San Juan 18:38 - Biblia

³⁸ Jayawe Pilato jei chupe: “¿Mbae ra ko jokua añetete wae?” Jare kua jei ma yawe, Pilato oë ye oo judío reta oï wae pe jare jei chupe reta: “Che mbaetɨ etei awäe teko jese,” jei.

Guaraní Pe (Western): Simba

³⁸ Jayave Pilato upɨrandu chupe: —¿Mbae pa jocua añete vae? Jare cua jei ma yave, Pilato oẽ ye judío reta jovai jare jei chupe reta: —Avãe'ã etei teco jese.

San Juan 18:38 Iomraidhean Croise

San Mateo 27:24

Jayawe Pilato uikuaa ipuere’ä mbae uyapo ombopoika waerä Jesús, echa’ä judío reta umbɨpɨ ma uyembopochɨ ikotɨ. Jáeramo ueruka ɨ, jare umbɨjaanga rewe uyepoe pɨpe uyembatɨ wae reta jowai jei rewe: “Che mbaetɨ anoi teko kua kuimbae jupi wae imano re. Añawe aeya pepo pe,” jei chupe reta.

Marcos 15:14

Erëi Pilato upɨrandu ye chupe reta: “¿Marái ramo pipota umano waerä kua kuimbae? ¿Mbae ikawi mbae wae pa uyapo?” jei chupe reta. Jayawe jae reta jeiete usapɨkai rewe jei chupe: “¡Ikutuka kurusu re!”

San Lucas 23:4

Jayawe Pilato jei sacerdote itenondewa reta pe jare joko pe ñonoï wae reta pe: “Awäe’ä teko kua kuimbae re,” jei chupe reta.

San Juan 18:33

Jayawe Pilato oo ye uike jëta japɨpe jare ueruruka Jesús jae jowai. Jare upɨrandu chupe: “¿Jae yerá nde judío reta imburuwicha wasu?” jei chupe.

San Juan 19:4

Jare sɨndaro reta opa ma oyoyai yawe Jesús, Pilato oë ye oo Judío reta oï wae pe jare jei chupe reta: “Mase, che aruta pewe jokua kuimbae. Aipota pikuaa kawi waerä che awäe’ä etei ko teko jese,” jei chupe reta.

San Juan 19:6

Jayawe judío itenondewa reta jare isɨndaro reta ndiwe uecha yawe Jesús, jei reta usapɨkai rewe: “¡Ikutuka kurusu re! ¡Ikutuka kurusu re!” Jayawe Pilato jei chupe reta: “Jayawe pe reta etei peraa pikutuka. Echa’ä che awäe’ä etei teko jese,” jei.

Hechos 17:32

Jayawe uyembatɨ wae reta uyandu yawe kía ikowe ye ou wae rewa, amokue wae reta oyoyai. Erëi ïru wae reta jei Pablo pe: “Ore nduipota nduyapɨsaka ye nderé kuri ïru ara rupi kua rewa,” jei reta chupe.

1 Pedro 1:19

Tumpa perepɨ ma Cristo juwɨ pe etei. Jare jokua juwɨ ndaraúi uñewäe chupe jepɨrä wae. YandeYa Cristo jae ko pëti owecha kuimbae ikawiete wae jare ipere mbaei wae kía wɨraa umee Tumpa pe wae rami.