San Juan 21:15 - Biblia

¹⁵ Jare opa ma ukaru reta yawe, Jesús jei Simón Pedro pe: “Simón, Jonás taɨ, ¿cherauete pa kua reta wi?” jei chupe. “Nduau, cheYa,” jei chupe. “Nde ndikuaa kawi che nduau ko.” Jayawe Jesús jei chupe: “Emɨngaru cheowecha raɨ mii reta,” jei chupe.

Guaraní Pe (Western): Simba

¹⁵ Ucaru reta ma yave, Jesús jei Simón Pedro pe: —Simón, Jonás taɨ, ¿cherau ete pa cua reta güi? —Nduau, cheYa —jei Pedro—. Ndicuaa che nduau co. —Emɨngaru cheovecha-raɨ reta —jei Jesús chupe.

San Juan 21:15 Iomraidhean Croise

San Mateo 10:37

“Erëi ime yawe kía uauete tu jare ichɨ chewi wae, jupi’ä ko iko waerä cheremimboerä. Jae ramiño wi ime yawe kía uauete isambiaɨ reta chewi wae, jupi’ä ko iko waerä cheremimboerä.

San Mateo 16:17

Jayawe Jesús jei Pedro pe: “Nde Simón, Jonás taɨ, ndiyekouete neï. Echa’ä cheRu ara pe oï wae uikuaaka ma ndewe jokua. Mbaetɨ ye kía uikuaaka ndewe wae,” jei chupe.

San Mateo 18:10

“Piyandareko kawi piyé awɨye waerä perɨ̈ro pëti awe kua sambiaɨ mii reta. Echa’ä che tae pewe, jokua araɨwa reta uyandareko kua nunga reta re wae jekuaeño ñonoï cheRu ara pe oï wae jowai,” jei chupe reta.

San Mateo 26:33

Jayawe Pedro jei Jesús pe: “Yepe tëi opaetei ïru wae reta ndereyata mbae uyeyapo ndewe wae jeko pewa, erëi che ndarau etei ndueya,” jei chupe.

San Mateo 26:35

Erëitu Pedro jeiete jei chupe: “Yepe tëi aramoi amanota nde ndiwe, erëi che ndarau etei ndukuaku,” jei chupe. Jare jukuärái wi jei tëi opaete Jesús jemimboe reta.

Marcos 14:29

Jayawe Pedro jei Jesús pe: “Yepe tëi opaetei ïru wae reta ndereyata, erëi che ndarau etei ndueya,” jei chupe.

San Lucas 12:32

Jayawe Jesús jei wi chupe reta: “Awɨye pekɨye, cheremimboe mbowɨ mii peï wae reta. Echa’ä Tumpa umee ma pewe piko waerä jae ndiwe jae oï ma yawe opaete wae imburuwicha wasurä jaeño mái pewa. Jare jokua re ko jae uyerowiaete oï,” jei chupe reta.

San Lucas 22:32

“Jayawe michi pewa ndiyerowata neï chewi kuri. Erëi che ayerure ma Tumpa pe nderé nde jekuaeño nderowia waerä cheré. Jare ndiyerowa ye ma chekotɨ yawe, emɨmɨräta kua nderɨwɨ reta,” jei chupe.

San Juan 1:42

Jayawe Andrés ueru Simón Jesús oï wae pe. Jayawe yuraa ma uwäe reta yawe Jesús oï wae pe, Jesús umae ngatu Simón re jare jei chupe: “Che ndukuaa. Nde ko Jonás taɨ Simón. Añawe wiwe che numbɨjeeta wi Cefas,” jei chupe. (Kua tee ko jee Pedro yande yae chupe wae.)

San Juan 13:37

Jayawe Pedro jei: “CheYa, ¿maera pa chepuereta’ä a nde ndiwe añawe? Che tamee cherekowe nderepɨ waerä,” jei chupe.

San Juan 16:27

Echa’ä cheRu etei perau, echa’ä pe reta cherau jare perowia che ayu cheRu wi ramo,” jei chupe reta.

San Juan 21:12

Joko wi Jesús jei chupe reta: “Peyu pekaru,” jei. Erëi pëti awe jemimboe reta upɨrandu’ä chupe kía ra ko jae wae, echa’ä uikuaa reta jae ko yandeYa wae.

San Juan 21:7

Jayawe jokua jemimboe Jesús uauete wae jei Pedro pe: “¡Mase, jae yepe yandeYa!” jei chupe. Jare Simón Pedro uyandu yawe, jawoi pewa uyemonde, echa’ä omboi yepe amokue jemimonde uparawɨkɨ kawi waerä. Jare uyemonde ma yawe, upɨrɨrɨkɨ ɨ pe jare uɨtai oo Jesús kotɨ.

San Juan 8:42

Jayawe Jesús jei chupe reta: “Añetete Tumpa ko jae peRu yawe, jayawe pe reta cherauta tëi ko, echa’ä che ayu ko Tumpa wi. Tumpa etei ko chembou. Che ayu’ä ko che aipota ramoño,” jei chupe reta.

Hechos 20:28

Jare jei wi chupe reta: “Jayawe, pe reta Cristo re wɨrowia wae itenondewa reta, piyandareko kawi piyé,” jei. “Jare piyandareko kawi wi opaete hermano reta Tumpa umee pewe wae re. Pikuaa peï kërái pëti owecha iyandarekoa uyandareko kawi iowecha reta re. Jukuärái wi piyandareko kawi hermano reta re jare pemboe kawi reta. Echa’ä yandeYa uepɨ reta jae juwɨ pɨpe etei, jare jukuärái jae reta yandeYa imbae ko. Jekuaeño pemandúa Espíritu Santo ko peparawo pe reta piko waerä jae reta itenondewarä,” jei Pablo chupe reta.

Hechos 20:29

“Aikuaa aï che a ye ma pewi yawe, yuweruta pepɨte rupi Tumpa iñee umɨmbeuraanga wae reta. Jae reta uipotata pererükumewa Tumpa kotɨ kërái yawapɨ̈ta uipota ou uyuka jou owecha reta wae rami,” jei.

Romanos 14:1

Añawe aipota pumbɨarakuaa ye ambɨe re. Ime yawe kía pepɨte rupi ndeiño ipɨräta Tumpa kotɨ wae, piñemɨïru kawi jae ndiwe. Jare awɨye piyeaka jae ndiwe ipotawe mbaembae Tumpa iñeerɨru pe mbaetɨ oï wae re.

Romanos 15:1

Jayawe yande ñanepɨräta ñaï Tumpa kotɨ wae reta, yandepɨawasuta ko ndeiño ipɨräta Tumpa kotɨ wae reta pe. Awɨyeta ko yaiko yandeiño yayembɨyerowia waerä.

1 Corintios 8:11

Jáeramo jokua ndeiño ipɨräta Tumpa kotɨ wae opiata oï Tumpa jape wi jokua nde ndikuaa wae ndere chupe wae jeko pewa. Ipuereta ko uipɨu ye tumparaanga reta wi. Jokua ko jae mbae ikawi mbaete wae, echa’ä yandeYa Cristo umano jae imaerä wi.

Gálatas 5:6

Añetete ime yawe kía pëti ramiño oï Jesucristo re wae, mbae’ä ko uyembɨcircuncidaka ma wae. Jare mbae’ä ko wi uyembɨcircuncidaka mbae wae. Erëi mbae ikawi wae ko jae Cristo reño yarowia waerä jare yaechaka waerä yarowia ma ko jese wae yayerau päwe rewe rupi.

Efesios 4:14

Jukuärái ñanepɨräta kawi yawe Tumpa kotɨ, yaikota’ä ma sambiaɨ reta rami. Echa’ä sambiaɨ reta uikuaa’ä mbae re wɨrowia waerä. Pëti ara ipuere wɨrowia pëti mbae re, jare ïru ara ipuere wɨrowia ambɨe re. Erëi ñanepɨräta kawi Tumpa kotɨ yawe, ipuereta’ä kiawe yanembɨtawɨ. Echa’ä ime jeta wae reta ikatu upurumbɨtawɨ waerä kachi oporomboe wae rupi.

Efesios 6:24

Tumpa tipɨakawi opaete yandeYa Jesucristo uauete wae reta pe. Jukuärái tuiko.

Hebreos 13:20

YandeRu Tumpa ko jae yanembɨpɨakatu wae. Jare jae ko uyapo pëti yemɨngeta ipɨau wae yande ndiwe. Jare yandeYa Jesucristo juwɨ uyepɨyere wae pɨpe jokua yemɨngeta upɨta kawi ma oï jaeño mái pewa. Jáeramo Tumpa umbɨjekowe ye ueru Jesucristo uyandareko waerä yanderé pëti owecha reta iyandarekoa ikawi wae rami.

Hebreos 4:13

Añetete mbaetɨ kiawe Tumpa uyapo wae ipuere uñemi chuwi, echa’ä Tumpa uecha jare uikuaa opaetei mbaembae. Jare jae jowai yayemboɨta ñaï kuri yamɨmbeu waerä yandereko rewa.

1 Pedro 1:8

Yepe tëi pecha’ä Jesucristo, erëi jesewe pe reta peau ko. Jare yepe tëi añawe ndeiño pecha, erëi perowia ma jese, jare penoi ko yerowia tuichaete wae yandepuere rape’ä ñanemiäri jese wae.

1 Pedro 2:2

Kërái sambiaɨ oa ramo wae ikambúe rami, jukuärái wi pe reta piyueta ko neche uyea mbae wae ara pewa – jae ko Tumpa iñee. Piyemboe jese pekɨrëɨete rewe pepɨräta waerä tekowe opa mbae wae penoi wae rupi.

1 Pedro 2:25

Tenonde yawe pe reta pewataiño piko owecha ukañɨ wae rami. Erëi añawe peyu ye ma ko Cristo kotɨ. Jare jae umae jare uyandareko oï peré pëti owecha iyandarekoa rami.

1 Juan 4:19

Yande yaau ko Tumpa, echa’ä jae rani yanderau ramo.

1 Juan 5:1

Opaete kía reta wɨrowia Jesús ko jae Cristo Upuruepɨ wae, jokua reta Tumpa uyapo taɨ retarä yureko waerä. Jare yande yaikuaa kawi ñaï yaau yawe pëti kuimbae sambiaɨ reta onoi wae, yaau wi ko taɨ reta.