San Juan 3:10 - Biblia

¹⁰ Jayawe Jesús jei chupe: “Nde ko jae pëti oporomboe wae kua Israel pe, jare jeta ñanerëtara reta uyapɨsaka nderé. ¿Këraita pa jayawe nde ndikuaa kawi’ä kua rewa?” jei.

Guaraní Pe (Western): Simba

¹⁰ Jesús upɨrandu Nicodemo pe: —¿Ndicuaa'ã pa cua? Echa'ã nde co jae Israel pegua reta omboe vae —jei—.

San Juan 3:10 Iomraidhean Croise

Jeremías 31:33

Erëitu taɨkuete rupi ayapota aï pëti yemɨngeta ipɨau wae Israel iñemoñaa reta ndiwe. Jae ko kua: Che añonota aï chiñee jae reta ipɨa pe, jare jukuärái jae reta opata uikuaa kawi. Che aikota jae reta iTumparä jare jae reta yurekota chemaerä.

San Mateo 11:25

Joko wi Jesús umbɨpɨ uyerure Tumpa pe kuärái: “CheRu mii, nde ko jae ara pewa reta iYa jare ɨwɨ pewa reta iYa wi,” jei. “Che ambutuicha nderee, echa’ä kua mbaembae ndikuaaka ma sambiaɨ reta pe, jare nemaeño’ä iyarakuaa katu echa iyupe wae reta re uikuaa waerä,” jei.

San Mateo 15:14

“Jáeramo awɨye piyembɨpɨa’ä jae reta jei wae re. Jae reta uyererowia tëi uruwata ñonoï ïru wae reta Tumpa kotɨ. Erëi añetete jae reta jesa mbae wae uipoko uruwata ïru jesa mbae wae rami ko. Jare jukuärái yawe, mokui rewe uasawita ɨwɨkua pe,” jei chupe reta.

San Mateo 22:29

Jayawe Jesús jei chupe reta: “Pe reta pikuaa’ä Tumpa iñee uyekuatía oï wae, jare pikuaa’ä etei wi kërái ko Tumpa imbaepuere wae. Jáeramo piyawɨ ko piyemɨngeta umanokue wae reta rewa.

San Lucas 2:46

Jare mbapɨ ara rupi ma ueka reta yawe, uwäe wɨte reta chupe tupao wasu joka pe. Joko pe Jesús uwapɨ oï Moisés uikuatía wae re oporomboe wae reta ndiwe. Uyapɨsaka oï jese reta, jare uyapo oï chupe reta mbɨrandu.

San Lucas 5:17

Pëti ara Jesús oporomboe iko, jare amokue fariseo reta jare Moisés uikuatía wae re oporomboe wae reta uwapɨ yureko jokoropi. Jae reta yuweru tëta wasu Jerusalén wi, jare opaete ɨwɨ Galilea wi, jare ɨwɨ Judea wi uyapɨsaka reta waerä jese. Jare Tumpa imbaepuere uyekuaa Jesús rupi upurumɨnguera waerä.

San Juan 3:9

Nicodemo jekuaeño uikuaa kawi’ä jare jei Jesús pe: “¿Këraita ra uyeyapo jokua?” jei chupe.

Hechos 5:34

Erëi mburuwicha reta ipɨte pe oï wi pëti fariseo Gamaliel jee wae. Jae ko pëti wae Moisés uikuatía wae re oporomboe wae, jare opaete tëta wasu pewa reta umae kawi jese. Jayawe Gamaliel uyemboɨ jare omoëka michi pewa Jesús jemimboe tenondewaete reta ikotɨ̈a.

Romanos 2:28

Ipuere ko kía judío. Jare ipuere ko uyembɨcircuncidaka oï. Erëi jokua uipota’ä jei jae ko judío añetete wae Tumpa jowai. Uipota’ä jei jae ko oï Tumpa pewarä.

Filipenses 3:3

Echa’ä yande reta ko jae Tumpa imaerä añetete wae. Yande reta ko yambutuicha Tumpa jee Espíritu Santo rupi. Jare mbaetɨ yayeko ñaï yandiyé jare mbaembae yayapo wae re ñanoi waerä tekowe opa mbae wae. Jaeño yayeko ñaï mbaembae Jesucristo uyapo yandewe wae re, jare jokua re ko yayemɨngeta.

Colosenses 2:11

Jare pe reta pëti ramiño peï Cristo re ramo, piyembɨcircuncidaka rami ma ko peï. Erëi mbaetɨ ko kërái kuimbae reta uyapo rami. Jae reta kía umbɨcircuncida yawe, ueki chuwi ipire raɨ mii. Erëi jokua uyeyapo pewe wae ikawiete ko. Echa’ä Cristo etei umbɨsɨrɨ ma pewi pereko indechikue imbaepuere iko peré wae. Añawe wiwe mbaetɨ ma onoi peré mbaepuere jokua kɨrëɨ mbae kachi piyapo waerä wae.