San Juan 20:31 - Biblia

³¹ Erëi kua uyekuatía oï wae uyekuatía ko pe reta perowia waerä Jesús jae ko Cristo jei chupe reta wae jare Tumpa Taɨ etei ko. Jare jukuärái perowia jese yawe, penoita tekowe opa mbae wae jae imbaepuere rupi.

Guaraní Pe (Western): Simba

³¹ Ẽrei aicuatía cua pe uyecuatía oĩ vae, perovia vaerã Jesús co jae Cristo - jae co Tumpa Taɨ - jare penoi vaerã tecove opa mbae vae cua perovia yave.

San Juan 20:31 Iomraidhean Croise

San Mateo 16:16

Jayawe Simón Pedro jei chupe: “Nde ko jae Cristo ndoe chupe wae. Nde ko jae Tumpa ikoño mái wae Taɨ,” jei chupe.

San Mateo 27:54

Jayawe sɨndaro reta itenondewa Jesús re umae iko wae jare sɨndaro reta uecha reta yawe kërái ɨwɨ ukäta wae jare opaete mbae uyeyapo wae, ukɨyete reta, jare jei reta iyupe: “Añetete yepe, kua kuimbae ko jae Tumpa Taɨ,” jei reta.

San Mateo 4:3

Jayawe Añawasu ou jei chupe: “Nde ko jae Tumpa Taɨ yawe, yaecha ere kua ita reta pe tuyeyapo ndewe mbɨyaperä,” jei chupe.

Marcos 16:16

“Jare ipotawe kía wɨrowia jare uyembɨsakambuka ɨ pe wae onoita tekowe opa mbae wae. Erëi jokua wɨrowia’ä wae reta, Tumpa umbɨjekota oï reta jare omombota oï reta Tatawasurenda pe jaeño mái pewa,” jei chupe reta.

San Lucas 1:35

Jayawe araɨwa jei chupe: “Espíritu Santo outa nderé, jare Tumpa imbaepuere tuichaete wae rupi ndepuruata neï kuri. Jáeramo nemembɨ oa yawe, jeita chupe reta Tumpa Taɨ jupiete ye wae,” jei chupe.

San Lucas 1:4

Echa’ä aipota nde ndikuaa waerä añetete ko jokua mbaembae ndiyemboe jese wae. Echa’ä jukuärái uasa.

San Lucas 24:47

“Jare uyekuatía oï wi kërái ñee uyemɨmbeuta oï opaete rupi ueya reta waerä ipɨayemɨngeta jupi mbae wae Tumpa rewa jare wɨrowia kawi reta waerä jese. Jare uyemɨmbeuta oï wi kërái ipuere uyembái waerä chuwi reta mbaembae uyawɨ Tumpa kotɨ wae,” jei. “Kua mbaembae uyemɨmbeuta oï cheree re, jare uyemɨmbeuta rani Jerusalén pe jare joko wi opaete ɨwɨ rupi,” jei Jesús chupe reta.

San Juan 1:49

“Oporomboe wae,” jei Natanael, “añawe aikuaa nde ko jae Tumpa Taɨ. Nde ko jae oremburuwicha wasurä ndikota wae,” jei chupe.

San Juan 10:10

“Imonda wae jaeño ou oñomi waerä, jare upuruyuka waerä, jare upurukachi waerä. Erëi che jokuaerä'ä ko ayu. Che ayu ko amee waerä tekowe opa mbae wae cheré wɨrowia wae reta pe. Jare jokua tekowe onoi reta yawe, tuicha rupi uyekouta reta,” jei Jesús chupe reta.

San Juan 19:35

Yande yaikuaa ñaï kua mbaembae añetete ko, echa’ä ime kía uecha wae. Jare jae umɨmbeu ma kua mbaembae rewa, pe reta pepuere perowia waerä wi.

San Juan 20:28

Jayawe Tomás jei chupe: “¡Nde ko jae cheYa jare cheTumpa!” jei chupe.

San Juan 3:18

Jare opaete Tumpa Taɨ re wɨrowia wae reta, Tumpa mbaetɨ ma umbɨjeko reta. Erëi opaete Taɨ re wɨrowia’ä wae reta, Tumpa umbɨjeko ma reta, echa’ä jae reta wɨrɨ̈ro Tumpa Taɨ jae waeño wae.

San Juan 3:36

Jare ipotawe kía Tumpa Taɨ re wɨrowia wae ime onoi tekowe opa mbae wae. Erëi Tumpa Taɨ re wɨrowia mbae wae ndarau onoi jokua tekowe, jare Tumpa iarasɨ jekuaeño oï jese.

San Juan 5:24

“Che tae pewe añetete wae, ipotawe kía chiñee re uyapɨsaka wae jare chembou wae re wɨrowia wae, jae onoi tekowe opa mbae wae. Tenonde yawe oo iko Tatawasurenda kotɨ, erëi añawe ime ma onoi tekowe opa mbae wae. Tumpa ndarau ma umbɨjeko,” jei chupe reta.

San Juan 6:40

“Jayawe opaete cheré wɨrowia wae reta onoita tekowe opa mbae wae. Jare jae reta che ambɨjekowe yeta aï kuri umanokue wae reta ipɨte wi ara taɨkuewa pe. Jokua ko jae cheRu uipota wae,” jei Jesús chupe reta.

Hechos 10:43

Jare jei wi chupe reta: “Opaete kuimbae Tumpa iñee arakae umɨmbeu wae reta uikuatía Upuruepɨ wae rewa. Jae reta uikuatía kërái jae rupi Tumpa umbaita opaete jese wɨrowia wae reta wi mbaembae uyawɨ reta ikotɨ wae. Jare kua Upuruepɨ wae, jae ko Jesús,” jei Pedro chupe reta.

Hechos 3:16

“Añetete ko, ore ndorowia kawi Jesús re jeko pewa kua kuimbae uwata mbaei iko wae uwata ma oï. Pe reta pecha jare pikuaa ipuere mbae uwata iko wae. Erëitu ore ndorowia Jesús re ramo, jae umee orewe mbaepuere numɨnguera waerä kua kuimbae opaete pe reta perowai,” jei Pedro chupe reta.

Hechos 8:36

Jare tape rupi yuraa rambuewe, oo uwäe reta ɨpa michi wae pe. Jare eunuco jei: “Ko oï ɨpa raɨ. ¿Mbae yembɨawái ra anoi ayembɨsakambuka waerä?” jei chupe.

Hechos 8:37

Jayawe Felipe jei chupe: “Ndepɨa rewe nderowia yawe, ndepuere,” jei chupe. Jare eunuco jei Felipe pe: “Che arowia Jesucristo ko jae Tumpa Taɨ wae,” jei chupe.

Hechos 9:20

Jare jupiwoiño umbɨpɨ umɨmbeu judío reta pe tupao reta rupi Jesús rewa. Jare jei chupe reta: “Jesús ko jae Tumpa Taɨ,” jei.

1 Pedro 1:9

Echa’ä Cristo re perowia ramo, Tumpa jekuaeño perepɨ oï mbae kachi wae wi.

1 Juan 4:15

Jare ime yawe kía jei, “Jesús ko jae Tumpa Taɨ” wae, jae uñemɨïru oï Tumpa ndiwe jare Tumpa uñemɨïru oï jae ndiwe wi.

1 Juan 5:1

Opaete kía reta wɨrowia Jesús ko jae Cristo Upuruepɨ wae, jokua reta Tumpa uyapo taɨ retarä yureko waerä. Jare yande yaikuaa kawi ñaï yaau yawe pëti kuimbae sambiaɨ reta onoi wae, yaau wi ko taɨ reta.

1 Juan 5:20

Jare yaikuaa wi Tumpa Taɨ ou ma ko kua ɨwɨ pe jare umee ma yandewe arakuaa yaikuaa waerä Tumpa añetete wae. Jare añawe yande ñaï ma ko pëti ramiño Tumpa añetete wae re, echa’ä ñaï ma pëti ramiño Taɨ Jesucristo re ramo. Jae ko Tumpa añetete wae jare tekowe opa mbae wae iYa.

2 Juan 1:9

Ipotawe kía ueya yawe Cristo oporomboe wae iko waerä ambɨe yemboe rupi wae, kua nunga reta mbaetɨ etei onoi Tumpa. Erëi kía jekuaeño iko yawe Cristo oporomboe wae rupi, yandeRu Tumpa jare Tumpa Taɨ mokui rewe ñonoï jae ndiwe.

Apocalipsis 2:18

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Tiatira pe. Ikuatía chupe kua chiñee kuärái: ‘Che ko jae Tumpa Taɨ. Che ko jae jokua jesa tata jendɨ wae rami, jare jokua ipɨ jiero bronce uwerasɨ wae rami.