San Juan 20:1 - Biblia

¹ Jare domingo ara pe ndei köe mbowe María Magdalena oo teöwerenda pe. Jare oo ma uwäe yawe joko pe, uecha ita uyeyukenda pɨpe wae uyembɨsɨrɨ ma.

Guaraní Pe (Western): Simba

¹ Jare ndei cõe cavi mbove domingo ara pe María Magdalena ou teõgüerɨru pe, jare uecha ita uyembɨsɨrɨ ma teõgüerɨru güi.

San Juan 20:1 Iomraidhean Croise

San Mateo 27:56

Jare jae reta ipɨte pe ñonoï María Magdalena, jare Jacobo jare José ichɨ María jee wae, jare Zebedeo taɨ reta ichɨ wi.

San Mateo 27:60

Joko wi wɨraa oñono pëti teöwerenda ipɨau wae pe itape uyeyoo wae pe. Jokua ko jae teöwerenda José uyapoka iyupe wae. Jayawe oñono ma yawe Jesús jetekue joko pe, José umbɨyapayere ita tuicha wae uyukenda waerä teöwerenda jöke. Jare joko wi oo ye.

San Mateo 27:64

Jayawe iyokui mii ndesɨndaro reta yuraa uyandareko waerä teöwerenda re mbapɨ ara pewa. Echa’ä jukuärái yawe, ndarau jokua jemimboe pochɨ reta yuraa oñomi Jesús jetekue. Echa’ä jukuärái uyapo reta yawe, jeita reta opaete wae pe Jesús ikowe ye ma ko ou umanokue wae reta ipɨte wi. Jare jukuärái yawe, oete ma upurumbɨtawɨta ñonoï reta Jesús upurumbɨtawɨ wae wi,” jei reta Pilato pe.

San Mateo 27:66

Jayawe jae reta yuraa uyukenda kawi teöwerenda jöke. Jare umɨseñara reta awɨye waerä kiawe uipea. Jare ueya joko pe sɨndaro reta uyandareko waerä teöwerenda re.

San Mateo 28:1

Jayawe mbutuu ara reta uasa ma yawe, domingo ndimboweasɨ, María Magdalena jare ïru kuña María jee wae yuraa reta teöwerenda kotɨ.

San Mateo 28:2

Jare aramoiño ɨwɨ täta ukäta. Echa’ä pëti araɨwa yandeYa pe uyeyokui wae yepe uweyɨ ara wi umbɨsɨrɨ ita tuicha wae teöwerenda jöke wi. Joko wi uwapɨ jokua ita re.

Marcos 15:46

Jayawe José oo owa nieso. Jare umbɨweyɨ ma yawe Jesús jetekue kurusu wi, oñoma nieso pe. Joko wi wɨraa oñono pëti teöwerenda itape uyeyoo wae pe, jare umbɨyapayere ita tuicha wae uyukenda waerä teöwerenda jöke.

Marcos 16:9

Jesús ikowe ye ou umanokue wae reta ipɨte wi domingo ndimboweasɨ. Jare uyechaka tenondete María Magdalena pe. Tenonde yawe Jesús omoë chiu aña reta kua kuña wi.

San Juan 11:38

Jayawe Jesús jekuae tuicha rupi ipɨatɨtɨ rewe oya teöwerenda re. Jokua teöwerenda pëti ɨwawïra uyeyoo wae ko, jare pëti ita tuicha wae oï jöke re.

San Juan 11:41

Jayawe umbɨsɨrɨ reta jokua ita teöwerenda jöke wi. Jare Jesús jowaɨwa ara kotɨ umae jare jei: “CheRu mii, amee yasurupái ndewe, echa’ä nde ndiyapɨsaka cheré ramo.

San Juan 19:25

Jare uyemboɨ ñonoï Jesús ikurusu iyɨpɨ pe Jesús ichɨ, jare ichɨ ipɨkɨɨ, jare Cleofas jembireko María jee wae, jare María Magdalena.

San Juan 20:26

Jare juri ara ma uasa yawe, Jesús jemimboe reta jekuae ñonoï ye jokua o pe. Jare jokua wese Tomás joko pe oï wi jae reta ndiwe. Jae nunga öke reta uyeyukenda kawi oï ye. Erëi jesewe Jesús ou ye uyemboɨ jae reta ipɨte pe jare jei chupe reta: “Pepɨakatu,” jei.

Hechos 20:7

Jayawe domingo ara pe ore nduyembatɨ Cristo re wɨrowia wae reta ndiwe nduyemɨmandúa waerä yandeYa imano re. Jayawe Pablo umbɨpɨ oporomboe Tumpa iñee re. Jare jeta mbaembae re jae oporomboe pɨare mbɨte rewa. Jae uipota’ä etei opa waerä chuwi oporomboe iko wae, echa’ä pɨarewe pe ndoo yeta nduiko ramo.

1 Corintios 16:2

Opa domingo rupi pëti pëti wae pe reta piñono teeta ko jokua pemɨngana wae wi amokue korepoti kërái pemɨngana wae rupi. Jukuärái ko piyapota opa semana rupi awɨye waerä che joko pe ma aï yawe ramo piyapo peï kuri.

Apocalipsis 1:10

Jare aipota aikuaaka pewe kua: Pëti domingo ara pe Espíritu Santo uechaka chewe amokue mbaembae. Jae chembɨpau wae echa. Jukuärái aramoiño ayandu chekupe kotɨ pëti ñee täta uyemɨngeta wae temimbɨ wasu uñee wae rami.