San Juan 19:28 - Biblia

²⁸ Jayawe Jesús uikuaa opa ma uyapo opaete mbaembae Tumpa ombou uyapo waerä wae. Jayawe jei: “Cheɨwe,” jei. Jukuärái uyapo uyeyapo waerä kërái Tumpa iñeerɨru pe uyekuatía oï wae rupi.

Guaraní Pe (Western): Simba

²⁸ Cua jaɨcue rupi Jesús jei: —Cheúe. Cuarãi uyeyapo ma Tumpa iñee pe uyecuatía oĩ vae. Echa'ã Jesús uicuaa opaete iparavɨquɨ opa ma.

San Juan 19:28 Iomraidhean Croise

San Lucas 12:50

“Erëi che imeta ko aiporara rani tuicha rupi, jare täta rupi chepɨatɨtɨ aï jokua uyeyapo rewa,” jei chupe reta.

San Lucas 18:31

Jayawe Jesús ueni ikotɨ jokua doce jemimboe reta jare jei chupe reta: “Mase, pe reta pikuaa peï añawe ya ñaï Jerusalén kotɨ. Jare aipota pikuaa kawi waerä kua: Joko pe uyeyapota oï opaete Tumpa iñee arakae umɨmbeu wae reta uikuatía che kuimbaerä ayeyapo wae re,” jei.

San Lucas 22:37

“Echa’ä uyekuatía oï Tumpa iñeerɨru pe kuärái: ‘Jeta wae reta umae jese pëti jeko kachi wae rami.’ Jukuärái uyekuatía oï,” jei. “Kua uyekuatía oï wae, cheré ko uyemɨngeta oï jare imeta ko uyeyapo chewe. Jare jokua ko uyeyapo oï añawe,” jei chupe reta.

San Lucas 9:31

Jae reta mokui rewe uyekuaa tembipe uwerasɨete wae pe, jare uyemɨngeta reta Jesús imano re kërái umanota iko Jerusalén pe.

San Juan 13:1

Añawe koiñoete ma iko pascua iara reta yemɨmandúa pewa. Jare Jesús uikuaa uwäe ma ara ueya waerä kua ɨwɨ oo ye waerä Tu oï wae pe. Jae uauño mái jemimboe reta kua ɨwɨ pe ñonoï wae. Jare añawe jae uechakata iko chupe reta kërái jae uauete reta wae.

San Juan 17:4

“Añawe che opa ma ayapo mbarawɨkɨ nde nemee chewe wae. Jare jukuärái ambutuichaka ma nderee kua ɨwɨ pewa reta jowake,” jei.

San Juan 18:4

Erëi Jesús uikuaa jokua uyeyapota iko chupe wae. Jayawe oo owäiti reta jei rewe: “¿Kía pa peka peï?” jei chupe reta.

San Juan 19:24

Jare jei reta iyupe: “Kua awɨye yamondorondoro. Yayuwari jese yaikuaa waerä kía ra wɨraata iyupe wae,” jei reta iyupe. Jukuärái uyeyapo Tumpa iñeerɨru pe arakae wiwe jeiño mái uyeyapota iko wae. Echa’ä joko pe uyekuatía oï kuärái: “Umbɨyao reta iyupe cheremimonde. Uyuwari reta jese uikuaa waerä kía ra wɨraata iyupe wae.” Jukuärái uyekuatía iko jare jukuärái etei uyapo sɨndaro reta.

San Juan 19:30

Jare Jesús jou ma yawe, jei: “¡Opa ma ayapo. Jae ma!” jei. Jayawe iñäkatindɨ jare jekowe oñono Tumpa ipo pe.

San Juan 19:36

Arakae rupi Tumpa iñee umɨmbeu wae reta uikuatía Upuruepɨ wae imano rewa kuärái: “Ndarau omopë reta chuwi pëti awe ikäwe.”

San Juan 4:34

Jare Jesús jei chupe reta: “Che ayapo yawe Tumpa chembou ayapo waerä wae, jokua ko jae tembiu rami chemaerä. Echa’ä ayerowiata aï opa ma ayapo yawe mbarawɨkɨ jae umee chewe wae,” jei chupe reta.

Hechos 13:29

“Jare opa ma uyapo reta yawe Jesús pe opaete jese uyekuatía oï wae, umbɨweyɨka reta jetekue kurusu wi, jare oñonoka reta teöwerenda pe,” jei.