San Juan 19:25 - Biblia

²⁵ Jare uyemboɨ ñonoï Jesús ikurusu iyɨpɨ pe Jesús ichɨ, jare ichɨ ipɨkɨɨ, jare Cleofas jembireko María jee wae, jare María Magdalena.

Guaraní Pe (Western): Simba

²⁵ Jare uyemboɨ ñugüɨnoi Jesús icurusu iyɨpɨ pe Jesús ichɨ, jare ichɨ ipɨquɨɨ, jare María - jae co Cleofas jembireco - jare María Magdalena.

San Juan 19:25 Iomraidhean Croise

San Mateo 12:46

Jare Jesús umɨngeta iko rambuewe joko pe ñonoï wae reta, jae ichɨ jare tɨwɨ reta yuweru uwäe. Jae reta uipota tëi uyemɨngeta Jesús ndiwe, erëi oka pe upɨta reta o pe tɨnee iko ramo.

Marcos 16:9

Jesús ikowe ye ou umanokue wae reta ipɨte wi domingo ndimboweasɨ. Jare uyechaka tenondete María Magdalena pe. Tenonde yawe Jesús omoë chiu aña reta kua kuña wi.

San Lucas 2:35

jare jukuärái ikatu pe etei uyekuaata ipɨayemɨngeta reta. Jare nde ndepɨatɨtɨta neï kuri nemembɨ re uiporara wae re, jare ndikuasɨ katuta neï kuri jese.” Jukuärái jei Simeón María pe.

San Lucas 23:49

Erëi opaete Jesús uikuaa wae reta upɨta mbɨrɨ wiño umae. Jare jae reta ndiwe ñonoï wi kuña reta Jesús ndiwe Galilea wi yuweru wae.

San Lucas 24:18

Jayawe pëti wae jae reta Cleofas jee wae jei Jesús pe: “¿Ndikuaa’ä yerá kua ara rupi mbaembae uasa Jerusalén pe wae? Opaete opou wae reta wi, ndeeño chawaa ndikuaa’ä kua mbaembae uasa wae,” jei chupe.

San Lucas 8:2

Jare amokue kuña reta yuraa wi Jesús ndiwe jae reta omborɨ waerä Jesús jare jemimboe reta mbaembae onoi wae rupi. Amokue kua kuña reta tenonde yawe imbaerasɨ yureko, jare amokue reta re aña uyembɨiya. Erëi Jesús umɨnguera reta. Jare kua kuña reta ipɨte wi pëti wae ko jee María Magdalena. Jesús omoë chuwi chiu aña reta. Ïru wae jee Susana. Jare ïru wae ko jae Chuza jembireko Juana jee wae. Chuza ko jae mburuwicha wasu Herodes pe uyeyokui wae reta itenondewa.

San Juan 20:1

Jare domingo ara pe ndei köe mbowe María Magdalena oo teöwerenda pe. Jare oo ma uwäe yawe joko pe, uecha ita uyeyukenda pɨpe wae uyembɨsɨrɨ ma.