San Juan 20:19 - Biblia

¹⁹ Jayawe jokua pɨ̈tu – domingo ara pe – Jesús jemimboe reta uyembatɨ jare uyukenda kawi öke reta. Echa’ä ukɨye yureko judío itenondewa reta wi. Erëi aramoiño Jesús ou uyemboɨ jae reta ipɨte pe jare jei chupe reta: “Pepɨakatu,” jei.

Guaraní Pe (Western): Simba

¹⁹ Jare jocua pɨ̃tu - domingo ara pe - Jesús jemimboe reta uyembatɨ jare uyuquenda jonque reta. Echa'ã jae reta uquɨye judío reta güi. Jayave ou Jesús uyemboɨ ipɨte pe jare jei chupe reta: —Pepɨacatu.

San Juan 20:19 Iomraidhean Croise

San Mateo 10:13

Jare jokua kuimbae jëtara reta pembɨasa kawi yawe, jayawe Tumpa umaeta jokua tëta re. Erëi mbaetɨ pembɨasa kawi reta yawe, Tumpa ndarau wi umae jese reta,” jei chupe reta.

San Mateo 18:20

“Echa’ä ime yawe kía reta cheree re uyembatɨ wae, che aïta jae reta ipɨte pe, yepe tëi jae reta mokui ani mbapɨ miño yepe,” jei Jesús jemimboe reta pe.

Marcos 16:14

Kua jaɨkue rupi Jesús uyechaka once jemimboe tenondewaete reta pe etei jae reta ukaru yureko rambuewe. Jare umbɨeta chupe reta, echa’ä jae reta ipɨatäta ramo. Echa’ä ïru wae reta uecha Jesús ikowe ye ou umanokue wae reta ipɨte wi, jare umɨmbeu tëi jemimboe reta pe. Erëi jesewe jae reta uipota’ä wɨrowia.

San Juan 14:27

“Añawe che pueya aï pepɨakatu rewe. Kërái chepɨakatu aï rami, jukuärái wi ayapo pewe pepɨakatu waerä añetete pewa. Kua ɨwɨ pewa reta ‘ndepɨakatu,’ jei yandewe yawe, jae reta uyemɨngetaiño ñonoï. Erëi che ayapota pepɨakatu waerä añetete pewa. Jáeramo awɨye pepɨatɨtɨ mbae uasata oï wae re, jare awɨye wi pekɨye chuwi,” jei chupe reta.

San Juan 16:22

“Jare jukuärái wi pe reta añawe pepɨatɨtɨ peï, echa’ä che ata ma aï pewi ramo. Erëi che puecha yeta aï, jare jokua ara ramo pe reta piyerowia yeta peï kuri. Jare ndarau kiawe ipuere upɨ̈ro pewi jokua yerowia.

San Juan 16:33

“Jare che jae aï pewe kua mbaembae piko waerä pepɨakatu rewe che rupi. Kua ɨwɨ pe peï rambuewe, pe reta piporarata peï. Erëi piñemɨkɨrëɨ, echa’ä che amɨamɨri ma towaicho kua ɨwɨ pewa,” jei chupe reta.

San Juan 20:21

Jayawe Jesús jei ye chupe reta: “Pepɨakatu. CheRu chembou amɨmbeu waerä jesewa. Jare jukuärái wi añawe che pomondo aï cheree re pemɨmbeu waerä che rewa,” jei chupe reta.

San Juan 20:26

Jare juri ara ma uasa yawe, Jesús jemimboe reta jekuae ñonoï ye jokua o pe. Jare jokua wese Tomás joko pe oï wi jae reta ndiwe. Jae nunga öke reta uyeyukenda kawi oï ye. Erëi jesewe Jesús ou ye uyemboɨ jae reta ipɨte pe jare jei chupe reta: “Pepɨakatu,” jei.

San Juan 21:1

Kua jaɨkue rupi Jesús uyekuaa ye jemimboe reta pe ɨpa wasu Tiberias jee wae jembeɨ pe. Kua uyeyapo kuärái:

San Juan 21:14

Kua re mbapɨ wese ma Jesús uyekuaa jemimboe reta pe ikowe ye ou wiwe umanokue wae reta ipɨte wi.

San Juan 7:13

Erëi kía nungawe jae reta wae wi oë'ä Jesús ipepɨka pe, echa’ä ukɨye reta itenondewa reta wi ramo.

Hechos 1:3

Echa’ä Jesús umano jare jekowe ye yawe, jeta wese uyekuaa chupe reta cuarenta ara rupi. Jare jae uyekuaaka kawi chupe reta jae jekowe ye wae. Uikuaaka wi chupe reta këraita oï wae Tumpa oï ma yawe opaete wae imburuwicha wasurä jaeño mái pewa.

Romanos 15:33

Jayawe Tumpa yanembɨpɨakatu wae toï opaete pe reta ndiwe. Jukuärái tuiko.

1 Corintios 15:5

Joko wi Cristo uyechaka Pedro pe. Jare joko wi jae uyechaka ïruwe jemimboe tenondewaete reta pe.

Efesios 2:14

Pe reta pikuaa peï tenonde yawe ore judiorä nduiko wae numae kawi’ä peré. Echa’ä pe reta pikuaa’ä jare piyapo’ä Moisés arakae uikuatía wae. Jare oremaerä jokua ko jae orereko iyɨpɨ. Jáeramo ore nduyembɨsɨrɨse pewi jare nduyembowaichose pe reta ndiwe. Erëi añawe Cristo kurusu re umano wae rupi opa ma umbái jokua ñamɨtäa imese wae. Echa’ä añawe wiwe kiawe oyata’ä Tumpa re Moisés uikuatía wae rupi. Jáeramo mbaetɨ ye ma mbae re yayembowaicho waerä yande yepái. Cristo ipɨayemɨngeta ko jae yandapo waerä pëti ramiño iyé, judío jare judío mbae wae reta, jare jukuärái yanembɨpɨakatu waerä yande yepái.

Efesios 6:23

Jayawe hermano reta, ayerure aï yandeRu Tumpa pe peré. Aeka aï chupe jare yandeYa Jesucristo pe pembɨpɨakatu waerä, jare pemborɨ piyerau päwe waerä, jare jekuaeño perowia kawi waerä jese wi.

Filipenses 1:2

YandeRu Tumpa jare yandeYa Jesucristo jekuaeño tipɨakawi pewe jare tuyapo pewe piko waerä pepɨakatu rewe.

2 Tesalonicenses 3:16

YandeYa ko jae yanembɨpɨakatu wae. Jare jae jekuaeño tuyapo pewe pepɨakatu waerä ipotawe mbae uyeyapo pewe wae rupi. YandeYa toï opaete pe reta ndiwe.

Hebreos 7:2

Jayawe Abraham opaete mbaembae upɨ̈ro jowaicho reta wi wae, jokua wi umee diezmo Melquisedec pe. Jokua tee Melquisedec uipota jei “mburuwicha wasu jupi wae.” Jare jae iko tëta wasu Salem imburuwicha wasurä ramo, jae jee wi “mburuwicha wasu umbɨpɨakatu wae.” Echa’ä tee Salem uipota jei “ipɨakatu wae.”

3 Juan 1:14

Echa’ä aipota a apou ndepɨ ɨmambaeño yayemɨngeta waerä yayerecha rewe.

Apocalipsis 1:4

Pe Cristo re perowia wae reta chiu tëta wasu ɨwɨ Asia pewa pe piyembatɨ wae, che araaka aï pewe kua saludo. Che ko jae Juan kua aikuatía aï wae. Tumpa iyɨpɨ wiwe ikoño mái, jare jekuaeño oï, jare jekuaeñota oï. Jae jekuaeño tipɨakawi pewe jare tuyapo pewe piko waerä pepɨakatu rewe. Jare jukuärái wi tuyapo pewe Jesucristo jare Espíritu Santo. Kua Tumpa iEspíritu chiu wese ye jupi jare Tumpa iwapɨa jowai oï. Jesucristo ko jae jekuaeño uikuaaka añetete wae. Jae ko opaete umanokue wae reta ikowe ye wae itenondewaete. Jare jae ko opaete ɨwɨ pewa mburuwicha wasu reta imburuwicha yuapɨ ye. Yande reta jeta ma yayawɨ Tumpa kotɨ. Erëi Jesucristo yanderau jare upɨyere juwɨ opa oyoe waerä yandewi yandereko.