San Juan 19:11 - Biblia

¹¹ Jare Jesús jei chupe: “Jukuärái tëi añetete. Erëi ndarau etei mbaepuere nenoi cheré Tumpa umaeño’ä nderé yawe. Añawe nde ime nenoi teko kua mbae uyeyapo oï chewe wae re. Erëi uasaete teko onoi jokua kuimbae chemee ndewe wae,” jei chupe.

Guaraní Pe (Western): Simba

¹¹ —Tumpa umaeño'ã nderé yave, ndarau tẽi ndepuere cheré —jei Jesús—. Jáeramo chemee ndeve vae iyoa ete ma co.

San Juan 19:11 Iomraidhean Croise

San Mateo 26:65

Jayawe jokua uyandu yawe, sacerdote tenondewaete pochɨ pɨpei omondoro iyuwi jemimonde. Jare jei ïru mburuwicha reta pe: “¡Jae jei iyupe tëi Tumpa ko! ¿Maera ye pa yaekata ïru wae reta uñeapo waerä jese?” jei chupe reta. “Mase, pe reta etei piyandu ma kërái jae jei iyupe tëi Tumpa ko.

San Mateo 27:2

Jayawe uñapɨ̈ti reta Jesús ipo rupi, jare wɨraa reta mburuwicha romano Poncio Pilato jee wae jowai uyemboɨ waerä.

San Mateo 6:13

Awɨye mii toya orekotɨ uyawɨka orewe ndekotɨ wae, jare orerepɨ mii Añawasu wi. Nde nenoi opaete mbaepuere, jare nde ndikota wi oremburuwicha wasurä, jare opaete wae umbutuichata nderee jaeño mái pewa. Jukuärái tuiko.’ Jukuäraita ko pe reta piyerure,” jei Jesús chupe reta.

Marcos 14:44

Judas umɨmbeu kawi ma yepe jokua ïru kuimbae reta pe kërái jae reta ipuere waerä uikuaa kía nunga ra ko jae Jesús wae. Jei chupe reta: “Jokua jowa pe ayurupɨteta aï wae ko jae. Pipɨsɨ kawi jare peraa,” jei chupe reta.

San Lucas 22:53

“Opa ara rupi che aiko pe reta ndiwe tupao wasu joka pe. ¿Maera pa joko pe chepɨsɨ'ä?” jei chupe reta. “Erëi añawe uwäe ma ora che aï waerä pepo pe. Kua ko jae ora Añawasu jare aña reta imbaepuere uyekuaa waerä michi pewa,” jei Jesús chupe reta.

San Juan 18:13

Jayawe wɨraa reta Jesús joko wi sacerdote tenondewaete ikose wae Anás jee wae jëta pe rani – jae ko Caifás jowaya. Caifás jae ko sacerdote tenondewaete jokua año rupi.

San Juan 18:3

Jayawe Judas oo jokotɨ sɨndaro romano reta ndiwe. Jare yuraa reta wi jae jupie amokue fariseo reta jare sacerdote itenondewa reta isɨndaro reta. Opa yuraa reta mechero rewe jare kɨsepuku rewe uipɨsɨ reta waerä Jesús.

San Juan 19:10

“¿Maera pa niñee nemoë'ä?” jei Pilato. “¿Ndikuaa’ä yerá che ime anoi mbaepuere ndukutuka waerä kurusu re ani nombopoika waerä?” jei chupe.

San Juan 3:27

Jayawe Juan jei chupe reta: “Jokua jaekawi oï. Tumpa ko ombou orewe kía kía kërái jae uipota wae rupi,” jei.

San Juan 7:30

Jáeramo kua uyandu reta yawe, amokue wae reta uipota tëi uipɨsɨ Jesús. Erëi mbaetɨ kiawe ipuere uipɨsɨ, echa’ä ndei uwäe iko ara jae uyepɨsɨka waerä.

San Juan 9:41

Jayawe Jesús jei chupe reta: “Pe reta moná pikuaa yawe peresa mbae peï Tumpa kotɨ wae, jayawe teko penoi Tumpa kotɨ wae opata tëi uyembái pewi. Erëi pe reta pere peyupe, ‘Ore numae kawi noï,’ pere tëi. Jáeramo jokua jeko pewa imeño teko penoi Tumpa jowai,” jei Jesús fariseo reta pe.

Hechos 2:23

“Jesewe pëti wae umee pewe Jesús,” jei. “Jare pe reta etei pipɨsɨka Jesús jare pemee yuapɨ ye judío mbae wae reta pe uikutu kurusu re piyukaka waerä,” jei. “Erëitu pe reta jokoropi piyapo ma ko arakae Tumpa iñee pe uyekuatía oï wae jei piyapota piko wae,” jei. “Echa’ä Tumpa uikuaaño mái iko opaete mbaembae ndei uyeyapo mbowe,” jei Pedro chupe reta.

Hechos 3:13

“Yanderamɨkue reta iTumpa ko kua uyapo wae – jae ko Abraham, Isaac, jare Jacob iTumpa. Jare jukuärái uyapo umbutuichaka waerä Taɨ Jesús jee,” jei chupe reta. “Kua Jesús etei ko pe reta pemee judío mbae wae reta ipo pe piyukaka waerä. Jare yepe tëi mburuwicha Pilato uipota ombopoika waerä Jesús, erëi pe reta pipota’ä jokua.

Hechos 4:28

“Erëi ore nduikuaa nembaepuere tuichaete ko. Jare jae reta uyapo wae, nde ndere uyeyapo ñotái iko,” jei reta Tumpa pe.

Romanos 11:36

Echa’ä yandeYa ko jae opaete mbaembae iYa. Jae ipo wiño ko ou opaete mbaembae, jare jae rupi opaete mbaembae ñonoï. Jare opaete mbaembae ime oï wae reta jae uyapo jae imaerä. ¡Tuyembutuichaka yandeYa jee jaeño mái pewa! Jukuärái tuiko.

Romanos 13:1

Jare yanemburuwicha reta, yaikuaa kawi Tumpa ko umee chupe reta mbaepuere opaetei yureko waerä mburuwicharä. Jayawe mbaetɨ pëti awe mburuwicha Tumpa oñono mbae wae. Jáeramo imeta ko yande reta yayapo mburuwicha reta jei wae rupi.

Santiago 1:17

Tumpa jaeño umee yandewe ikawi wae. Añetete opaete mbaembae ikawi wae jare jupi wae ou ara wi yandeRu Tumpa oï wae wi. Jae umbɨyekuaa opaete tembipe reta ara re ñonoï wae ipɨakawi rupi. Jare yepe tëi jokua tembipe reta opa kërái rái uyembɨambɨe, erëi yandeRu Tumpa ndarau etei uyembɨambɨe jare ndarau uyepepɨka wi.

Santiago 4:17

Pemandúa kawi kua re: yaikuaa yawe mbae ikawi yayapo waerä wae, erëi yayapo’ä yawe, yayawɨ ma ko Tumpa kotɨ.