San Juan 2:16 - Biblia

¹⁶ Jare Jesús jei pochɨ rewe pɨkasu owaka wae reta pe: “¡Pemoë kua wi kua mbaembae reta! Awɨye cheRu jëta piyapo mercadorä,” jei chupe reta.

Guaraní Pe (Western): Simba

¹⁶ Jare jei pɨcasu umee vae reta pe: —Peraa cua güi cua reta. Agüɨye pemee mbaembae cheRu jo pe —jei.

San Juan 2:16 Iomraidhean Croise

San Mateo 21:12

Jayawe Jesús oo uike tupao wasu joka pe kiape judío mbae wae reta ipuere uyembatɨ umbutuicha reta waerä Tumpa jee. Erëi joko pe ime jeta wae reta owaka ñonoï mbaemɨmba uñemee waerä Tumpa pe wae. Jayawe Jesús opa omoë joko wi jokua mbaemɨmba owaka wae reta jare owa ñonoï wae reta wi. Jare jokua uipepɨka korepoti ɨwɨ ambɨe wi ueru wae reta imesa reta Jesús opa umbɨyapara wɨraa chuwi reta. Jae nunga uyapo wi pɨkasu owaka wae reta jenda.

San Mateo 21:13

Jare jei chupe reta: “Tumpa jei iñeerɨru pe kuärái: ‘Cherëta ko jae yerurerenda pewa.’ Jukuärái Tumpa jei. Erëi pe reta piyapo peï imonda wae reta iñemía rami,” jei Jesús chupe reta.

San Mateo 22:5

“Erëitu jokua uparea chupe wae reta uipota’ä ñeño yuweru. Pëti wae oo uparawɨkɨ iko pe. Ïru wae oo mbaembae owaka.

Marcos 11:17

Jayawe Jesús umbɨpɨ omboe joko pe ñonoï wae reta jare jei: “Tumpa jei iñeerɨru pe kuärái: ‘Cherëta ko jae yerurerenda pewa opaete ɨwɨ pewa reta pewarä.’ Jukuärái Tumpa jei. Erëi pe reta piyapo ma imonda wae reta iñemía rami,” jei Jesús chupe reta.

San Lucas 2:49

Jayawe Jesús jei chupe reta: “¿Maera pa chereka piko? ¿Pikuaa’ä yerá cheRu iparawɨkɨ imeta ko che ayapo wi?” jei chupe reta.

San Juan 10:29

“CheRu etei ko umee reta chewe yureko waerä chemaerä. Jare mbaetɨ kiawe ipuere upɨ̈ro reta cheRu ipo wi, echa’ä cheRu imbaepuere tuichaete ye ko opaete wae wi.

San Juan 2:15

Jayawe kua mbaembae reta Jesús uecha yawe, pochɨ. Jáeramo uyapo iyupe chikote, jare jokua pɨpe omoë omombo tupao wasu joka wi opaete mbaemɨmba owaka wae reta jɨmba reta ndiwe. Jare jokua korepoti uipepɨka wae imesa reta opa umbɨyapara wɨraa chuwi reta. Jare jukuärái opa upɨyere korepoti ɨwɨ re.

San Juan 20:17

Jayawe Jesús jei chupe: “Awɨye jekuaeño chepɨsɨ. Echa’ä ndei ayeupi cheRu oï wae pe,” jei chupe. “Erëi ekua emɨmbeu cherɨwɨ reta pe che ata ma aï cheRu oï wae pe – jae ko peRu wi. Jae ko cheTumpa jare peTumpa wi,” jei chupe.

San Juan 5:17

Erëi Jesús ukɨye’ä chuwi reta. Jae jei chupe reta: “CheRu jekuaeño uyapo oï mbarawɨkɨ ipɨakawi pewa. Jare jukuärái che ayapo aï wi,” jei chupe reta.

San Juan 8:49

“Jukuärai’ä ko,” jei Jesús. “Mbaetɨ ko aña uyembɨiya cheré, echa’ä che ambutuicha cheRu jee. Erëi pe reta piyapo’ä jokua, echa’ä yepe tëi cheRu chembou, erëi pe reta chererɨ̈ro peï,” jei.

1 Timoteo 6:5

Jokua nunga reta uyeakaiño jae yepái. Ipɨayemɨngeta jupi’ä ma ko, jare uikuaa’ä etei reta añetete wae. Jare jae reta oporomboe tëi kuärái: “Tumpa re yarowia kawi ramo, yaikokatuta.” Jukuärái jei tëi reta.

2 Pedro 2:3

Jare jokua oporomboe kachi wae reta uipotaeteta korepoti. Jare imiärita reta iyapu rewe pembɨtawɨ waerä ipuere waerä umɨngana pewi korepoti. Erëi ɨma rupi Tumpa jei uiporaraka waerä chupe reta. Jare chupe reta waerä Tatawasurenda uyeyapɨkatu ma oï.