San Juan 2:22 - Biblia

²² Jare taɨkue rupi, Jesús umano ma yawe jare ikowe ye ma ou yawe umanokue wae reta ipɨte wi, jemimboe reta imandúa kua jae jei wae re. Jare jayawe jeiete ma wɨrowia reta Jesús jei wae re jare Tumpa iñeerɨru pe uyekuatiaño mái iko wae re – jae ko kiape uyekuatía oï Upuruepɨ wae ikowe yeta ou iko wae re.

Guaraní Pe (Western): Simba

²² Jáeramo Jesús icove ye yave ou umanocue vae reta ipɨte güi, jemimboe reta imandúa cua jei vae re. Jayave güɨrovia aracae Tumpa iñee pe uyecuatía oĩ vae jare jocua Jesús jei chupe reta vae.

San Juan 2:22 Iomraidhean Croise

Salmo 16:10

Che ko jae jupi rupi ndewe ayeyokui wae. Jare aikuaa aï amano ma yawe, nde, cheTumpa, ndarau chereya neï umanokue wae reta ñonoï wae pe. Ndarau nemaeño cherete opa jüu waerä.

San Lucas 24:26

“¿Uyekuatia’ä yerá oï kërái Cristo yae chupe wae tenonde imeta ko uiporara rani? Jare uiporara ma yawe, yandeRu Tumpa etei umbutuichata oï ara pe,” jei chupe reta.

San Lucas 24:44

Joko wi jei chupe reta: “Pemandúa kawi peï, che aiko yawe pe reta ndiwe, che amɨmbeu pewe kua mbaembae uyeyapota iko chewe wae,” jei. “Che jae pewe imeta ko uyeyapo chewe opaete Moisés arakae uikuatía cheré wae, jare jae nunga wi jokua ïru kuimbae reta Tumpa iñee arakae umɨmbeu wae uikuatía cheré wae, jare salmo reta pe wi,” jei chupe reta.

San Juan 12:16

Jokua ara Jesús jemimboe reta uikuaa kawi’ä yureko kua mbaembae rewa. Erëi Jesús oo ye ma ara pe yawe ramo jae reta imandúa uyekuatía yepe iko Tumpa iñeerɨru pe kua mbaembae reta uyeyapota iko wae.

San Juan 14:26

“Jare outa oï wi jokua Oporomborɨ wae – jae ko Espíritu Santo cheRu ombouta oï pewe cheree re wae. Jare jae ou yawe, pemboeta oï opaete mbaembae Tumpa uipota pikuaa waerä wae re. Jare jae pemɨmanduata oï wi opaete mbaembae che pomboe ma jese wae re,” jei chupe reta.

San Juan 16:4

Erëi che amɨmbeu ma pewe kua ndei uyeyapo mbowe pemandúa waerä kua chiñee re jokua ara uwäe ma yawe,” jei chupe reta. “Kua mbaembae reta amɨmbeu’ä pewe tenonde wiwe, echa’ä che aiko pe reta ndiwe ramo jare puepɨ opa mbaembae wi.

San Juan 2:11

Jesús kua uyapo ɨwɨ Galilea pe tëta wasu raɨ Caná pe. Jare jokua ko jae jaeramo etei Jesús mbae uyapo kiawe ipuere’ä uyapo wae. Jukuärái umbɨpɨ uechaka jae imbaepuere tuicha wae. Jare jokua jae uyapo wae jeko pewa jemimboe reta wɨrowia jese.

San Juan 2:17

Jayawe Jesús jemimboe reta imandúa uyekuatiaño mái iko Tumpa iñeerɨru pe kuärái: “Ambɨetete ye aï nerëta. Jukuärái nerëta ambɨete rewe amanota aï.” Jukuärái uyekuatía oï.

San Juan 2:2

Jare uparea reta wi Jesús jare jemimboe reta pe.

Hechos 11:16

“Jare aramoiño chemandúa jokua yandeYa jei orewe wae re, echa’ä jei orewe: ‘Espíritu Santo outa pepɨa pe iko waerä. Jare kërái Juan karamboe rupi pembɨsakambu ɨ pe rami, jukuärái wi Espíritu Santo peñonota pe reta peï waerä pëti ramiño che ndiwe,’ jei yandeYa orewe,” jei.

Hechos 13:33

añawe uyapo ma yandewe. Jukuärái uyapo jae umbɨjekowe ye yawe ueru Jesús umanokue wae reta ipɨte wi,” jei. “Tumpa iñeerɨru pe uikuaaka yandewe jokua rewa, echa’ä uyekuatía oï salmo mokui wae pe kërái Tumpa jei kuärái: ‘Nde ko jae cheRaɨ. Kua ara etei aikuaaka aï opaete wae pe che ko jae ndeRu.’ Jukuärái uyekuatía oï,” jei.