San Juan 18:8 - Biblia

⁸ Jayawe Jesús jei chupe reta: “Che jae tëi ma pewe CHE KO jae wae. Pe reta cheeño chereka peï yawe, pemaeño too ye kua che ndiwe ñonoï wae reta,” jei chupe reta.

Guaraní Pe (Western): Simba

⁸ —Amɨmbeu ma peve che co jae —jei Jesús—. Pe reta che chereca. Jáeramo pemaeño cua che ndive ñugüɨnoi vae reta re yugüɨraa ye vaerã —jei.

San Juan 18:8 Iomraidhean Croise

Isaías 53:6

Yande ko jae owecha opa uñemɨái wae reta rami, echa’ä yaipota yaiko yande yae wae rupiño. Erëitu Tumpa uitɨ kua kuimbae re teko yanderé iko wae.

San Mateo 26:56

“Erëitu opaete kua mbaembae uasa oï uyeyapo waerä kërái arakae Tumpa iñee umɨmbeu wae reta uikuatía wae rupi,” jei chupe reta. Jayawe opaete Jesús jemimboe reta ueya jare opa osi reta.

San Juan 10:28

Che amee chupe reta tekowe opa mbae wae, jare jae reta ndarau etei yuraa Tatawasurenda pe. Añetete, mbaetɨ kiawe ipuere upɨ̈ro reta chepo wi,” jei chupe reta.

San Juan 13:1

Añawe koiñoete ma iko pascua iara reta yemɨmandúa pewa. Jare Jesús uikuaa uwäe ma ara ueya waerä kua ɨwɨ oo ye waerä Tu oï wae pe. Jae uauño mái jemimboe reta kua ɨwɨ pe ñonoï wae. Jare añawe jae uechakata iko chupe reta kërái jae uauete reta wae.

San Juan 13:36

Jayawe Simón Pedro jei Jesús pe: “CheYa, ¿ketɨ pa ndeota?” jei chupe. Jare Jesús jei chupe: “Ndarau añawe ndepuere ndeo che ata wae pe. Erëi taɨkue rupi ndeota neï kuri joko pe,” jei chupe.

San Juan 16:32

Mase, uwäeta ma ara – jae ko añawe etei – pe reta opa piñemɨái waerä. Pe reta opata chereya cheño pe etei jare pëti pëti pe reta opata peo ye perëtarëta rupi. Erëi añetete ndarau aï cheño pe etei, echa’ä cheRu oï che ndiwe,” jei chupe reta.

San Juan 18:7

Erëi Jesús jekuae upɨrandu ye chupe reta: “¿Kía pa peka peï?” jei. “Jesús Nazaret pewa,” jei reta chupe.

San Juan 18:9

Kua jei Jesús uyeyapo waerä tenonde yawe jei Tu pe wae. Echa’ä jae jei chupe: “Che ayandareko kawi nde nemee chewe wae reta re. Ndarau pëti awe ukañɨ chewi,” jei.

1 Corintios 10:13

Echa’ä yaikuaa teko kachi jekuaeño opa wese ñanemɨata oï wae echa ikotɨ jare yawái mbae ipuere waerä ñanemɨamɨri. Erëi yandepuere jekuaeño ñañemɨkɨrëɨ, echa’ä yandeño’ä ko. Jokua uasa oï opaete wae rupi. Opaete yande yaikuaa jokua kɨrëɨ mbae kachi yayapo waerä wae. Erëi Tumpa ndarau umaeño jokua kɨrëɨ uasaete ye ipɨräta waerä yandewi. Jae jupi ko yanemborɨ waerä. Jáeramo jae jekuaeño uikuaakata oï yandewe kërái rupi yandepuere waerä yasɨrɨ jokua kɨrëɨ mbae kachi yayapo waerä wae wi.

2 Corintios 12:9

Erëi jae jei chewe kuärái: “Ambɨsɨrɨta’ä ndewi. Erëi che chepɨakawi rupiño nomborɨta nemɨawäta waerä. Jokuaño ko ikawita ndewe. Echa’ä nepɨräta’ä neï yawe, jare che nomborɨ nemɨawäta waerä yawe, jokoropi ko chepuere aechaka kërái chembaepuere tuichaete ko.” Jukuärái yandeYa jei chewe. Jáeramo che ayerowia chepɨräta mbae wae re, jare jokua re ko che chemiärita aï. Echa’ä chepɨräta mbae wae rupi uyekuaa Cristo imbaepuere.

Efesios 5:25

Jare jae wi kuimbae reta jembireko rewe wae pe kuärái: Tuau jembireko kërái Cristo uau opaete jese wɨrowia wae reta rami. Yaikuaa Cristo yanderauete, echa’ä jae uñemee umano waerä yanderé.

1 Pedro 5:7

Peya Tumpa ipo pe opaete piyembɨpɨa’ä jare pepɨatɨtɨ peï jese wae, echa’ä jae uyandareko oï peré ramo.