San Juan 19:39 - Biblia

³⁹ Jare José ndiwe oo wi Nicodemo – jae ko tenonde yawe oo opou Jesús ipɨ pɨ̈tu yawe wae. Jae wɨraa mbae utimbo kawi wae mirra jare áloes uyeakue wae. Kua uepitɨ treinta kilo rupi.

Guaraní Pe (Western): Simba

³⁹ Nicodemo ou vi - jae co tenonde yave oo pɨ̃tu yave Jesús pe vae. Jae güeru mirra jare áloes uyeacue vae. Uepitɨ treinta kilo rupi.

San Juan 19:39 Iomraidhean Croise

San Mateo 12:20

Amokue wae reta ipɨräta’ä etei Tumpa kotɨ pëti takuaräsɨ uyeka wae rami. Erëi jokua nunga reta re jae uipararekoeteta umae. Jare amokue wae reta ikuasɨ ñonoï. Jae reta pëti mechero michi raɨ mii jendɨ oï wae rami ko. Erëi jae omborɨta oï jokua nunga reta. Jukuärái jae uyapota oo oï Tumpa oï ma opaete wae imburuwicha wasurä rewa.

San Mateo 19:30

“Erëi jeta añawe rupi uyembutuichaka ñonoï wae reta, Tumpa umɨmichita oï reta kuri. Jae ramiño wi jeta añawe rupi usiriwe mbae echa ñonoï wae reta, Tumpa umbutuichata oï reta kuri,” jei chupe reta.

San Mateo 2:11

Jayawe uike reta sambiaɨ oï wae pe jare uecha reta sambiaɨ jare ichɨ María ndiwe. Jayawe kuimbae reta uñeñono ɨwɨ re sambiaɨ jowai umbutuicha reta waerä. Jare joko wi pëti pëti wae uipea reta jewɨta umee waerä mbaembae ikawi wae sambiaɨ pewarä. Umee reta chupe oro jare mbaembae utimbo kawi wae jare jepɨete wae – jae ko incienso jare mirra jee wae.

Marcos 16:1

Jayawe mbutuu ara uasa ma yawe, María Magdalena, Jacobo ichɨ María jee wae, jare Salomé owa reta mbaembae utimbo kawi wae ipuere waerä uipichɨ reta tëi pɨpe Jesús jetekue.

San Juan 12:3

Jayawe Lázaro jindɨ María jee wae ueru medio kilo nardo jee wae. Kua ko mbae utimbo kawi wae jare jepɨete wae. Jayawe upɨyere Jesús ipɨ re jare umbɨpɨ umɨtini ipɨ ía pɨpe. Jare o rupi opa tɨnee utimbo kawi wae.

San Juan 12:7

Jayawe Jesús jei Judas pe: “Awɨye ere mbae kua kuña pe,” jei. “Jae upi ma kua mbae utimbo kawi wae kua ara pewarä etei. Jae uyapɨkatu oï cherete teöwerenda pe cheñono reta waerä.