï wae echa uikuaa’ä reta Tumpa ramo. Jáeramo che kuimbaerä ayeyapo wae ayu ko aeka reta waerä jare aepɨ reta waerä,” jei.

San Lucas 9:56

Echa’ä che kuimbaerä ayeyapo wae ayu’ä ko apuruyuka waerä. Ayu ko apuruepɨ waerä,” jei chupe reta. Jayawe jae reta yuraa ïru tëta wasu raɨ kotɨ.

San Juan 1:29

Pɨarewe pe Juan uecha Jesús ou oï ikotɨ, jare jei joko pe ñonoï wae reta pe: “Mase, pee oï Tumpa ombou wae,” jei. “Jae ko pëti owecha kuimbae yaraa yayuka ñamee Tumpa pe wae rami. Echa’ä Tumpa ombou umano waerä yanderé, jae rupi umbái waerä teko ñanoi Tumpa kotɨ wae. Jae ko opaete ɨwɨ pewa reta pewarä tëi,” jei.

San Juan 10:36

“Erëitu añawe pe reta chembɨjeko peï, echa’ä che jae pewe che ko jae Tumpa Taɨ ramo. ‘Nde ndere mbae kachi wae Tumpa kotɨ,’ pere chewe. Erëi awɨyeta tëi ko pere jukuärái, echa’ä che pëti kuimbaeño’ä ko. Echa’ä cheRu Tumpa etei ko cheñono tee jae imaerä jare chembou kua ɨwɨ pe,” jei Jesús chupe reta.

San Juan 11:42

Aikuaa nde ndiyapɨsakañoi cheré. Erëi che jae aï kuärái opaete kua cheyɨpɨ rupi ñonoï wae reta wɨrowia waerä nde ko chembou wae,” jei.

San Juan 17:18

“Che añeñono tee ma amano waerä jese reta. Jare jukuärái jae reta ipuereta uñeñono tee nemaerä añetete rewe,” jei. “Añawe che amondo aï kua reta opaete ɨwɨ rupi kërái nde chembou ɨwɨ pe rami,” jei.

San Juan 17:21

“Ayerure aï ndewe opaete jae reta yureko waerä pëti ramiño. Echa’ä jukuärái ko yande ñaï. Nde jare che pëti ramiño ko ñaï yandiyé. Jare jukuärái wi jae reta tuiko pëti ramiño yanderé. Jukuärái, cheRu mii, kua aeka ndewe ndiyapo waerä kua ɨwɨ pewa reta wɨrowia waerä nde ko chembou wae,” jei.

San Juan 17:23

“Che aikota pëti ramiño jae reta ndiwe, jare nde pëti ramiño che ndiwe. Tuiko reta wi pëti ramiño. Echa’ä ɨwɨ pewa reta uecha yawe kërái jae reta pëti ramiño ñonoï, jayawe ramo uikuaata reta nde ko chembou wae. Jare uikuaata reta wi nde ndeau ko cheré wɨrowia wae reta kërái nde cherau rami,” jei.

San Juan 17:25

“CheRu jupiete ye wae, kua ɨwɨ pewa reta ndekuaa’ä. Erëi che ndukuaaño mái. Jare kua cheremimboe reta uikuaa nde ko chembou wae,” jei.

San Juan 17:3

“Jare ¿mbae ra jokua tekowe opa mbae? Nde ko jae pëtiño Tumpa añetete wae, jare che ko jae Jesucristo nde chembou wae. Tayandekuaa reta. Jokua ko jae tekowe opa mbae wae,” jei.

San Juan 20:21

Jayawe Jesús jei ye chupe reta: “Pepɨakatu. CheRu chembou amɨmbeu waerä jesewa. Jare jukuärái wi añawe che pomondo aï cheree re pemɨmbeu waerä che rewa,” jei chupe reta.

San Juan 5:36

Erëi añawe ime ye mbae uikuaaka pewe waerä kía ko che wae. Jare jokua ikawiete Juan umɨmbeu pewe wae wi. Jae ko kua mbaembae ayapo aï wae. CheRu etei umee chewe kua mbarawɨkɨ ayapo waerä, jare kua mbaembae reta etei uikuaaka pewe cheRu ko chembou wae,” jei chupe reta.

San Juan 5:38

Jare pe reta añetete perɨ̈ro ma jae iñee, echa’ä yepe tëi jae etei ko chembou wae, erëi pe reta chererowia’ä,” jei chupe reta.

San Juan 5:45

“Añetete pe reta ime penoi teko cheRu jowai, erëi che ndarau pumbɨjeko waerä. Moisés etei ko pembɨjekota oï,” jei. “Pe reta pere tëi: ‘Ore nduyapo kawi Moisés uikuatía wae rupi. Jáeramo ikawita oï orewe,’ pere tëi.

San Juan 6:29

Jayawe Jesús jei chupe reta: “Perowia Tumpa ombou wae re – jae ko che. Kua ko jae mbarawɨkɨ Tumpa uipota piyapo waerä wae,” jei chupe reta.

San Juan 6:38

Echa’ä jokua ko jae cheRu uipota wae. Jare jae chembou ara wi ayapo waerä jae jei wae. Ayu’ä ko ayapo waerä che jae waeño,” jei chupe reta.

San Juan 6:40

“Jayawe opaete cheré wɨrowia wae reta onoita tekowe opa mbae wae. Jare jae reta che ambɨjekowe yeta aï kuri umanokue wae reta ipɨte wi ara taɨkuewa pe. Jokua ko jae cheRu uipota wae,” jei Jesús chupe reta.

San Juan 6:57

“CheRu ikoño mái wae chembou, jare che aiko jae imbaepuere rupi. Jae ramiño wi jokua cherete jou wae ikota che chembaepuere rupi,” jei chupe reta umbɨjaanga rewe.

San Juan 7:29

Erëi che aikuaa, echa’ä jae ko chembou jare che chuwi ko ayu,” jei Jesús chupe reta.

San Juan 8:11

Jayawe kuña jei: “Mbaetɨ ma kiawe,” jei parawete. Jayawe Jesús jei chupe: “Che jae nunga wi numbɨjeko’ä. Ekua jare awɨye iñatima ye ndereko kachi pe,” jei chupe.

San Juan 8:42

Jayawe Jesús jei chupe reta: “Añetete Tumpa ko jae peRu yawe, jayawe pe reta cherauta tëi ko, echa’ä che ayu ko Tumpa wi. Tumpa etei ko chembou. Che ayu’ä ko che aipota ramoño,” jei chupe reta.

1 Juan 2:2

Jare jae etei ko uñemee umano waerä mbaembae yayawɨ Tumpa kotɨ wae re, jare jukuärái umbɨpɨakatu Tumpa iarasɨ tëi iko yandekotɨ wae. Jare yandereño’ä ko Cristo umano. Jae umano tëi ko wi opaete ɨwɨ pewa reta re.

1 Juan 4:14

Jare jokuaño’ä ko. Jae nunga wi yandeRu Tumpa ombou Taɨ ɨwɨ pe uepɨ waerä ɨwɨ pewa reta. Jukuärái ore nduecha ma, jare jukuäraiete wi ore nduikuaaka noï opaete wae pe.