San Juan 19:9 - Biblia

⁹ Jayawe uruike ye o pe Jesús jare upɨrandu chupe: “¿Kía pewa etei pa nde?” jei chupe. Erëi Jesús jei’ä mbae awe.

Guaraní Pe (Western): Simba

⁹ Jayave uique ye palacio pe jare upɨrandu Jesús pe: —¿Quía pegua pa nde? Ẽrei Jesús jei'ã mbae ave chupe.

San Juan 19:9 Iomraidhean Croise

Isaías 53:7

Yepe tëi umbɨpere reta jasɨ rupi, jesewe kua kuimbae jei’ä mbae awe. Wɨraa uyuka reta waerä jokua kuimbae kërái pëti owecha raɨ uyuka reta rami. Kërái pëti owecha umaeño iyé iñeapika wae reta pe, jukuärái rami jae omoë'ä iñee.

San Mateo 26:63

Erëi Jesús kïiño. Jayawe sacerdote tenondewaete jei chupe: “Emɨmbeu orewe Tumpa ikoño mái wae jowake, ¿nde pa ko jae Cristo yae chupe wae? ¿Nde pa ko jae Tumpa Taɨ?” jei chupe.

San Mateo 27:27

Jayawe mburuwicha isɨndaro reta wɨraa rani Jesús mburuwicha joka tuicha wae pe, jare umbatɨka reta wi opaete ïru sɨndaro reta.

San Lucas 23:9

Jayawe Herodes upɨrandu jeta mbaembae re Jesús pe, erëi Jesús jei’ä chupe mbae awe.

San Juan 18:28

Añawe köe ma jare ndimboweasɨ wɨraa reta Jesús Caifás jëta wi mburuwicha Roma pewa jëta wasu pe umbɨyemboɨ reta waerä Jesús jae jowai. Jokua mburuwicha jee Pilato. Erëi jokua judío itenondewa reta uike’ä o pe, echa’ä jokua mburuwicha judío mbae wae ko. Jare jae reta wɨrowia tëi uike reta yawe judío mbae wae jëta pe, upɨtata reta ikɨa rewe Tumpa kotɨ. Jare jukuärái yawe, ndarau ipuere jou reta tembiu pascua pewa. Jáeramo upɨta reta oka pe.

San Juan 18:33

Jayawe Pilato oo ye uike jëta japɨpe jare ueruruka Jesús jae jowai. Jare upɨrandu chupe: “¿Jae yerá nde judío reta imburuwicha wasu?” jei chupe.

San Juan 18:34

Jayawe Jesús jei chupe: “¿Ndeeño pa ndiyemɨngeta neï jukuärái, ani ïru wae reta pa imiäri ma ndewe che rewa?” jei chupe.

San Juan 18:37

Jayawe Pilato jei chupe: “Jayawe nde yepe jae pëti mburuwicha,” jei chupe. Jayawe Jesús jei chupe: “Nde ndere wae rami jae ko che. Jokuaerä ko aa chesɨ wi. Jare ayu ko kua ɨwɨ pe amɨmbeu waerä añetete wae. Jare opaete uipota yureko añetete wae rupi wae reta, jae reta ko uyapɨsaka chiñee re,” jei chupe.

San Juan 19:10

“¿Maera pa niñee nemoë'ä?” jei Pilato. “¿Ndikuaa’ä yerá che ime anoi mbaepuere ndukutuka waerä kurusu re ani nombopoika waerä?” jei chupe.

San Juan 19:8

Pilato kua uyandu yawe, ukɨyete ye.

San Juan 8:14

Jayawe Jesús jei chupe reta: “Jukuärái tëi ko. Erëitu kua che jae chiyé wae añetete ko, echa’ä che aikuaa ko ketɨ wi ayu wae jare ketɨ a wae. Erëi pe reta pikuaa’ä jokua rewa. Jáeramo pepuere’ä pere chewe: ‘Nde ndere neï wae mbae’ä ko.’

Filipenses 1:28

Jare awɨye pekɨye jokua oyowaicho oï pe ndiwe wae reta wi. Echa’ä pekɨye’ä chuwi reta yawe, pikuaakata chupe reta Tumpa umeeta oï pewe tekowe opa mbae wae, erëi chupe reta Tumpa uiporarakata oï jaeño mái pewa. Añetete Tumpa ko uparawɨkɨ oï kua mbaembae rupi.