San Juan 2:19 - Biblia

¹⁹ Jayawe Jesús jei chupe reta: “Opa perukachi kua tupao, jare che amupüa yeta mbapɨ ara pe,” jei chupe reta.

Guaraní Pe (Western): Simba

¹⁹ Jesús jei chupe reta: —Pembusururu yave cua Tumpa jo, che amupũa yeta co mbapɨ ara pe.

San Juan 2:19 Iomraidhean Croise

San Mateo 12:40

“Echa’ä kërái Jonás iko mbapɨ ara jare mbapɨ pɨare jokua pira wasu jɨe pe, jukuärái wi che kuimbaerä ayeyapo wae aïta mbapɨ ara jare mbapɨ pɨare teöwerenda pe,” jei chupe reta.

San Mateo 16:21

Jare jokua ara reta wiwe Jesús umbɨpɨ umɨmbeu jemimboe reta pe kërái jae umanota iko wae. Jei chupe reta: “Che imeta ko a Jerusalén pe. Jare joko pe yandetenondewa reta, jare sacerdote itenondewa reta, jare Moisés uikuatía wae re oporomboe wae reta uiporarakata chewe jare cheyukakata reta,” jei. “Erëi kua imeta ko uyeyapo. Jare joko wi mbapɨ ara pe aikowe yeta ayu aï kuri umanokue wae reta ipɨte wi,” jei chupe reta.

San Mateo 27:40

Jei reta: “Nde ndere tëi: ‘Opata arukachi tupao wasu jare amupüa yeta mbapɨ ara pe,’ ndere. Jukuärái ndepuere ndiyapo yawe, añawe iyerepɨ. Añetete nde ko jae Tumpa Taɨ yawe, yaecha eweyɨ kurusu wi,” jei reta Jesús pe.

San Mateo 27:63

Jare jei reta chupe: “Oremburuwicha, oremandúa ma noï, ndei umano mbowe jokua upurumbɨtawɨse pochɨ wae jei, ‘Mbapɨ ara ma uasa yawe, aikowe yeta ayu aï kuri umanokue wae reta ipɨte wi,’ jeise uyemɨngeta.

Marcos 14:58

“Ore nduyandu kua pochɨ jei, ‘Kua tupao wasu kuimbae retaño uyapo wae, che opata arukachi aï. Erëi mbapɨ ara rupi che amupüa yeta ambɨe tupao wasu kuimbae reta’ä uyapo wae,’ jei,” jei reta.

Marcos 15:29

Jare jokoropi uasa wae reta uñeäkambɨwawa rewe jei reta ikawi mbae wae Jesús pe. “¡Aaa!” jei reta. “Nde ndere tëi: ‘Opata arukachi tupao wasu jare amupüa yeta mbapɨ ara pe,’ ndere.

Marcos 8:31

Jayawe Jesús umbɨpɨ umɨmbeu kawi jemimboe reta pe kërái jae umanota iko wae. Jei chupe reta: “Che kuimbaerä ayeyapo wae imeta ko aiporara jeta. Jare yandetenondewa reta, jare sacerdote itenondewa reta, jare Moisés uikuatía wae re oporomboe wae reta chererɨ̈rota jare cheyukakata reta,” jei. “Erëi kua imeta ko uyeyapo. Jare joko wi mbapɨ ara pe aikowe yeta ayu aï kuri umanokue wae reta ipɨte wi,” jei chupe reta.

San Juan 11:25

Jayawe Jesús jei chupe: “Che ko jae tekowe amee wae jare umanokue wae reta ambɨjekowe ye wae,” jei chupe. “Cheré wɨrowia wae reta, yepe tëi umano, erëi ikowe yeta ñonoï.

San Juan 5:19

Jayawe Jesús jei chupe reta: “Che tae pewe añetete wae, che Tumpa Taɨrä aï wae, cheiño chepuere’ä mbae ayapo. Jaeño mbae aecha cheRu uyapo wae chepuere ayapo. Jare jokua mbaembae cheRu uyapo wae, jokua etei che ayapo wi,” jei.

Hechos 2:24

“Erëi yepe tëi pe reta piyukaka Jesús, jesewe Tumpa umbɨjekowe ye ueru umanokue wae reta ipɨte wi,” jei. “Jesús uiporaraete mano pe. Erëi Tumpa uepɨ chuwi, echa’ä mano imbaepuere’ä etei jese ramo.

Hechos 2:32

“Jare kua opa ma uyeyapo, echa’ä Tumpa umbɨjekowe ye kua Jesús ueru umanokue wae reta ipɨte wi. Jare kua ore nduecha oreresa pe etei,” jei.

Hechos 3:15

Jare jukuärái piyukaka tekowe iYa etei,” jei. “Erëi yepe tëi piyukaka, jesewe Tumpa umbɨjekowe ye ueru umanokue wae reta ipɨte wi. Jare kua ore nduecha oreresa pe etei,” jei chupe reta.

Hechos 3:26

“Jayawe Tumpa umbɨjekowe ye ueru Taɨ umanokue wae reta ipɨte wi jare tenonde ombou yandewe, yande judiorä yaiko wae reta pe rani. Jukuärái jae uyapo yayekou waerä jare yanembɨyerowaka waerä yandereko kachi wi,” jei Pedro chupe reta.

Hechos 6:14

“Mase, ore nduyandu jei jokua Jesús Nazaret pewa umbaita yandetupao wasu jare ueyakata yandewe yandereko Moisés uikuaaka yandewe wae,” jei reta.

Romanos 4:24

Uyekuatía ko oï yanderé wi. Echa’ä Tumpa umae wi yanderé yandereko mbae wae rami yarowia jese yawe – jae ko umbɨjekowe ye ueru yandeYa Jesús umanokue wae reta ipɨte wi.

Romanos 6:4

Jare yande ñamano rami ma Cristo ndiwe ramo, ñaneñono rami wi ko jae ndiwe teöwerenda pe. Erëi Cristo upɨta’ä joko pe. Echa’ä yandeRu Tumpa imbaepuere jupiete ye wae rupi umbɨjekowe ye Cristo ueru umanokue wae reta ipɨte wi. Jare jukuärái rami uyapo yandewe wi yandepuere yaiko waerä tekowe ipɨau wae rupi – mbaetɨ jekuaeño yaiko waerä teko kachi rupi.

Romanos 8:11

Jare Tumpa iEspíritu oï pepɨa pe ramo, jokua Espíritu rupi etei ko Tumpa umbɨjekowe yeta oï perete umanota oï wae. Jukuärái ko jokua Espíritu rupi etei wi Tumpa umbɨjekowe ye Jesucristo ueru umanokue wae reta ipɨte wi. Jare jukuärái wi ko uyeyapota oï pewe.

1 Corintios 15:12

Jayawe ore numɨmbeu pewe jesäka kawi rupi kërái Cristo ikowe ye ou umanokue wae reta ipɨte wi. Jayawe, ¿këraita pa amokue pe reta pere peï ndarau kiawe ikowe ye ou umanokue wae reta ipɨte wi?

Colosenses 2:12

Ani yandepuere yae kuärái: Ndei Cristo re perowia mbowe, pe reta pikose pere wae rupiño. Jáeramo jekuaeño piyawɨse Tumpa kotɨ, jare jokua jeko pewa pemano wae echa piko Tumpa wi. Erëi pëti ara pe reta piyandu kërái Tumpa imbaepuere tuichaete wae. Jare piyandu wi kërái jae umbɨjekowe ye ueru Cristo umanokue wae reta ipɨte wi wae. Jare perowia yawe jae imbaepuere perepɨ waerä wae re, jayawe Tumpa peapo pëti ramiño Cristo re etei. Kua uipota jei Cristo umano yawe, jare teöwerenda pe oñono reta yawe, pe reta wi pemano rami jae ndiwe. Jare Cristo ikowe ye yawe, pe reta wi Tumpa pembɨjekowe pɨau ye rami ko Cristo ndiwe. Yande ñanoi tekowe ipɨau wae, echa’ä Tumpa opa ma umbái yandewi mbaembae yayawɨ ikotɨ wae.

1 Pedro 3:18

Kua pe ikawi ñamae waerä Cristo re. Yepe tëi jae ko jupi wae, erëitu jae uiporara yande jupi mbae yaiko wae reta re. Yande jeta yayawɨ Tumpa kotɨ. Erëi Cristo umano pëti weseño jaeño mái pewa jokua mbaembae yayawɨ wae re, jukuärái yandepuere waerä yaya Tumpa re. Cristo uyeyapo kuimbaerä. Jáeramo jae umano yawe, umano jete pe yande rami. Erëitu ikowe ye ou umanokue wae reta ipɨte wi Espíritu Santo imbaepuere rupi.