San Juan 21:16 - Biblia

¹⁶ Jare jei ye chupe: “Simón, Jonás taɨ, ¿cherau pa?” Jare Pedro jei ye chupe: “Nduau, cheYa. Nde ndikuaa kawi che nduau ko,” jei chupe. Jayawe Jesús jei chupe: “Iyandareko cheowecha mii reta re.”

Guaraní Pe (Western): Simba

¹⁶ Jesús jei ye chupe: —Simón, Jonás taɨ, ¿cherau pa? —Nduau, cheYa —jei ye Pedro—. Ndicuaa che nduau co. —Iyandareco cheovecha reta re —jei Jesús.

San Juan 21:16 Iomraidhean Croise

San Mateo 2:6

“Tumpa jei: ‘Belén jae ko tëta wasu raɨ ikawiete wae ɨwɨ Judea pe oï wae. Echa’ä joko pe oata oï pëti mburuwicharä ikota wae. Jare jae uyandareko kawita oï Israel iñemoñaa reta re – jae ko che aiparawo wae reta,’ jei.” Jukuärái jei Tumpa iñeerɨru pe,” jei reta Herodes pe.

San Mateo 25:32

“Jare ambatɨkata cherowai opaete ambɨe ɨwɨ rupi yureko wae reta. Jare jae reta ipɨte wi ambɨsɨrɨta amokue wae reta, pëti kuimbae iowecha reta umbɨsɨrɨ ikapura reta wi rami,” jei.

San Mateo 26:72

Erëi Pedro uikuaku ye: “Che tae pewe Tumpa jowake, ¡aikuaa’ä etei jokua kuimbae!” jei chupe reta.

San Lucas 19:10

“Jeta wae reta ukañɨ ñonoï wae echa uikuaa’ä reta Tumpa ramo. Jáeramo che kuimbaerä ayeyapo wae ayu ko aeka reta waerä jare aepɨ reta waerä,” jei.

San Juan 18:17

Jare kuñatái öke uäro wae jei Pedro pe: “¿Nde jae ko wi Jesús jemimboe?” jei chupe. “Mbaetɨ. Jae’ä ko che,” jei Pedro chupe.

San Juan 18:25

Jare Simón Pedro imeño uyepee iko tataɨpɨ pe. Jayawe ïru wae reta upɨrandu chupe: “¿Nde jae ko wi Jesús jemimboe?” jei chupe. Erëi Pedro uikuaku jare jei: “Jae’ä ko che.”

San Juan 21:17

Jare jei ye chupe mbapɨ wese ma: “Simón, Jonás taɨ, ¿cherau pa?” Añawe Pedro ipɨatɨtɨ, echa’ä mbapɨ wese ma Jesús upɨrandu chupe uau ra wae. Jayawe jei ye Jesús pe: “CheYa, nde ndikuaa opaete. Nde ndikuaa kawi che nduau ko,” jei chupe. Jare Jesús jei ye chupe: “Emɨngaru cheowecha mii reta,” jei chupe.

Hechos 20:28

Jare jei wi chupe reta: “Jayawe, pe reta Cristo re wɨrowia wae itenondewa reta, piyandareko kawi piyé,” jei. “Jare piyandareko kawi wi opaete hermano reta Tumpa umee pewe wae re. Pikuaa peï kërái pëti owecha iyandarekoa uyandareko kawi iowecha reta re. Jukuärái wi piyandareko kawi hermano reta re jare pemboe kawi reta. Echa’ä yandeYa uepɨ reta jae juwɨ pɨpe etei, jare jukuärái jae reta yandeYa imbae ko. Jekuaeño pemandúa Espíritu Santo ko peparawo pe reta piko waerä jae reta itenondewarä,” jei Pablo chupe reta.

Hebreos 13:20

YandeRu Tumpa ko jae yanembɨpɨakatu wae. Jare jae ko uyapo pëti yemɨngeta ipɨau wae yande ndiwe. Jare yandeYa Jesucristo juwɨ uyepɨyere wae pɨpe jokua yemɨngeta upɨta kawi ma oï jaeño mái pewa. Jáeramo Tumpa umbɨjekowe ye ueru Jesucristo uyandareko waerä yanderé pëti owecha reta iyandarekoa ikawi wae rami.

1 Pedro 2:25

Tenonde yawe pe reta pewataiño piko owecha ukañɨ wae rami. Erëi añawe peyu ye ma ko Cristo kotɨ. Jare jae umae jare uyandareko oï peré pëti owecha iyandarekoa rami.

1 Pedro 5:2

piyandareko kawi waerä opaete hermano reta Tumpa oñono pepo pe wae re, echa’ä jae reta ko jae Tumpa imaerä iko wae reta. Piyandareko mii jese reta kërái owecha iyandarekoa uyandareko iowecha reta re rami. Pemae kawi jese reta piyerowia rewe jare kía jei mbae pewe rewe, echa’ä jokua ko jae Tumpa uipota wae. Jáeramo piyapo mii pekɨrëɨ ngatu rewe. Awɨye piyapo pipota korepoti pemɨngana ramoño.

Apocalipsis 7:17

Echa’ä Owecha kuimbae taurusu wae wapɨa mburuwicha wasu pewa pe oï wae uyandarekota oï jese reta. Jare jae wɨraata oï reta ɨkua ɨwororo jekuaeño oë wae pe, joko pe jou reta waerä ɨ tekowe umee wae. Jare Tumpa etei oyoeta jesaɨ chuwi reta.” Jukuärái jokua mburuwicha jei chewe.