San Juan 20:9 - Biblia

⁹ Echa’ä yepe tëi uyekuatía oï Tumpa iñeerɨru pe Jesús ikowe yeta ko ou umanokue wae reta ipɨte wi wae, erëi jokua re ndei awe uikuaa kawi reta.

Guaraní Pe (Western): Simba

⁹ Echa'ã ndei uicuaa cavi reta Tumpa iñee pe uyecuatía oĩ vae quirãi Jesús icove yeta ou umanocue vae reta ipɨte güi.

San Juan 20:9 Iomraidhean Croise

Salmo 16:10

Che ko jae jupi rupi ndewe ayeyokui wae. Jare aikuaa aï amano ma yawe, nde, cheTumpa, ndarau chereya neï umanokue wae reta ñonoï wae pe. Ndarau nemaeño cherete opa jüu waerä.

San Mateo 22:29

Jayawe Jesús jei chupe reta: “Pe reta pikuaa’ä Tumpa iñee uyekuatía oï wae, jare pikuaa’ä etei wi kërái ko Tumpa imbaepuere wae. Jáeramo piyawɨ ko piyemɨngeta umanokue wae reta rewa.

San Lucas 24:26

“¿Uyekuatia’ä yerá oï kërái Cristo yae chupe wae tenonde imeta ko uiporara rani? Jare uiporara ma yawe, yandeRu Tumpa etei umbutuichata oï ara pe,” jei chupe reta.

San Lucas 9:45

Erëi Jesús jemimboe reta uikuaa kawi’ä mbae re ra Jesús uyemɨngeta iko wae. Echa’ä ndei uikuaa kawi yureko reta jokua mbaembae rewa. Jae nunga wi ukɨye reta upɨrandu chupe waerä.

San Juan 2:22

Jare taɨkue rupi, Jesús umano ma yawe jare ikowe ye ma ou yawe umanokue wae reta ipɨte wi, jemimboe reta imandúa kua jae jei wae re. Jare jayawe jeiete ma wɨrowia reta Jesús jei wae re jare Tumpa iñeerɨru pe uyekuatiaño mái iko wae re – jae ko kiape uyekuatía oï Upuruepɨ wae ikowe yeta ou iko wae re.

Hechos 17:3

Jukuärái umɨesäka chupe reta kërái Cristo uiporara ñotái jare umano ñotái iko mbaembae yayawɨ Tumpa kotɨ wae re, jare kërái jae ikowe ye ou umanokue wae reta ipɨte wi. Jare Pablo jei chupe reta: “Kua Jesús che amɨmbeu aï pewe wae, jae ko Cristo yae chupe wae,” jei chupe reta.

Hechos 2:24

“Erëi yepe tëi pe reta piyukaka Jesús, jesewe Tumpa umbɨjekowe ye ueru umanokue wae reta ipɨte wi,” jei. “Jesús uiporaraete mano pe. Erëi Tumpa uepɨ chuwi, echa’ä mano imbaepuere’ä etei jese ramo.

1 Corintios 15:4

Jae jetekue ïru reta oñono teöwerenda pe, jare joko wi mbapɨ ara pe Tumpa umbɨjekowe ye ueru umanokue wae reta ipɨte wi kërái Tumpa iñeerɨru pe arakae uyekuatía iko wae rupi.