San Juan 3:15 - Biblia

¹⁵ Kua imeta ko uyeyapo ipotawe kía wɨrowia cheré wae onoi waerä tekowe opa mbae wae.” Jukuärái jei Jesús Nicodemo pe.

Guaraní Pe (Western): Simba

¹⁵ ipotave güɨrovia cheré vae güɨnoi vaerã tecove opa mbae vae. Ndarau oo cañɨtei pe —jei.

San Juan 3:15 Iomraidhean Croise

Números 21:9

Jayawe Moisés uyapo pëti mboiraanga jiero bronce pewa, jare oñono pëti ɨwɨra puku wae re, jare umbɨyatɨka. Joko wi ipotawe mboi uichuu wae umae jese yawe, ukuera woi.

San Mateo 18:10

“Piyandareko kawi piyé awɨye waerä perɨ̈ro pëti awe kua sambiaɨ mii reta. Echa’ä che tae pewe, jokua araɨwa reta uyandareko kua nunga reta re wae jekuaeño ñonoï cheRu ara pe oï wae jowai,” jei chupe reta.

San Mateo 25:46

“Jayawe jae reta yuraata kiape uiporarata ñonoï jaeño mái pewa wae pe. Erëi jokua jupi wae reta yuraata tekowe opa mbae wae pe.” Jukuärái Jesús jei jemimboe reta pe.

Marcos 16:16

“Jare ipotawe kía wɨrowia jare uyembɨsakambuka ɨ pe wae onoita tekowe opa mbae wae. Erëi jokua wɨrowia’ä wae reta, Tumpa umbɨjekota oï reta jare omombota oï reta Tatawasurenda pe jaeño mái pewa,” jei chupe reta.

San Lucas 19:10

“Jeta wae reta ukañɨ ñonoï wae echa uikuaa’ä reta Tumpa ramo. Jáeramo che kuimbaerä ayeyapo wae ayu ko aeka reta waerä jare aepɨ reta waerä,” jei.

San Juan 1:12

Erëi amokue wae reta umbɨresiwe. Wɨrowia reta jese. Jáeramo jae reta Tumpa uyapo taɨ retarä yureko waerä.

San Juan 16:33

“Jare che jae aï pewe kua mbaembae piko waerä pepɨakatu rewe che rupi. Kua ɨwɨ pe peï rambuewe, pe reta piporarata peï. Erëi piñemɨkɨrëɨ, echa’ä che amɨamɨri ma towaicho kua ɨwɨ pewa,” jei chupe reta.

San Juan 20:31

Erëi kua uyekuatía oï wae uyekuatía ko pe reta perowia waerä Jesús jae ko Cristo jei chupe reta wae jare Tumpa Taɨ etei ko. Jare jukuärái perowia jese yawe, penoita tekowe opa mbae wae jae imbaepuere rupi.

San Juan 3:16

Tumpa uauete ɨwɨ pewa reta. Jáeramo umee Taɨ jae waeño wae, ipotawe kía wɨrowia jese wae onoi waerä tekowe opa mbae wae. Ndarau etei oo Tatawasurenda pe.

San Juan 3:36

Jare ipotawe kía Tumpa Taɨ re wɨrowia wae ime onoi tekowe opa mbae wae. Erëi Tumpa Taɨ re wɨrowia mbae wae ndarau onoi jokua tekowe, jare Tumpa iarasɨ jekuaeño oï jese.

San Juan 5:24

“Che tae pewe añetete wae, ipotawe kía chiñee re uyapɨsaka wae jare chembou wae re wɨrowia wae, jae onoi tekowe opa mbae wae. Tenonde yawe oo iko Tatawasurenda kotɨ, erëi añawe ime ma onoi tekowe opa mbae wae. Tumpa ndarau ma umbɨjeko,” jei chupe reta.

San Juan 6:27

“Erëi awɨye peparawɨkɨ perembiurä ɨmata’ä iko pewe wae reño. Peparawɨkɨta ko perembiurä opata mbae wae re – jokua ko jae tekowe opa mbae wae che kuimbaerä ayeyapo wae chepuere amee pewe wae. Jare jukuärái chepuere ayapo, echa’ä cheRu Tumpa umee ma chewe mbaepuere jokua ayapo waerä,” jei chupe reta.

San Juan 6:40

“Jayawe opaete cheré wɨrowia wae reta onoita tekowe opa mbae wae. Jare jae reta che ambɨjekowe yeta aï kuri umanokue wae reta ipɨte wi ara taɨkuewa pe. Jokua ko jae cheRu uipota wae,” jei Jesús chupe reta.

San Juan 6:47

Erëi yepe tëi kiawe uecha’ä etei cheRu, erëitu che tae pewe añetete wae, ipotawe kía wɨrowia cheré wae ime onoi tekowe opa mbae wae.

Hechos 13:41

‘Tumpa jei: ‘Mase, pe chererɨ̈ro wae reta pepɨakañɨta, echa’ä che aiporarakata aï pewe jaeño mái pewa. Yepe tëi kía umɨmbeu pewe kërái aiporarakata aï pewe wae, erëi jesewe pe reta ndarau perowia jese,’ jei Tumpa.’ Jukuärái uyekuatía oï,” jei Pablo chupe reta.

Hechos 8:36

Jare tape rupi yuraa rambuewe, oo uwäe reta ɨpa michi wae pe. Jare eunuco jei: “Ko oï ɨpa raɨ. ¿Mbae yembɨawái ra anoi ayembɨsakambuka waerä?” jei chupe.

Romanos 5:21

Jáeramo kërái yaikose teko yareko wae ipo pe jare jokua yanembɨsɨrɨ iko Tumpa wi, jukuärái wi añawe Tumpa ipɨakawi wae ipo pe ko ñaï jare ime ma ñanoi tekowe opa mbae wae. Echa’ä ime yawe kía wɨrowia yandeYa Jesucristo re wae, Tumpa umae jese jeko mbae wae rami.

1 Corintios 1:18

Añetete jeta wae reta pewarä ñee ikawi wae Cristo umano kurusu re wae mbae’ä ko chupe reta. Jukuärái ko Tatawasurenda kotɨ oo ñonoï wae reta. Erëi yanemaerä yaikuaa ko jokua ñee ime onoi mbaepuere, echa’ä jokua ñee rupi ko Tumpa yanderepɨ oï.

2 Corintios 4:3

Amokue wae reta pe jokua ñee ikawi wae numɨmbeu wae yawái. Erëi jaeño ko Tatawasurenda kotɨ yuraa ñonoï wae reta pewarä jukuärái.

Gálatas 2:16

Moisés arakae uikuaaka oreramɨkue reta pe opaete mbaembae Tumpa jei chupe reta wae. Erëi che jare Pedro nduikuaa ma jokua Moisés uikuatía wae rupi’ä ko Tumpa umae yanderé yandereko mbae wae rami. Jaeño Jesucristo re yarowia wae rupi Tumpa umae yanderé yandereko mbae wae rami. Añetete ko Tumpa ndarau kía re awe umae jeko mbae wae rami Moisés arakae uikuatía wae uyapo wae rupi. Jayawe ore ndorowia Jesucristo re, echa’ä ore nduipota Tumpa umae waerä oreré orereko mbae wae rami. Jare jukuärái ko Tumpa uyapo ore ndorowia Cristo re ramo – mbaetɨ ko Moisés arakae uikuatía wae nduyapo ramo.

Gálatas 2:20

Echa’ä che arowia Cristo re ramo, cherekowe indechikue umano rami jokua kurusu re Cristo ndiwe. Jare ndarau ye ma aiko tenonde aiko rami, echa’ä añawe Cristo oï ma chepɨa pe. Jare añawe imeño cherekowe aï rambuewe, jekuaeño arowiata Tumpa Taɨ re. Echa’ä jae cherau jare uñemee umano waerä cheré.

Hebreos 10:39

Erëi yande reta jae’ä ko jokua Cristo wi uyerowa ye wae reta. Chupe reta Tumpa uiporarakata oï jaeño mái pewa. Erëi yande yarowia ko jese añetete rewe, jare jukuärái ñanoi tekowe opa mbae wae.

Hebreos 7:25

Jáeramo ime yawe kía uipota iko Tumpa ndiwe wae jare wɨrowia ma Jesús re wae, Jesús ipuerete uepɨ jaeño mái pewa. Echa’ä Jesús ikoño mái uyerure waerä Tumpa pe omborɨ reta waerä.

1 Juan 2:25

Jare kua ko jae Tumpa jei umeeta oï yandewe wae – tekowe opa mbae wae.

1 Juan 5:1

Opaete kía reta wɨrowia Jesús ko jae Cristo Upuruepɨ wae, jokua reta Tumpa uyapo taɨ retarä yureko waerä. Jare yande yaikuaa kawi ñaï yaau yawe pëti kuimbae sambiaɨ reta onoi wae, yaau wi ko taɨ reta.

1 Juan 5:20

Jare yaikuaa wi Tumpa Taɨ ou ma ko kua ɨwɨ pe jare umee ma yandewe arakuaa yaikuaa waerä Tumpa añetete wae. Jare añawe yande ñaï ma ko pëti ramiño Tumpa añetete wae re, echa’ä ñaï ma pëti ramiño Taɨ Jesucristo re ramo. Jae ko Tumpa añetete wae jare tekowe opa mbae wae iYa.