San Juan 20:21 - Biblia

²¹ Jayawe Jesús jei ye chupe reta: “Pepɨakatu. CheRu chembou amɨmbeu waerä jesewa. Jare jukuärái wi añawe che pomondo aï cheree re pemɨmbeu waerä che rewa,” jei chupe reta.

Guaraní Pe (Western): Simba

²¹ Jayave Jesús jei ye chupe reta: —Pepɨacatu. CheRu chembou. Jae ramiño vi che pomondo —jei.

San Juan 20:21 Iomraidhean Croise

San Mateo 10:16

“Mase, che pomondo aï ikawi mbae wae uyapo wae reta ipɨte rupi,” jei chupe reta. “Jukuärái pe reta pikota peï owecha yawapɨ̈ta reta ipɨte rupi iko wae rami. Jáeramo piyandareko kawi piyé pearakuaa katu rewe jare pekoi rewe,” jei.

San Mateo 10:40

Jesús jei wi chupe reta: “Ime yawe kía pembɨasa kawi jëta pe wae, che ko chembɨasa oï rami. Jare jokua chembɨasa wae, chembou wae etei ko umbɨasa oï wi,” jei.

San Lucas 24:36

Jare uyemɨngeta yureko rambuewe, aramoiño Jesús etei uyekuaa jae reta ipɨte pe uyemboɨ oï. Jare jei chupe reta: “Pepɨakatu, cherɨwɨ reta,” jei.

San Juan 13:20

“Che tae pewe añetete wae, che amondo yawe kía umɨmbeu waerä cheré, jare kía wɨrowia jese yawe, cheré etei ko wɨrowia oï. Jare jokua cheré wɨrowia wae, chembou wae re etei ko wɨrowia oï wi,” jei Jesús jemimboe reta pe.

San Juan 14:27

“Añawe che pueya aï pepɨakatu rewe. Kërái chepɨakatu aï rami, jukuärái wi ayapo pewe pepɨakatu waerä añetete pewa. Kua ɨwɨ pewa reta ‘ndepɨakatu,’ jei yandewe yawe, jae reta uyemɨngetaiño ñonoï. Erëi che ayapota pepɨakatu waerä añetete pewa. Jáeramo awɨye pepɨatɨtɨ mbae uasata oï wae re, jare awɨye wi pekɨye chuwi,” jei chupe reta.

San Juan 20:19

Jayawe jokua pɨ̈tu – domingo ara pe – Jesús jemimboe reta uyembatɨ jare uyukenda kawi öke reta. Echa’ä ukɨye yureko judío itenondewa reta wi. Erëi aramoiño Jesús ou uyemboɨ jae reta ipɨte pe jare jei chupe reta: “Pepɨakatu,” jei.

San Juan 20:22

Jare kua jei yawe, Jesús omondo ipütúe ikotɨ reta jei rewe: “Penoi Espíritu Santo,” jei chupe reta.

San Juan 20:26

Jare juri ara ma uasa yawe, Jesús jemimboe reta jekuae ñonoï ye jokua o pe. Jare jokua wese Tomás joko pe oï wi jae reta ndiwe. Jae nunga öke reta uyeyukenda kawi oï ye. Erëi jesewe Jesús ou ye uyemboɨ jae reta ipɨte pe jare jei chupe reta: “Pepɨakatu,” jei.

San Juan 3:17

Echa’ä Tumpa mbaetɨ ko ombou Taɨ kua ɨwɨ pe umbɨjeko waerä ɨwɨ pewa reta. Ombou ko uepɨ reta waerä.

Hechos 1:2

Añawe aikuatía aï ndewe kuärái: Jesús uiparawo amokue kuimbae reta omondo reta waerä umɨmbeu waerä iñee. Kua reta ko jae Jesús jemimboe tenondewaete reta. Jayawe ndei Jesús oo ye mbowe ara pe, Espíritu Santo imbaepuere rupi uikuaaka chupe reta mbae uyapo reta waerä.

Hechos 1:8

“Erëi pe reta pepuere pikuaa kua rewa: Espíritu Santo ou ma pepɨa pe yawe, pemɨmbaepuereta oï,” jei. “Joko wi pe reta chekuaakata opaete wae reta pe – tëta wasu Jerusalén pe rani, jare joko wi opaete ɨwɨ Judea rupi, ɨwɨ Samaria rupi, jare opaete ɨwɨ rupi,” jei chupe reta.

2 Timoteo 2:2

Nde ndiyandu jeta wae reta ndiwe yemboe añetete wae che jae wae. Jayawe jokua yemboe emɨmbeu yuapɨ ye kuimbae nderowia katu jese wae reta pe, jae reta ipuere waerä omboe yuapɨ ye ïru wae reta pe.

Hebreos 3:1

Cherëtara mii reta, Tumpa etei peñono tee jae imaerä jare peparawo jae ndiwe piko waerä ara pe. Jáeramo pepɨayemɨngeta toï añetete rewe Jesucristo kotɨ. Jae ko yandeRu Tumpa ombou wae, jare jae ko yandesacerdote tenondewaete yamɨmbeu ïru wae reta pe wae.

3 Juan 1:14

Echa’ä aipota a apou ndepɨ ɨmambaeño yayemɨngeta waerä yayerecha rewe.