San Juan 21:1 - Biblia

¹ Kua jaɨkue rupi Jesús uyekuaa ye jemimboe reta pe ɨpa wasu Tiberias jee wae jembeɨ pe. Kua uyeyapo kuärái:

Guaraní Pe (Western): Simba

¹ Cua jaɨcue rupi Jesús uyecuaa ye jemimboe reta pe ɨ Tiberias jee vae iyɨpɨ pe. Uyecuaa chupe reta cuarãi:

San Juan 21:1 Iomraidhean Croise

San Mateo 26:32

“Che amano ñotái aï. Erëitu Tumpa chembɨjekowe yeta chereru umanokue wae reta ipɨte wi. Jare aikowe ye ma yawe, che rani ata pewi ɨwɨ Galilea pe,” jei chupe reta.

San Mateo 28:16

Jayawe Jesús once jemimboe tenondewaete reta yuraa ɨwɨ Galilea pe pëti ɨwɨtu wasu raɨ re kiape Jesús umɨmbeu chupe reta wae pe.

San Mateo 28:7

“Jare pekua woi pere jemimboe reta pe kuärái: ‘Jesús ikowe ye ma ou umanokue wae reta ipɨte wi, jare jae oota oï tenonde pewi ɨwɨ Galilea pe. Joko pe peowäitita peï kuri,’ pere chupe reta. Kua ko jae che aipota jae pewe wae,” jei araɨwa kuña reta pe.

Marcos 16:12

Kua jaɨkue rupi Jesús uyembɨambɨe uyechaka waerä mokui jemimboe reta pe, jae reta yuraa yureko rambuewe tëta mbae kotɨ.

Marcos 16:14

Kua jaɨkue rupi Jesús uyechaka once jemimboe tenondewaete reta pe etei jae reta ukaru yureko rambuewe. Jare umbɨeta chupe reta, echa’ä jae reta ipɨatäta ramo. Echa’ä ïru wae reta uecha Jesús ikowe ye ou umanokue wae reta ipɨte wi, jare umɨmbeu tëi jemimboe reta pe. Erëi jesewe jae reta uipota’ä wɨrowia.

Marcos 16:7

“Añawe pekua pere jemimboe reta pe jare Pedro pe kuärái: ‘Jesús oota oï tenonde pewi ɨwɨ Galilea pe. Joko pe peowäitita peï kuri kërái jae jei pewe wae rami.’ Jukuärái pere chupe reta,” jei kunumi kuña reta pe.

San Juan 21:14

Kua re mbapɨ wese ma Jesús uyekuaa jemimboe reta pe ikowe ye ou wiwe umanokue wae reta ipɨte wi.

San Juan 6:1

Kua jaɨkue rupi Jesús jare jemimboe reta ndiwe yuraa uwäe reta ɨpa wasu Galilea jowaicho pe. Jokua ɨpa wasu jee wi Tiberias.

San Juan 6:23

Jayawe yuweru uwäe ïru chalana reta tëta wasu Tiberias wi joko pe. Joko wi mbɨrɨ'ä iko ïruwe ara pe ukaru reta wae – jae ko kiape jou reta mbɨyape yandeYa umbɨjeta chupe reta wae umee yawe yasurupái Tumpa pe.

Hechos 1:3

Echa’ä Jesús umano jare jekowe ye yawe, jeta wese uyekuaa chupe reta cuarenta ara rupi. Jare jae uyekuaaka kawi chupe reta jae jekowe ye wae. Uikuaaka wi chupe reta këraita oï wae Tumpa oï ma yawe opaete wae imburuwicha wasurä jaeño mái pewa.