San Juan 21:22 - Biblia

²² Jare Jesús jei chupe: “Aramoi che aipota yawe, jae jekuaeñota oï che ayu ye rewa. Erëi jokua mbae’ä ko nemaerä. Emaeño jese. Erëi nde, eyu che ndiwe,” jei chupe.

Guaraní Pe (Western): Simba

²² Jesús jei chupe: —Che aipota yave jae ico vaerã che ayu ye regua, jocua mbae'ã co ndeve. Nde eyu che ndive —jei.

San Juan 21:22 Iomraidhean Croise

San Mateo 16:24

Jayawe Jesús jei jemimboe reta pe: “Ime yawe kía uipota iko cheremimboerä wae, awɨye ma tuiko jae jei wae rupiño. Erëi towoɨ ikurusu jare tou che ndiwe,” jei.

San Mateo 24:27

Echa’ä che kuimbaerä ayeyapo wae ayu ye yawe, ayekuaata kërái ama uwera wae uyekuaa opaete ara re wae rami. Echa’ä opaete wae cherechata oï kuri,” jei.

San Mateo 24:3

Jayawe Jesús jemimboe reta ndiwe yuraa uyupi reta ñaipe Olivorenda jee wae re, jare Jesús uwapɨ. Jare joko pe jae retaño ñonoï rambuewe, jemimboe reta yuweru oya jese jare jei reta chupe: “Emɨmbeu mii orewe, ¿kërái yawe etei ra uasata kua mbaesusere tupao wasu rewa? Jare ¿këraita pa nduikuaa ndeyu yeta ma neï yawe jare ara iyapɨta ma oï yawe?” jei reta chupe.

San Mateo 24:44

“Jae ramiño wi pe reta pikuaata’ä kërái yawe etei ra che kuimbaerä ayeyapo wae ayu yeta wae. Echa’ä ayu yeta aï pepɨranoe pewa. Jáeramo jekuaeño piyandareko kawi piyé kuri,” jei chupe reta.

San Mateo 25:31

“Che kuimbaerä ayeyapo wae, che ayu yewɨ yawe chembaepuere jembipete rewe, aruta opaete araɨwa reta che ndiwe. Jayawe che awapɨta aï chewapɨa mburuwicha wasu pewa ikawiete ye wae re,” jei.

San Mateo 8:22

Jayawe Jesús jei chupe: “Eyuño che ndiwe. Emaeño jokua umano wae echa ñonoï Tumpa wi wae reta tuñeñotɨ kuri jae reta yepái,” jei chupe.

Marcos 9:1

Jayawe Jesús jei wi chupe reta: “Che tae pewe añetete wae, amokue pe reta kua pe peï wae pechata peï ndei pemano mbowe Tumpa imbaepuere mburuwicha wasu pewa,” jei chupe reta.

San Juan 21:19

Kua jei Jesús umɨmbeu waerä Pedro pe kërái umanota iko wae jare kërái Tumpa jee uyembutuichakata iko Pedro imano rupi. Jayawe Jesús jei wi chupe: “Eyu che ndiwe.”

San Juan 21:21

Jayawe Pedro upɨrandu jesewa Jesús pe: “CheYa, ¿mbae pa uyeyapota oï chupe?” jei.

1 Corintios 11:26

Jayawe jukuärái opa wese piyembatɨ peu waerä yawe mbɨyape jare copa wi, yandeYa imano rewa ko pikuaaka peï. Jare jukuäraita ko oï yandeYa ou ye rewa.

1 Corintios 4:5

Jáeramo awɨye ma pikura kua mbarawɨkɨ Tumpa pewarä nduyapo noï wae. Peäro mii yandeYa ou yeta wae, echa’ä jokua ara ramo yandeYa jeita oï jupi rupi oreparawɨkɨ rewa. Jukuärái ipuereta uyapo, echa’ä jaeño oñonota oï ikatu pe etei opaetei yande mbae yayapo wɨari tëi wae jare jokua mbaembae yandepɨa japɨpe oï wae. Jayawe yandeYa ou ye yawe ramo ko Tumpa jeita oï yandewe pëti pëti pe mbae ikawi wae yandeparawɨkɨ rewa ikawi oï yawe.

1 Tesalonicenses 2:19

Ore nduipota tëi ndoo ye ndopou pepɨ, echa’ä pe reta tuicha rupi orembɨyerowia peï. Jare ore nduikuaa jokua ara yandeYa Jesús ou ye yawe ara wi, pe reta wi peïta jae ndiwe joko pe. Jare ore nduyerowiaeteta noï jae jowai jae oreporu rambuewe pe reta penoi waerä tekowe opa mbae wae.

Santiago 5:7

Jayawe hermano reta, pepɨawasu mii yandeYa ou ye rewa. Mase kërái umaetɨ wae uäro mbaewɨye ikawi wae. Jae uäro ipɨawasu rewe tenondewa ama umaetɨ waerä. Jare jae uäro wi ama jekuaeño okɨ waerä opa yawɨye kawi waerä.

Santiago 5:8

Jukuärái rami ko pepɨawasu rewe jare piñemɨmɨräta rewe peärota. Echa’ä uyaro ma oï yandeYa ou ye waerä.

Apocalipsis 1:7

¡Mase, ko jae ma ou amapɨ̈tu re! Jare opaete wae uechata ñonoï. Uikutuka wae retawe uechata wi. Jare opaete kua ɨwɨ pewa reta tuicha ipɨatɨtɨta jae jeko pewa. Añetete jukuärái tuiko.

Apocalipsis 2:25

jekuaeño piyapo jokua piyapo peï wae che ayu ye rewa.

Apocalipsis 22:20

YandeYa etei uikuaaka chewe opaete kua mbaembae. Jae jei: “Añetete che ayu yeta jupiwoiño.” Jayawe che tae: “¡Jukuärái tuiko! Eyu, cheYa Jesús.”

Apocalipsis 22:7

“YandeYa jei: ‘Mase, ayu yeta jupiwoiño. Aikuaaka ma kua tupapire rupi mbaembae uasata oï wae. Jayawe uyekouete ñonoï kua ñee uipɨsɨ wae reta,’ jei,” jei araɨwa chewe.

Apocalipsis 3:11

‘Mase, ayu yeta jupiwoiño. Jekuaeño piyapo jokua piyapo peï wae, awɨye waerä ïru wae pe uñemee pewi pecorona.