San Juan 21:5 - Biblia

⁵ Jare Jesús usapɨkai chupe reta: “Cherɨwɨ reta, ¿mbaetɨ etei pa penoi pira?” jei chupe reta. “Mbaetɨ nonoi pëti awe,” jei reta chupe.

Guaraní Pe (Western): Simba

⁵ Jayave Jesús jei chupe reta: —Cherɨvɨ reta, ¿pipɨsɨ ma pa mbae? —Nduipɨsɨ'ã mbae ave —jei reta chupe.

San Juan 21:5 Iomraidhean Croise

San Mateo 14:15

Jayawe pɨ̈tuta ma oï yawe, Jesús jemimboe reta yuweru jei chupe: “Mbaetɨ tëta kua rupi, jare kaaru ma oï,” jei reta. “Emondo kua jeta wae reta kiape ime tëta wae rupi owa reta waerä jembiurä. Echa’ä mbaetɨ mbae jou reta waerä kua pe,” jei reta.

Marcos 8:7

Jae nunga wi ime wɨreko reta mbowɨ pira chariki michi wae reta. Jokua re wi Jesús umee yasurupái Tumpa pe. Jare jei jemimboe reta pe umee waerä uwapɨ ñonoï wae reta pe.

Filipenses 4:19

Jare jukuärái wi cheRu Tumpa jetaete ye onoi wae wi umeeta pewe opaete mbae uata oï pewe wae. Jukuäraita ko, echa’ä pe reta pëti ramiño peï Jesucristo re ramo.

Hebreos 13:5

Awɨye pipotaete korepoti pemaeräño. Toï pepɨa jenda pe ime ma penoi wae re. Awɨye wi piyembɨpɨa’ä jeta mbaembae penoi waerä, echa’ä Tumpa etei jei ma yandewe kuärái: “Che ndarau etei ndueya. Jekuaeño ayandarekota aï nderé.” Jukuärái Tumpa jei.

1 Juan 2:13

Jare pe pekuakuaa ma piko wae reta, pe reta pikuaa jokua iyɨpɨ wiwe ikoño mái wae. Jare jokua jeko pewa ko aikuatía aï pewe. Jare pe taurusu piko wae reta, pe reta pemɨamɨri ma Añawasu. Jare jokua jeko pewa ko aikuatía aï pewe wi. Sambiaɨ mii reta, taikuatía ye pewe kua mbaembae, echa’ä pe reta pikuaa yandeRu Tumpa ramo.

1 Juan 2:18

Cheraɨ reta, añawe ñawäe ma ñaï ara taɨkuewa reta pe. Pe reta piyandu ma ko jokua kuimbae Cristo uyembɨjeeraanga wae outa oï wae. Jare añawe ou ma tenonde jeta wae Cristo uyembɨjeeraanga wae reta. Jukuärái yaikuaa ara taɨkuewa rupi ma ko ñaï wae.