San Juan 21:18 - Biblia

¹⁸ “Che tae ndewe añetete wae, ndetaurusu yawe, ndiyembɨkuaase jare ndewatase ndipota ndeo wae rupi. Erëi nendechi ma yawe, ndeupita ndepo, jare neapɨ̈tita reta jare ndereraata reta kiape ndipota’ä tëi ndeo wae pe ndeyuka reta waerä,” jei chupe.

Guaraní Pe (Western): Simba

¹⁸ Añete che jae ndeve, nde ndetaɨrusu yave, ndiyemonde jare ndeguata ndipota ndeo vae rupi. Ẽrei nendechi ma yave, ndeupita ndeyɨva jare ĩru vae omondecata ndeve jare ndereraata ndipota'ã ndeo vae pe —jei.

San Juan 21:18 Iomraidhean Croise

San Lucas 12:37

“Jare jokua karái uecha yawe uyeyokui wae reta uäro ñonoï oke mbae rewe, jayawe uyerowiaeteta umae jese reta. Che tae pewe añetete wae, jokua karái umbɨwapɨta uyeyokui wae reta mesa pe jare umɨngaruta reta jae etei,” jei.

San Juan 13:36

Jayawe Simón Pedro jei Jesús pe: “CheYa, ¿ketɨ pa ndeota?” jei chupe. Jare Jesús jei chupe: “Ndarau añawe ndepuere ndeo che ata wae pe. Erëi taɨkue rupi ndeota neï kuri joko pe,” jei chupe.

San Juan 21:17

Jare jei ye chupe mbapɨ wese ma: “Simón, Jonás taɨ, ¿cherau pa?” Añawe Pedro ipɨatɨtɨ, echa’ä mbapɨ wese ma Jesús upɨrandu chupe uau ra wae. Jayawe jei ye Jesús pe: “CheYa, nde ndikuaa opaete. Nde ndikuaa kawi che nduau ko,” jei chupe. Jare Jesús jei ye chupe: “Emɨngaru cheowecha mii reta,” jei chupe.

San Juan 21:19

Kua jei Jesús umɨmbeu waerä Pedro pe kërái umanota iko wae jare kërái Tumpa jee uyembutuichakata iko Pedro imano rupi. Jayawe Jesús jei wi chupe: “Eyu che ndiwe.”

Hechos 21:11

Jae uecha yawe Pablo, ueki chuwi jumbɨkuaa jare uñeapɨ̈ti jaei ipɨ jare ipo. Jare jei: “Kua jei oï Espíritu Santo: ‘Kuärái Jerusalén pe judío reta uñapɨ̈tita kua tumbɨkuaa iya jare umeeta reta judío mbae wae reta ipo pe.’ Jukuärái jei Espíritu Santo,” jei.

2 Corintios 5:4

Añetete, añawe rupi kua yanderete pe yaiko rambuewe, yaiporara jare ñaneañeki. Erëi mbaetɨ ko yaipota ñamano ramo jare opa waerä yanderete kua ɨwɨ pewa ramo. Mbaetɨ ko jokua. Jaeño yaipota ñanoi yanderete ipɨau wae jare opata mbae wae, echa’ä jokua yanderete ndiwe ma ñaï yawe, ndarau ye ñamano.