San Juan 18:40 - Biblia

⁴⁰ Jare jae reta jei usapɨkai rewe: “¡Awɨye embopoika jokua kuimbae! ¡Embopoika orewe Barrabás!” jei reta. Jokua Barrabás ko jae pëti kuimbae imonda jeko kachi wae ñeräro reño iko wae.

Guaraní Pe (Western): Simba

⁴⁰ Jae reta iñeeãta reve jei: —Agüɨye iyora jocua cuimbae. Iyora oreve Barrabás —jei reta. Jocua Barrabás co jae imonda vae.

San Juan 18:40 Iomraidhean Croise

San Mateo 26:55

Jayawe Jesús jei yuweru wae reta pe: “¿Maera pa peyu kɨsepuku rewe jare ɨwɨra rewe chepɨsɨ waerä? ¿Jae yerá che imonda jeko kachi wae?” jei chupe reta. “Opa ara rupi che aporomboe aiko pepɨte rupi tupao wasu joka pe. ¿Maera pa joko pe chepɨsɨ'ä?” jei.

San Mateo 27:16

Jare jokua año pe ime iko peresorɨru pe pëti kuimbae jeräkua wae Barrabás jee wae.

San Mateo 27:26

Jayawe Pilato ombopoika chupe reta Barrabás. Joko wi umbɨpiuka chikote pe Jesús. Jare umbɨpiuka ma yawe, umeeka sɨndaro reta pe uikutu reta waerä kurusu re.

Marcos 15:15

Jayawe Pilato ombopoika chupe reta Barrabás umbɨyerowia reta waerä. Joko wi umbɨpiuka chikote pe Jesús. Jare umbɨpiuka ma yawe, umeeka sɨndaro reta pe uikutu reta waerä kurusu re.

Marcos 15:7

Jare jokua año pe ime iko pëti kuimbae Barrabás jee wae peresorɨru pe ïru upuruyuka wae reta ndiwe. Tenonde yawe jae reta ombowaicho mburuwicha romano kotɨ, jare jukuärái uyuka reta amokue sɨndaro romano reta.

San Lucas 23:25

Jayawe omoëka chupe reta peresorɨru wi jokua kuimbae jae reta uipota wae – jae ko jokua upuruyuka wae jare tekorái uyapoka ombowaicho waerä romano reta wae. Erëi umee Jesús sɨndaro reta pe uyeyapo waerä chupe judío reta uipota wae.