San Juan 19:6 - Biblia

⁶ Jayawe judío itenondewa reta jare isɨndaro reta ndiwe uecha yawe Jesús, jei reta usapɨkai rewe: “¡Ikutuka kurusu re! ¡Ikutuka kurusu re!” Jayawe Pilato jei chupe reta: “Jayawe pe reta etei peraa pikutuka. Echa’ä che awäe’ä etei teko jese,” jei.

Guaraní Pe (Western): Simba

⁶ Sacerdote reta itenondegua reta jare jembiocui reta uecha yave Jesús, iñeeãta reve jei: —¡Icutuca curusu re, icutuca curusu re! Jayave Pilato jei chupe reta: —Pe reta etei peraa picutuca curusu re. Echa'ã che avãe'ã etei teco jese —jei.

San Juan 19:6 Iomraidhean Croise

San Mateo 26:58

Jare Pedro oo wi Jesús jaɨkue, erëi mbɨrɨ katu mii upɨta chuwi. Jare uike oo sacerdote tenondewaete joka pe, jare oo uwapɨ sɨndaro tupao wasu iyandarekoa reta uwapɨ ñonoï wae pe uecha waerä mbae ra uasata wae.

San Mateo 27:22

Jare Pilato jei chupe reta: “Ambopoika yawe Barrabás, ¿mbae pa pipota ayapo waerä pewe Jesús pe, jokua Cristo pere chupe wae?” jei chupe reta. Jayawe opaete wae usapɨkai rewe jei: “¡Ikutuka kurusu re!”

San Mateo 27:24

Jayawe Pilato uikuaa ipuere’ä mbae uyapo ombopoika waerä Jesús, echa’ä judío reta umbɨpɨ ma uyembopochɨ ikotɨ. Jáeramo ueruka ɨ, jare umbɨjaanga rewe uyepoe pɨpe uyembatɨ wae reta jowai jei rewe: “Che mbaetɨ anoi teko kua kuimbae jupi wae imano re. Añawe aeya pepo pe,” jei chupe reta.

San Lucas 23:4

Jayawe Pilato jei sacerdote itenondewa reta pe jare joko pe ñonoï wae reta pe: “Awäe’ä teko kua kuimbae re,” jei chupe reta.

San Juan 18:3

Jayawe Judas oo jokotɨ sɨndaro romano reta ndiwe. Jare yuraa reta wi jae jupie amokue fariseo reta jare sacerdote itenondewa reta isɨndaro reta. Opa yuraa reta mechero rewe jare kɨsepuku rewe uipɨsɨ reta waerä Jesús.

San Juan 18:31

Jayawe Pilato jei chupe reta: “Pe reta etei peraa piporaraka chupe pereko rupii,” jei tëi chupe reta. “Ndarau orepuere nduyapo jokua,” jei reta. “Pe romano piko wae reta pemaeño’ä oreré nduyuka waerä kiawe,” jei reta.

San Juan 18:38

Jayawe Pilato jei chupe: “¿Mbae ra ko jokua añetete wae?” Jare kua jei ma yawe, Pilato oë ye oo judío reta oï wae pe jare jei chupe reta: “Che mbaetɨ etei awäe teko jese,” jei.

San Juan 19:15

Jayawe judío reta usapɨkai rewe jei: “¡Tumano! ¡Tumano! ¡Ikutuka kurusu re!” Jayawe Pilato jei chupe reta: “¿Aikutukata yerá pemburuwicha wasu kurusu re?” Jare sacerdote itenondewa reta jei: “Jaeño César ko jae oremburuwicha wasu,” jei reta chupe.

San Juan 19:4

Jare sɨndaro reta opa ma oyoyai yawe Jesús, Pilato oë ye oo Judío reta oï wae pe jare jei chupe reta: “Mase, che aruta pewe jokua kuimbae. Aipota pikuaa kawi waerä che awäe’ä etei ko teko jese,” jei chupe reta.

Hechos 2:23

“Jesewe pëti wae umee pewe Jesús,” jei. “Jare pe reta etei pipɨsɨka Jesús jare pemee yuapɨ ye judío mbae wae reta pe uikutu kurusu re piyukaka waerä,” jei. “Erëitu pe reta jokoropi piyapo ma ko arakae Tumpa iñee pe uyekuatía oï wae jei piyapota piko wae,” jei. “Echa’ä Tumpa uikuaaño mái iko opaete mbaembae ndei uyeyapo mbowe,” jei Pedro chupe reta.

Hechos 7:52

“Echa’ä peramɨkue reta uyapo ikawi mbae wae opaete Tumpa iñee arakae umɨmbeu wae reta kotɨ. Jare ipotawe kía umɨmbeu jokua Upuruepɨ jupi wae outa iko wae rewa yawe, jae reta uyuka. Jare añawe Upuruepɨ wae ou ma, erëi pe reta pemee ma piyukaka waerä,” jei chupe reta.