San Juan 20:17 - Biblia

¹⁷ Jayawe Jesús jei chupe: “Awɨye jekuaeño chepɨsɨ. Echa’ä ndei ayeupi cheRu oï wae pe,” jei chupe. “Erëi ekua emɨmbeu cherɨwɨ reta pe che ata ma aï cheRu oï wae pe – jae ko peRu wi. Jae ko cheTumpa jare peTumpa wi,” jei chupe.

Guaraní Pe (Western): Simba

¹⁷ Jayave Jesús jei chupe: —Agüɨye chepɨsɨ. Echa'ã ndei ayupi cheRu pe. Ẽrei ecua emɨmbeu cherɨvɨ reta pe che jae cuarãi: ‘Aata ma cheRu pe - jae co peRu vi. Jae co cheTumpa - jae co peTumpa vi’ —jei.

San Juan 20:17 Iomraidhean Croise

Jeremías 31:33

Erëitu taɨkuete rupi ayapota aï pëti yemɨngeta ipɨau wae Israel iñemoñaa reta ndiwe. Jae ko kua: Che añonota aï chiñee jae reta ipɨa pe, jare jukuärái jae reta opata uikuaa kawi. Che aikota jae reta iTumparä jare jae reta yurekota chemaerä.

San Mateo 12:50

Echa’ä cheRu ara pe oï wae jei wae uyapo wae reta ko jae cherɨwɨ reta jare cherindɨ reta jare chesɨ,” jei chupe reta.

San Mateo 25:40

“Jayawe che jaeta chupe reta: ‘Che tae pewe añetete wae, pe reta pemborɨ yawe ipotawe cherɨwɨ reta jare cherindɨ reta, che etei ko chemborɨ piko. Jukuärái ko, yepe tëi jokua reta mbae’ä ko ïru wae reta pewarä aramoi,’ jaeta chupe reta,” jei.

San Mateo 28:7

“Jare pekua woi pere jemimboe reta pe kuärái: ‘Jesús ikowe ye ma ou umanokue wae reta ipɨte wi, jare jae oota oï tenonde pewi ɨwɨ Galilea pe. Joko pe peowäitita peï kuri,’ pere chupe reta. Kua ko jae che aipota jae pewe wae,” jei araɨwa kuña reta pe.

Marcos 12:26

“¿Pemɨngeta’ä yerá Moisés arakae uikuatía wae? Joko pe jei sɨmi umanokue wae reta ikowe yeta wae rewa,” jei. “Echa’ä uyekuatía oï kërái Tumpa jei yái jendɨ wae wi Moisés pe wae. Jei chupe: ‘Che ko jae nderamɨkue reta Abraham, Isaac, jare Jacob iTumpa.’ Jukuärái Tumpa jei Moisés pe yepe tëi Moisés tamɨkue reta arakaete ye ma opa umano,” jei.

Marcos 16:19

Jayawe yandeYa Jesús opa ma jemimboe reta umɨngeta yawe, uyereraa ara pe. Jare uwapɨ yandeRu Tumpa iyakata kotɨ jae ndiwe onoi waerä mbaepuere.

San Lucas 10:4

“Awɨye peraa korepoti, jare urupuku, jare ïru mbɨpasa. Jare perowäiti yawe kía tape rupi, awɨye ɨma piyemɨngeta jae ndiwe,” jei chupe reta.

San Juan 13:1

Añawe koiñoete ma iko pascua iara reta yemɨmandúa pewa. Jare Jesús uikuaa uwäe ma ara ueya waerä kua ɨwɨ oo ye waerä Tu oï wae pe. Jae uauño mái jemimboe reta kua ɨwɨ pe ñonoï wae. Jare añawe jae uechakata iko chupe reta kërái jae uauete reta wae.

San Juan 13:3

Erëi Jesús uikuaa kawi Tu umee ma chupe mbaepuere opaete mbaembae re. Jare uikuaa wi jae Tumpa wi ou wae, jare uikuaa wi oo yeta ma oï Tumpa pe wae.

San Juan 14:2

“CheRu jëta pe ime jeta o, jare uepitɨ oï opaete pewarä. Jukuärai’ä yawe, amɨmbeuta tëi ko pewe. Che ata ma aï joko pe ayapɨkatu waerä kiape peïta che ndiwe wae.

San Juan 14:28

“Che jae ma pewe: ‘Che ata ma jare ayu yeta aiko waerä pe reta ndiwe.’ Jukuärái amɨmbeu pewe. Jare pe reta añetete cherau yawe, piyerowiata tëi ko, echa’ä che a yeta ma aï cheRu oï wae pe. Jare cheRu imbaepuere tuichaete chewi,” jei chupe reta.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 16:28

“CheRu wi etei ko ayu kua ɨwɨ pe. Jare añawe a yeta ma aï kua ɨwɨ wi cheRu oï wae pe,” jei Jesús chupe reta.

San Juan 17:11

“CheRu jupiete ye wae, che mbaetɨta ma jekuaeño aï kua ɨwɨ pe, echa’ä a yeta ma aï ndepɨ ramo. Erëi kua kuimbae mii reta upɨtañota kua ɨwɨ pe. Jáeramo aeka aï ndewe ndiyandareko kawi waerä jese reta nembaepuere rupi – jokua nunga mbaepuere nde nemee chewe wi,” jei. “Iyandareko jese reta, jae reta yureko waerä pëti ramiño kërái yande pëti ramiño ñaï rami,” jei.

San Juan 17:25

“CheRu jupiete ye wae, kua ɨwɨ pewa reta ndekuaa’ä. Erëi che ndukuaaño mái. Jare kua cheremimboe reta uikuaa nde ko chembou wae,” jei.

San Juan 17:5

“Jare añawe, cheRu, a yeta ma aï ndepɨ kiape aikose wae pe ndei ɨwɨ uyeyapo mbowe. Chemandúa kawi, che aikose nde ndiwe yawe, yande yayembutuichaka päwe yaiko. Añawe iyapo mii yayembutuichaka päwe ye waerä kërái yaikose wae rami,” jei.

San Juan 20:27

Jayawe jei Tomás pe: “Mase, ko oï chepo. Emae jese. Jare emɨinge nepoäka joko pe. Eupi ndepo jare emɨinge cheyɨke re. Awɨye ma iko nderowia mbae rewe. ¡Erowiaño ma!” jei chupe.

San Juan 7:33

Jare Jesús jei opaete wae pe: “Mbaetɨta ɨma aï pe reta ndiwe. Joko wi ɨmambaeño a yeta ma chembou wae pe.

Romanos 8:29

Jare ¿kërái ra ko Tumpa ipɨayemɨngeta yanemaerä? Iyɨpɨ wiwe jae yandekuaaño mái, yande jae imaerä yaiko wae reta. Jáeramo iyɨpɨ wiwe jae ipɨayemɨngeta iko ñaneñono tee waerä yande reta yaiko waerä Taɨ Jesucristo echa rami. Echa’ä Tumpa uipota onoi jeta taɨ reta, jare jae nunga wi jae uipota taɨ Jesucristo oï waerä ñanerëtara tenondewarä. Jukuärái ko Tumpa ipɨayemɨngeta ikawi wae yanemaerä.

2 Corintios 6:18

Che aikota peRurä, jare pe reta pikota cheraɨrä jare cherayɨrä.” Jukuärái jei yandeYa imbaepuerete wae.

Gálatas 3:26

Jare añawe opaete pe reta Tumpa taɨ reta ma ko Jesucristo re perowia ramo.

Hebreos 11:16

Erëi jukuärai’ä uyapo reta. Jae reta ikɨrëɨete yureko pëti ɨwɨ ikawiete ye wae pe – jae ko ɨwɨ ara pe oï wae pe. Jáeramo Tumpa uyerowiaete jae reta iTumparä iko ramo. Jukuärái yaikuaa, echa’ä Tumpa uyapɨkatu pëti tëta wasu jae reta imaerä ara pe.

Hebreos 8:10

Erëitu taɨkuete rupi ayapota aï pëti yemɨngeta ipɨau wae Israel iñemoñaa reta ndiwe. Jae ko kua: Che añonota aï chiñee jae reta ipɨa pe, jare jukuärái jae reta opata uikuaa kawi. Che aikota jae reta iTumparä jare jae reta yurekota chemaerä.

1 Pedro 1:3

¡Yambutuicha yandeRu Tumpa jee! Jae ko yandeYa Jesucristo Tu. Jae yandeparareko wae rupi uyapo ma yandewe yaa pɨau ye waerä Espíritu Santo rupi, jare jukuärái ñanoi waerä tekowe ipɨau wae. Jare Jesucristo ikowe ye ou umanokue wae reta ipɨte wi ramo, yandepuere yaikuaa kawi imeta ñanoi jokua mbaembae ikawi wae jae jei umeeta oï yandewe wae. Jare kua mbaembae ñaäro ñaï yarowia katu rewe.

1 Juan 3:2

Cheïru puau wae reta, añawe yande ko jae Tumpa taɨ reta. Jare ndeiño Tumpa uikuaaka yandewe kërái eteita ra ko ñaï kuri wae. Erëi yaikuaa ko ñaïta Cristo rami jae ou ye yawe, echa’ä yaechata jae etei kërái ko jae wae.

Apocalipsis 21:3

Jare ayandu pëti ñee ara wi usapɨkai rewe jei: “Mase, añawe wiwe Tumpa jëta oï ɨwɨ pewa reta ipɨte pe. Tumpa ikota jae reta ndiwe jare jae reta yurekota Tumpa imaerä. Jare Tumpa etei ikota jae reta iTumparä,” jei.

Apocalipsis 21:7

“Jare ikawi mbae wae umɨamɨri wae reta pe ameeta opaete kua mbaembae ipɨau wae reta. Che etei aikota jae reta iTumparä jare jae reta yurekota cheraɨ retarä,” jei.