San Juan 19:1 - Biblia

¹ Jayawe Pilato jei isɨndaro reta pe wɨraa umbɨpiu reta waerä Jesús.

Guaraní Pe (Western): Simba

¹ Jayave Pilato güɨraaca Jesús uinupaca chicote pe.

San Juan 19:1 Iomraidhean Croise

Isaías 50:6

Amaeño jese reta chembɨpiu waerä chekupe rupi jare omondoro reta waerä cherendɨwaa. Cheyoyai reta jare undɨwɨ reta cherowa re, erëi jesewe añomi’ä cherowa chuwi reta.

Isaías 53:5

Erëi Tumpa kotɨ yande yayawɨ ramo, umbɨpere reta kua kuimbae yandepepɨka pe. Jae uiporara ñenupa rupi yandepuere waerä ñañemɨïru ye Tumpa ndiwe. Jare jae ipere wae rupi yande yakuera.

San Mateo 20:19

jare joko wi chemeeta reta judío mbae wae reta pe,” jei. “Chemeeta chupe reta jae reta upuka waerä cheré, jare chembɨpiu reta waerä, jare chekutu reta waerä kurusu re amano rewa. Erëitu joko wi mbapɨ ara pe aikowe yeta ayu aï kuri umanokue wae reta ipɨte wi.” Jukuärái jei Jesús jemimboe reta pe.

San Mateo 23:34

“Mase, che ambouta aï chiñee umɨmbeu wae reta, jare iyarakuaa katu wae reta, jare oporomboe wae reta. Amokue wae jae reta, pe reta pikututa peï kuri kurusu re jare jukuärái piyukata. Jare ïru wae reta pembɨpiuta petupao reta rupi. Jare peraɨkuemoñata reta wi pëti tëta wasu wi ïru tëta wasu pe piyapo waerä ikawi mbae wae chupe reta,” jei chupe reta.

San Lucas 18:33

“Joko wi chembɨpiuta reta jare cheyukata reta. Erëitu joko wi mbapɨ ara pe aikowe yeta ayu aï kuri umanokue wae reta ipɨte wi.” Jukuärái jei Jesús jemimboe reta pe.

San Lucas 23:16

Jáeramo ainupakata, jare taɨkue rupi ambopoikata,” jei Pilato chupe reta.

San Lucas 23:23

Erëi jeieteño täta rupi usapɨkai rewe jei reta uikutuka waerä Jesús kurusu re. Jare täta usapɨkai chupe reta ramo,

2 Corintios 11:24

Pandepo wese ma judío reta uiporaraka chewe chembɨpiu reta. Jare opa wese chenupa yawe, uiporu cheré treinta y nueve wese chikote.

Hebreos 11:36

Ïru wae reta wɨrowia Tumpa re jeko pewa uiporara ñenupa jare ñee kachi wae. Jae nunga wi oñono reta cadena pe, jare jae reta uiporara peresorɨru pe.

1 Pedro 2:24

Yande jeta ma yayawɨ Tumpa kotɨ. Erëi Cristo uyekutuka iko kurusu re yawe, jae etei uiporara jete pe yanderé jokua teko ñanoi wae opa umbái waerä yandewi. Jare jukuärái Cristo uyapo yandepuere waerä yaiko jupi rupi. Jare jukuärái ko yandepuere yayapo, echa’ä yande reta ñamano rami ma ko yandereko kachi wi. Jare Cristo ipere wae rupi yakuera ma ko Tumpa kotɨ.