San Juan 3:14 - Biblia

¹⁴ “Yanemandúa kawi ñaï: Arakaete yanderamɨkue reta yureko yawe ɨwɨtini wasu rupi, Moisés oñono ɨwɨra re pëti mboiraanga jiero bronce pewa jare umbɨyemboɨ oñono. Jare jukuärái ipotawe kía mboi uichuu wae umae jese yawe, ukuera woi,” jei chupe. “Jae ramiño wi jokua mboiraanga rami, ïru wae reta cheñonota ɨwɨra re che kuimbaerä ayeyapo wae, jare chembɨyemboɨta cheñono.

San Juan 3:14 Iomraidhean Croise

Salmo 22:16

Cherowaicho reta yɨmba pochɨ wae reta rami opa cheñowa jare cherepeña ñonoï reta. Chekutu reta chepo jare chepɨ pe.

San Mateo 26:54

“Erëi jukuärái ayapo yawe, ¿këraita pa uyeyapo Tumpa iñeerɨru pe uyekuatía oï wae? Echa’ä joko pe jei mbaembae añawe uyeyapo oï wae imeta ko uyeyapo chewe,” jei chupe.

San Mateo 8:20

Jayawe Jesús jei jokua kuimbae pe: “¿Añetete pa ndiyemɨngeta neï? Echa’ä awara reta ime onoi ikua, jare wɨra reta wi ime onoi jaitɨ. Erëi che kuimbaerä ayeyapo wae mbaetɨ anoi kiape awe ake waerä,” jei chupe.

San Lucas 24:20

“Erëi sacerdote itenondewa reta jare yanemburuwicha reta umee romano reta pe uyukaka reta waerä kurusu re,” jei reta.

San Juan 18:32

Kua uasa uyeyapo waerä Jesús tenonde yawe jei imano rewa wae. Echa’ä jae jei umanota iko romano reta ipo pe.

San Juan 6:51

“Jare che etei ko jae jokua mbɨyape ara wi ayu wae tekowe opa mbae wae amee wae. Jare ipotawe kía kua mbɨyape jou wae onoita tekowe opa mbae wae,” jei umbɨjaanga rewe. “Cherete etei ko jae jokua mbɨyape. Jare che ameeta aï cherete opaete ɨwɨ pewa reta re opaete onoi waerä tëi tekowe ipɨau wae,” jei Jesús chupe reta.

San Juan 8:28

Jáeramo Jesús jei wi chupe reta: “Che kuimbaerä ayeyapo wae, pe reta cheñonota peï kuri pëti kurusu re jare chembɨyemboɨta cheñono peï opaete wae jowake. Jayawe ramo pikuaata peï kuri CHE KO CHE wae. Jare pikuaata peï wi cheiño’ä ko mbae ayapo wae. Jaeño ko cheRu jei chewe wae rupiño che jae pewe wi,” jei.

Hechos 2:23

“Jesewe pëti wae umee pewe Jesús,” jei. “Jare pe reta etei pipɨsɨka Jesús jare pemee yuapɨ ye judío mbae wae reta pe uikutu kurusu re piyukaka waerä,” jei. “Erëitu pe reta jokoropi piyapo ma ko arakae Tumpa iñee pe uyekuatía oï wae jei piyapota piko wae,” jei. “Echa’ä Tumpa uikuaaño mái iko opaete mbaembae ndei uyeyapo mbowe,” jei Pedro chupe reta.