San Juan 3:11 - Biblia

¹¹ “Che tae ndewe añetete wae, kua mbaembae ore numɨmbeu pewe wae, jae ko mbaembae ore nduikuaa wae jare nduecha oreresa pe etei wae. Erëi pe fariseo piko wae reta orererowia’ä etei kua ore nduikuaaka pewe wae re,” jei chupe.

Guaraní Pe (Western): Simba

¹¹ Añete che jae ndeve, nduyemɨngueta nduicuaa vae re jare numɨmbeu nduecha vae. Ẽrei perovia'ã numɨmbeu peve vae —jei—.

San Juan 3:11 Iomraidhean Croise

Isaías 53:1

¿Ime ra kía yepe wɨrowia oriñee re wae? ¿Uecha’ä yerá reta Tumpa imbaepuere?

San Mateo 11:27

Jayawe Jesús jei wi joko pe ñonoï wae reta pe: “CheRu umee ma chewe mbaepuere opaete mbaembae re. Jaeño chekuaa kawi. Mbaetɨ ye kiawe chekuaa kawiete. Jae ramiño wi mbaetɨ kiawe uikuaa kawiete cheRu. Cheño aikuaa kawi. Jare jokua che aikuaaka chupe wae reta uikuaa wi,” jei chupe reta.

San Mateo 23:37

Joko wi Jesús jei tuicha ipɨatɨtɨ rewe: “Pe Jerusalén pewa reta, jeta ma Tumpa ombou tëi pewe jae iñee umɨmbeu wae reta jare ïru chupe uyeyokui wae reta. Erëi pe reta jekuaeño piyapi ita pe opa piyuka,” jei. “Jeta wese ma chekɨrëɨ tëi pumbatɨ ayandareko waerä peré, pëti uru imembɨ reta umbatɨ ipepo íɨwɨ pe wae rami, erëi pe reta pipota’ä,” jei.

San Lucas 10:22

Jayawe Jesús jei wi joko pe ñonoï wae reta pe: “CheRu umee ma chewe mbaepuere opaete mbaembae re. Jaeño chekuaa kawi. Mbaetɨ ye kiawe chekuaa kawiete. Jae ramiño wi mbaetɨ kiawe uikuaa kawiete cheRu. Cheño aikuaa kawi. Jare jokua che aikuaaka chupe wae reta uikuaa wi,” jei chupe reta.

San Juan 1:11

Jae ou judío reta ipɨ. Jare yepe tëi jae reta ko jëtáɨwa, erëitu opaete seri jae reta wɨrɨ̈ro.

San Juan 1:18

Mbaetɨi kiawe uecha ma yandeRu Tumpa wae. Erëi Tumpa Taɨ jae waeño wae uikuaaka ma yandewe kërái ko jae wae. Taɨ ko Tumpa etei jare jekuaeño uñemɨïru oï Tu ndiwe.

San Juan 12:49

echa’ä chiñee ou’ä chewiño. CheRu ko chembou, jare jae ko jei chewe mbae jae waerä jare kërái jae waerä,” jei.

San Juan 14:24

“Erëi cherau’ä wae reta ndarau uyapo chiñee rupi. Jáeramo, ¿maera pa ayekuaakata chupe reta jayawe?” jei. “Kua aporomboe aï wae chiñeeño’ä ko. Jae ko cheRu chembou wae iñee etei,” jei Jesús chupe reta.

San Juan 3:12

“Ime ye ïru mbaembae ara pewa chepuere tëi aikuaaka pewe wae. Erëi pipota’ä yawe chererowia kua mbaembae ɨwɨ pewa ayemɨngeta wae, jayawe ¿këraita pa chererowia ayemɨngeta yawe mbaembae ara pewa re?

San Juan 3:13

Jaeño che kuimbaerä ayeyapo wae chepuere chemiäri pewe kua mbaembae re, echa’ä cheeño ko ayu ara wi. Mbaetɨi kía uyupi oo ara pe,” jei chupe.

San Juan 3:3

Jayawe Jesús jei chupe: “Pëti ara Tumpa ikota mburuwicha wasurä jaeño mái pewa kua ɨwɨ pe. Jare che tae ndewe añetete wae, ndarau kía ipuere oï jae ndiwe mbaetɨ oa pɨau ye yawe,” jei chupe.

San Juan 3:5

Jayawe Jesús jei chupe: “Kua ɨwɨ pe opaete wae onoi tekowe ichɨ wi oa ma yawe. Erëi che tae ndewe añetete wae, kía mbaetɨ oa pɨau ye Espíritu Santo rupi wae, ndarau ipuere onoi Tumpa imburuwicha wasurä jaeño mái pewa.

San Juan 5:43

“Che ayu ko cheRu jee re, erëitu pe reta chererɨ̈ro peï. Erëi jekuaeño pembɨasa kawi ipotawe kía jaei uipota ramoño ou wae,” jei.

San Juan 7:16

Jayawe Jesús jei chupe reta: “Kua aporomboe aï wae, chiñee’ä ko. Jae ko jokua chembou wae iñee,” jei.

San Juan 8:14

Jayawe Jesús jei chupe reta: “Jukuärái tëi ko. Erëitu kua che jae chiyé wae añetete ko, echa’ä che aikuaa ko ketɨ wi ayu wae jare ketɨ a wae. Erëi pe reta pikuaa’ä jokua rewa. Jáeramo pepuere’ä pere chewe: ‘Nde ndere neï wae mbae’ä ko.’

San Juan 8:26

“Añetete che ime jeta mbaembae re chepuere tëi jae pewe pumbɨjeko waerä. Erëitu che jaeño amɨmbeu ɨwɨ pewa reta pe jokua chembou wae jei chewe wae etei. Jare jae jekuaeño uyemɨngeta jupi rupi kawi,” jei chupe reta.

San Juan 8:38

“Kua che aikuaaka aï pewe wae, jae ko cheRu uechaka chewe wae. Erëitu pe reta piyapo peï peru jei waeño,” jei Jesús chupe reta.

Hechos 22:18

“Jukuärái aecha Jesús, jare jae jei chewe: ‘Eë ekua ɨmambae Jerusalén wi. Echa’ä tëta wasu pewa reta uyapɨsakata’ä oï nemɨmbeuta neï che rewa wae,’ jei chewe.

2 Corintios 4:4

Jae reta wɨrowia’ä, echa’ä pɨ̈tumimbi pe yureko reta rami. Echa’ä kua ɨwɨ iya – jae ko Añawasu – umɨpɨ̈tumimbi ma iyarakuaa awɨye waerä jae reta uikuaa kawi ñee ikawi wae Cristo rewa. Jokua jeko pewa jae reta uikuaa’ä kërái Cristo ikawiete ye ko jare jae ko Tumpa etei wae.

Apocalipsis 3:14

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Laodicea pe. Ikuatía chupe kua chiñee kuärái: ‘Che ko jae Amén jee wae. Jukuärái ko cheree, echa’ä pepuere perowia katu cheré amɨmbeu waerä jupi waeño. Che rupi ko uyekuaa arakaete Tumpa jembiapo reta opaetei.